Morgunblaðið - 27.09.2004, Blaðsíða 31
MORGUNBLAÐIÐ MÁNUDAGUR 27. SEPTEMBER 2004 31
DAGBÓK
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
N
A
T
25
47
1
09
/0
4
Fyrir
okkur hin
Honey Nut Cheerios er fyrir
okkur sem viljum
morgunkorn sem gefur
náttúrulegan sætleika
og er jafnframt fullt af
hollum trefjum og vítamínum.
Enginn fundur,
enginn samningur
ÉG HEF aldrei verið jafn hneyksluð
á ævi minni og þegar mamma mín
kom heim úr vinnunni í dag,
fimmtudaginn 23. september, og
sagði mér að ég ætti að búa mig und-
ir að vera enn lengur í verkfalli af
því að þeir sem eru að semja út af
kennaraverkfallinu hefðu ákveðið
eftir smá fund í morgun að byrja
ekki aftur að funda fyrr en næsta
fimmtudag.
Þeir hefðu farið inn á fundinn og
komið út eftir einhvern tíma og til-
kynnt það að það yrði ekki annar
fundur fyrr en á fimmtudaginn eftir
viku.
Það er mitt álit að þeir ættu alla-
vega að vera að funda því á meðan
þeir eru ekki að funda er ekki mögu-
leiki að verkfallið endi.
Þetta kemur líka mjög illa út fyrir,
fyrst og fremst, nemendur og sér-
staklega 10. bekk sem er að fara í
samræmd próf sem munu ráða því
hvort þau geta farið í þann fram-
haldsskóla sem þau vilja fara í og
síðan er þetta náttúrlega líka slæmt
fyrir foreldra sem eiga börn í yngri
bekkjum og hafa ekki aðgang að
gæslu eins og sum fyrirtæki hafa
boðið upp á af því að þau þurfa nátt-
úrlega að taka frí frá vinnu eða finna
einhvern til þess að passa fyrir sig
sem er nú ekki auðvelt.
Hildur Inga Sveinsdóttir,
13 ára.
Flýtir á
afgreiðslukössum
ÞEGAR ég hef verið að versla und-
anfarið í matvöruverslun hef ég orð-
ið fyrir því að gleyma vörum sem ég
er búin að greiða fyrir á afgreiðslu-
kassanum vegna þrýstings um að
flýta mér að láta vörurnar í pokann
svo hægt sé að byrja að afgreiða
næsta mann.
Vil ég beina þeim tilmælum til
þeirra sem eru að afgreiða á kassa
að leyfa fólki að klára að setja sínar
vörur í pokann áður en næsti maður
er afgreiddur. Ef maður gerir at-
hugasemd við hraðann í afgreiðsl-
unni er maður litinn illu auga af
starfsmanni.
Viðskiptavinur.
Velvakandi
Svarað í síma 5691100 kl. 10–12
og 13–15 | velvakandi@mbl.is
Næsta fimmtudag hefst námskeið ummenningarheim araba á vegum Mímissímenntunar. Jóhanna Kristjóns-dóttir, leiðbeinandi námskeiðsins hef-
ur verið búsett í Mið-Austurlöndum meira og
minna sl. tíu ár. Námskeiðið fer fram í húsakynn-
um Mímis í gamla Stýrimannaskólanum við Öldu-
götu, en það er nú haldið í fimmta sinn. Að sögn
Jóhönnu nýtir fólk úr öllum áttum sér námskeiðið
og aðsókn fer mjög vaxandi. „Á það kemur marg-
litur hópur og á öllum aldri, allt frá unglingum
upp í fólk á níræðisaldri. Fólk sem hefur forvitinn
og opinn huga og vill fræðast um þennan heims-
hluta, hugsar til náms eða ferðalaga þangað eða
hefur farið í ferðir þangað,“ segir Jóhanna. „Í
fyrsta tímanum er talað um islam og kynntar
helstu kenningar um tilurð hennar og sagt frá
Múhameð spámanni Allah sem fékk boðskapinn
frá Gabriel erikiengli sem var tengiliður guðs við
Múhameð. Í öðrum tíma er einkum talað um
stöðu kvenna í hinum ýmsu arabaríkjum og slæð-
una og blæjuna sem margir vestrænir telja að sé
kúgunartákn en á sér aðskiljanlegar skýringar
þegar betur er að gáð. Auk þess er fjallað um við-
horf Vesturlanda til Arabaheimsins og svo öfugt.
Í fjórða tímanum er boðið upp á að smakka arab-
ískan mat og hlýtt á tónlist frá þessum löndum.
Þá verður í síðasta tímanum rakinn aðdragandi
síðasta Íraksstríðs og einnig stríðsins 1991.“
Hversvegna námskeið um Mið-Austurlönd?
„Vegna þess að menn hafa fábreyttar og oft
villandi hugmyndir um þennan heimshluta og
stundum beinlínis rangar. Fólk þekkir ekki þenn-
an heimshluta nema úr fjölmiðlum og gerir sér
ekki grein fyrir að þar þrífst mannlíf og menning
en ekki ógn og skelfing eins og ætla mætti af
einsleitum flutningi flestra íslenskra fjölmiðla.
Hugmyndin með námskeiðinu er að kynna mönn-
um trú, menningu, söguna og stöðu kvenna og
reynt er að afmarka hvern tíma við ákveðna
þætti. Farið verður yfir nútímasöguna frá 1918
þegar Bretar og Frakkar skáru upp svæðið án
þess að taka tillit til þarfa íbúanna. Fjallað verður
um tilurð Ísraelsríkis og hvaða áhrif stofnun þess
hefur haft á framvindu mála í þessum heimshluta.
Þá tala ég um viðhorf fólksins þarna til Vest-
urlanda því hugmyndir þess eru vissulega eins-
leitar líka, en í ýmsum tilvikum er rík ástæða fyr-
ir þeim.“
Hvað er mikilvægast í samskiptum við fólk af
öðrum menningarsvæðum?
„Mikilvægt er að sýna siðum og venjum virð-
ingu og skilja forsendur sem að baki búa. Ekki
endilega gleypa allt hrátt og hratt heldur fræðast
og mynda sér sínar skoðanir og hrapa ekki að
ályktunum eins og mér finnst margir gera. Það
skal tekið fram að námskeiðið er ekki fræðilegt
heldur er ýtt undir að fólk komi með spurningar
jafnóðum og umræður verða oft líflegar.“
Námskeið | Jóhanna Kristjónsdóttir heldur námskeið um menningarheim araba
Virðing við siði mikilvæg
Jóhanna Kristjóns-
dóttir er fædd í Reykja-
vík 1940. Eftir stúd-
entspróf frá MR árið
1959 lauk hún prófi í
hebresku í HÍ árið 1962
og BA prófi frá Sýrlandi
í arabísku. Eftir Jó-
hönnu liggur fjöldi bóka,
þar á meðal um arab-
íska menningu og mál-
efni Mið-Austurlanda.
Þar má nefna Fíladans
og framandi fólk, Flugleiðin til Bagdad, Á leið
til Timbúktú og Insjallah – á slóðum araba.
Væntanleg er bókin Arabíukonur eftir Jó-
hönnu.
Jóhanna á fjögur uppkomin börn.
1. d4 Rf6 2. Rf3 e6 3. e3 b6 4. Bd3 Bb7
5. O-O d5 6. c4 Rbd7 7. Rc3 Bd6 8. cxd5
exd5 9. Dc2 a6 10. e4 dxe4 11. Rxe4
O-O 12. Rxd6 cxd6 13. Bf4 Hc8 14. Db3
Rb8 15. Bf5 Bd5 16. Da3 Hc6 17. Bg5
h6 18. Bh4 a5 19. Hfe1 Ra6 20. De3 Rc7
21. Rd2 Re6 22. Re4 g5
Staðan kom upp á alþjóðlegu móti
sem haldið var í Lausanne í Sviss en
þar tóku þátt ýmsar af yngstu stjörn-
um skákheimsins. Shakhriyar Mam-
edyarov (2662) hafði hvítt gegn Evg-
eny Alekseev (2606). 23. Rxg5! hxg5
24. Bxg5 Rg4 25. Dh3 Rxg5 26. Dxg4
þó að svörtum hafi tekist að forðast
mát í bili reynist sókn hvíts honum of-
viða eins og framhaldið ber með sér.
26...Kh8 27. He3 Hg8 28. Dh5+ Kg7
29. Hg3 Kf6 30. Bd3 Dc8 31. Hf1! Hc1
32. h4 Rh3+ 33. gxh3 Dxh3 34. Dg5+!
og svartur gafst upp enda fokið í flest
skjól.
SKÁK
Helgi Áss Grétarsson | dagbok@mbl.is
Hvítur á leik.
FRANSKI rithöfundurinn Franç-
oise Sagan lést á föstudag, 69 ára að
aldri. Sagan lést af völdum hjarta-
og lungnabilunar nokkrum dögum
eftir að hún var lögð inn á sjúkrahús
nálægt heimili sínu í Normandí eftir
margra ára veikindi.
Fyrsta og þekktasta bók hennar,
„Bonjour Tristesse“, kom út árið
1954 og var gefin út á íslensku í þýð-
ingu Guðna Guðmundssonar („Sum-
arást“, 1955). Sagan var aðeins 18
ára gömul þegar hún skrifaði bók-
ina. Hún skrifaði meira en 40 skáld-
sögur og leikrit.
Skýrt var frá andláti Sagan á for-
síðum franskra blaða á laugardag og
vikuritið L’Express gaf út sérstakt
blað til heiðurs rithöfundinum
tveimur dögum
áður en blaðið
kemur venjulega
út.
„Með andláti
Sagan hafa
Frakkar misst
einn af snjöllustu
og næmustu rit-
höfundum sín-
um,“ sagði Jacq-
ues Chirac, forseti Frakklands.
Vinsæl en stundum umdeild
Sagan hét Françoise Quoirez en
tók sér höfundarnafn úr bókinni „Í
leit að glötuðum tíma“ eftir Marcel
Proust. Hún var uppreisnargjörn á
unglingsárunum og var rekin úr
klaustursskóla. Sumarið 1953 skrif-
aði hún „Sumarást“ og bókin varð
strax vinsæl enda skrifuð á hispurs-
lausan hátt. Þá vöktu berorðar lýs-
ingar Sagan á tilfinningalífi athygli.
Bókin var þýdd á 22 mál og seldist í
fimm milljónum eintaka um heim
allan. Sagan var einnig umdeild síð-
ar á ævinni. Hún fékk sektardóm
fyrir kókaínneyslu um miðjan síð-
asta áratug og var dæmd fyrir skatt-
svik 2002.
Auk „Sumarástar“ þýddi Guðni
Guðmundsson bækurnar „Eftir ár
og dag“ og „Eins konar bros“. Thor
Vilhjálmsson þýddi „Dáið þér
Brahms“ og „Sól á svölu vatni“ var
gefin út í þýðingu Guðrúnar Guð-
mundsdóttur.
Bókmenntir | Rithöfundurinn Françoise Sagan látin
Einn snjallasti og næm-
asti rithöfundur Frakka
Françoise Sagan
Í DAG verður gengist fyrir málstofu
um hlutverk kvenna og/eða kynferð-
is í kvikmyndum og kvikmyndagerð.
Málstofan er í tengslum við Nordisk
Panorama-kvikmyndahátíðina, en
Rannsóknarstofa í kvenna- og
kynjafræðum stendur að henni.
Í pallborðsumræðum verða ein-
staklingar sem stundað hafa kvik-
myndagerð og fræðastörf, en um-
ræðunum stjórna Dagný
Kristjánsdóttir, prófessor við Há-
skóla Íslands, og Hrafnhildur Gunn-
arsdóttir kvikmyndagerðakona.
Meðal þeirra sem taka þátt í pall-
borðinu eru Julie Anderson frá HBO
í Bandaríkjunum, Anke Lind-
enkamp, frá ZDF/ARTE sjónvarps-
stöðvunum í Þýskalandi. Hin ís-
lensk-franskættaða Sólveig
Anspach, sem Íslendingum er að
góðu kunn, mun einnig ávarpa mál-
þingið. Hver frummælenda mun
flytja stuttan inngang um efni að
eigin vali innan þess meginþema
sem málstofan fjallar um, en einnig
verða frjálsar umræður.
Málstofan er öllum opin á meðan
húsrúm leyfir og hvetja skipuleggj-
endur hennar fólk sem hefur áhuga
á þessum efniviði til að taka þátt –
enda er hún líkleg til að verða fróð-
leg og leiða til fjörugra umræðna um
mikilvægt málefni.
Hrafnhildur Gunnarsdóttir kvik-
myndagerðarmaður og Dagný
Kristjánsdóttir, prófessor við Há-
skóla Íslands, stjórna umræðum í
opinni málstofu.
Málþing | Rannsókn-
arstofa í kvenna- og
kynjafræðum
Konur í
kvikmynd-
um og kvik-
myndagerð
Fréttir á SMS