Morgunblaðið - 27.09.2004, Blaðsíða 13
MORGUNBLAÐIÐ MÁNUDAGUR 27. SEPTEMBER 2004 13
ERLENT
EINN af leiðtogum Hamas, her-
skárra samtaka Palestínumanna,
beið bana þegar bíll hans sprakk í
loft upp í Damaskus, höfuðborg Sýr-
lands, í gærmorgun. Ísraelskir emb-
ættismenn, sem vildu ekki láta nafns
síns getið, viðurkenndu að ísraelsk
stjórnvöld hefðu fyrirskipað tilræð-
ið, að sögn fréttastofunnar AP.
Vopnuð hreyfing í Hamas, Ezzed-
ine al-Qassam-hersveitirnar, hótaði
að hefna tilræðisins með árásum á
Ísraela utan landamæra Ísraels.
Einn af forystumönnum Hamas,
Mohamed Nazzal, sagði að verið
væri að kanna þennan möguleika en
ekki hefði verið ákveðið að gera
árásir utan Ísraels.
Hamas sakaði ísraelsku leyniþjón-
ustuna, Mossad, um að hafa komið
sprengju fyrir í bíl Hamas-foringj-
ans Ezzeddine Sobhi Khalil, sem lést
samstundis í sprengingunni. Hún
varð þegar hann gangsetti bílinn.
Kalil var fertugur, fæddist í Gaza-
borg og Ísraelar vísuðu honum úr
landi 1992.
Háttsettir ísraelskir embættis-
menn, þeirra á meðal Ariel Sharon
forsætisráðherra, hafa sagt að engir
leiðtogar Hamas séu óhultir, jafnvel
þótt þeir séu utan palestínsku
heimastjórnarsvæðanna.
Fyrsta banatilræði
Ísraela í Sýrlandi
Ísraelar segja að árásir Hamas-
manna á Ísraela séu nú einkum
skipulagðar í Damaskus. Ísr-
aelsstjórn segir að sýrlensk stjórn-
völd beri ábyrgð á dauða sextán Ísr-
aela, sem biðu bana í sprengjutilræði
Hamas í síðasta mánuði, þar sem þau
verndi leiðtoga Hamas og annarra
herskárra samtaka.
Er þetta í fyrsta skipti sem Ísrael-
ar drepa Hamas-foringja í Sýrlandi.
Ísraelska leyniþjónustan reyndi að
myrða Khaled Mashaal, sem er nú
leiðtogi Hamas, í Jórdaníu 1997. Ísr-
aelar hafa drepið marga af foringj-
um Hamas á árinu, meðal annars
Ahmed Yassin, stofnanda samtak-
anna.
Ísraelar bana
Hamas-foringja
í Sýrlandi
Damaskus. AP, AFP.
Reuters
Sýrlenskir björgunarmenn og öryggisverðir fjarlægja flak bíls Hamas-foringja eftir sprengjutilræði í Damaskus.
MIKILL öryggisviðbúnaður var í
gær þegar farþegaþota gríska flug-
félagsins Olympic Airways á leið frá
Aþenu til New York lenti í örygg-
isskyni á Stansted-flugvelli norður af
London. Nokkrar breskar orrustu-
þotur voru sendar til móts við far-
þegaþotuna og fylgdu henni á flug-
völlinn.
Óþekktur maður hafði hringt í
grískt dagblað og varað við því að
sprengja hefði verið falin í þotunni.
Sprengjusérfræðingar leituðu í þot-
unni.
Herþoturnar voru sendar á loft
eftir að flugstjóri grísku þotunnar
óskaði eftir því að fá að lenda í Bret-
landi. Í vélinni voru um 300 manns.
Lögregla og slökkvilið hafði mik-
inn viðbúnað á flugvellinum við
komu vélarinnar.
Mikill viðbún-
aður á Stansted
London. AFP.
NÚTÍMAHERNAÐUR fer í auknum mæli fram á Netinu,
í tvennum skilningi. Annars vegar koma netsamskipti milli
hermanna í stað hefðbundinna fjarskipta og hins vegar
reyna menn að koma höggi hver á annars netkerfi með
óhefðbundnum aðferðum tölvuþrjóta.
Í Little Creek í Virginíu, rétt utan við Norfolk, er stjórn-
stöð nethernaðar bandaríska flotans, NETWARCOM.
Undir hana heyra um 6.000 sérfræðingar í netsamskiptum
og upplýsingatækni – og þeir vinna bara fyrir flotann; flug-
herinn og landherinn hafa sínu eigin netliði á að skipa.
Spjallað á Netinu í orrustu
Öll skip flotans eru nú nettengd í gegnum gervihnetti.
Eitt af markmiðum stjórnstöðvarinnar er að þau séu alltaf
í netsambandi, jafnvel þótt vond veður og óvinveittar rad-
íóbylgjur trufli fjarskipti. „Herskipin geta víst ekki dregið
ljósleiðarakapal á eftir sér, þannig að við reynum að
tryggja að það sé alltaf til varakerfi ef eitthvað fer úrskeið-
is,“ segir Skip Hiser, einn af sérfræðingunum í Little
Creek.
Markmið netsamskipta í stríði er að þeir, sem stýra að-
gerðum, hafi betri upplýsingar en óvinurinn, geti nálgazt
þær hraðar og þannig tekið betri ákvarðanir. Tölvupóstur
er nú talsvert notaður í stríði, en þegar á reynir, nota menn
ekki síður „battlechat“ – orrustuspjall – enda er það fljót-
virkara. „Við notum spjallið mjög mikið í flotaaðgerðum,“
segir Skip Hiser.
Tölvunirðir og útlendir óvinir
Það getur verið nógu erfitt að verja venjuleg netkerfi
fyrirtækja fyrir árásum tölvuþrjóta. Net flotans nýtur
beztu varna, sem völ er á, enda reyna margir að finna veik-
leika í því. Í svokallaðri varðstöð NETWARCOM grúfa
ungir menn með þykk gleraugu sig yfir tölvuskjái, sem
gefa upplýsingar um það hvort verið sé að gera alvarlegar
árásir á Netið. „Þetta eru netstríðsmennirnir okkar,“ segir
James McArthur, varaaðmíráll og yfirmaður NET-
WARCOM. Þeir eru sem stendur 86 talsins og áætlanir
gera ráð fyrir að þeim verði fjölgað um helming á næstu
tveimur árum.
Netstríðsmennirnir eru á vakt allan sólarhringinn og
standa í stöðugu stríði á Netinu. McArthur segir að menn
hafi áhyggjur af því að óvinir í netheimum reyni að brjót-
ast inn á netkerfi flotans annars vegar til að stela þaðan
upplýsingum og hins vegar til að skemma það og gera
það óvirkt. „Við lítum á netkerfið okkar eins og hvert
annað vopnakerfi. Nettengdur herafli er einn okkar
mesti styrkur og við verðum að verja hann með öllum til-
tækum ráðum,“ segir varaaðmírállinn.
Sumir óvinirnir eru bara venjulegir tölvunirðir, sem
hafa smíðað tölvuveiru sem ræðst á kerfið eða reyna að
brjótast inn í það til að sýna hvað þeir kunna fyrir sér. Ef
það tekst að rekja slóð þeirra, er glæparannsóknadeild
flotans sigað á þá. En aðrir óvinir eru að öllum líkindum
tölvusérfræðingar á vegum erlendra ríkja, sem hafa önn-
ur og öllu einbeittari markmið.
Netárásir frá Kína?
Ríki, sem vita að þau geta ekki ráðið við hernaðarlega
yfirburði Bandaríkjanna, hafa sum hver lagt áherzlu á að
finna fremur veikleikana í fjarskipta- og upplýs-
ingakerfum þeirra. Þetta er hluti af því, sem kallað hefur
verið ósamhverfur hernaður og upplýst hefur verið að
kínverski herinn sé t.d. markvisst að byggja upp sér-
þekkingu til að geta beitt netárásum. Aðspurður hvort
hann viti af slíkum árásum á netkerfi flotans frá Kína,
segir McArthur varaaðmíráll íbygginn á svip: „Ég skal
svara þessu svona: Ef við vitum af árásunum, er hern-
aðurinn ekki lengur ósamhverfur. Þið megið segja Kín-
verjunum það.“
Stöðugt stríð á Netinu
Netstríðsmaður á vakt: Einn af 86 sérfræðingum bandaríska flotans í vörn-
um gegn tölvuárásum rýnir í tölvuskjáinn sinn í Little Creek í Virginíu. olafur@mbl.is
Norfolk, Virginíu. Morgunblaðið.