24 stundir - 02.04.2008, Síða 12

12 MIÐVIKUDAGUR 2. APRÍL 2008 24stundir
24stundir
Útgáfufélag:
Ritstjóri:
Fréttastjórar:
Ritstjórnarfulltrúi:
Árvakur hf.
Ólafur Þ. Stephensen
Björg Eva Erlendsdóttir
Gunnhildur Arna Gunnarsdóttir
Þröstur Emilsson
Elín Albertsdóttir
Auglýsingastjóri: Gylfi Þór Þorsteinsson Ritstjórn & auglýsingar: Hádegismóum 2, 110 Reykjavík
Aðalsími: 510 3700 Símbréf á fréttadeild: 510 3701 Símbréf á auglýsingadeild: 510 3711
Netföng: 24stundir@24stundir.is, frettir@24stundir.is, auglysingar@24stundir.is
Prentun: Landsprent ehf.
Einn af hverjum þremur tíundubekkingum langar til að flytjast úr
landi og fjórðungur gerir ráð fyrir að búa í útlöndum. Þetta er meðal
niðurstaðna Þórodds Bjarnasonar, félagsfræðiprófessors við Háskólann
á Akureyri, sem sagt var frá í 24 stundum í gær. Ungmennum, sem sjá
fyrir sér að flytja burt af Íslandi, hefur fjölgað verulega frá því að sam-
bærileg rannsókn var gerð 1992.
Niðurstöðurnar þurfa ekki að koma á óvart. Eins og Þóroddur bendir
á, hefur EES-samningurinn opnað Íslendingum auðvelda leið til ann-
arra Evrópulanda. Efnahagslífið og samfélagið allt er alþjóðavæddara.
Undanfarin ár hefur fólk flykkzt til Íslands frá öðrum ríkjum vegna
mikilla efnahagsumsvifa. Það getur að sjálfsögðu snúizt við ef hér verð-
ur samdráttur en uppsveifla annars staðar.
Með athyglisverðari niðurstöðum könnunarinnar er að af ungmenn-
um á landsbyggðinni sjá nú fleiri fyrir sér að þau flytji til útlanda en að
þau flytji til Reykjavíkur. Þetta sýnir vel að víglínan í byggðamálum ligg-
ur ekki um landamerki höfuðborgarsvæðisins. Hún liggur um Keflavík-
urflugvöll. Það getur orðið flókið að halda í bezta fólkið, ekki bara á
landsbyggðinni heldur á Íslandi yfirleitt. Einkum og sér í lagi ef ekki
tekst fljótlega að skapa stöðugleika í efnahagslífinu á ný. Það sést vel á
ótal samtölum í fjölmiðlum við unga Íslendinga, sem velta því nú alvar-
lega fyrir sér hvort þeir eigi að snúa aftur heim úr námi.
Hluti af því að verja víglínuna á Miðnesheiði er að ná að skapa hér al-
menn, efnahagsleg skilyrði sem standast samanburð við nágrannalönd-
in. Það á við um verðbólgu og vexti, sem við glímum
nú við, en ekki síður um skatta og verðlag. Í skatta-
málum stöndum við nokkuð vel í samanburðinum,
en hreint ekki í verðlagsmálunum. Og þar er ekki
bara utanaðkomandi þáttum um að kenna, heldur í
mörgum tilvikum stefnu stjórnvalda.
Annar lykilþáttur í vörninni er að skapa í Reykja-
vík borgarsamfélag, sem stendur undir nafni og
svalar metnaði og þörfum ungs fólks sem kýs á ann-
að borð að búa í borg. Almenningssamgöngur sem
virka, almennileg samgöngumannvirki og miðborg
sem fólk flýr ekki heldur sækir í og ber virðingu fyrir
eru á listanum yfir það sem þarf að vera í slíkri borg.
Víglínan um
Keflavíkurvöll
SÆKTU LEIÐARANN Á WWW.MBL.IS/PODCAST
Iðnaðarráðherra, Össur Skarp-
héðinsson, sagði á fundi í Kefla-
vík fyrir nokkrum dögum að
stjórnvöld
myndu ekki
standa í vegi fyrir
byggingu álvers í
Helguvík og bætti
við að það væru
ákaflega margir
hlynntari álveri
nú heldur en til
dæmis fyrir kosn-
ingar. Þetta þýðir að hann hefur
kokgleypt „Fagra Ísland“ í einum
bita án þess að blikka auga. For-
maðurinn, Ingibjörg Sólrún,
sagði hins vegar á flokksstjórn-
arfundi Samfylkingarinnar í gær
að það ætti ekki að fara út í stór-
iðjuframkvæmdir í Helguvík að
svo stöddu.
Valgerður Sverrisdóttir
valgerdur.is
BLOGGARINN
Fagra Ísland
Seðlabankinn hefur hækkað
stýrivexti stanslaust síðan árið
2004. Til hvers? Jú, til að berjast
gegn verðbólgu
eins og honum er
ætlað, berjast
gegn þenslu.
Samt hefur hann
aldrei náð verð-
bólgumark-
miðum sínum
þennan tíma.
Hvað hefur rík-
isstjórn Sjálfstæðisflokksins gert
til að slá á þensluna? Jú, af stór-
hug sínum frestaði hún vega-
framkvæmdum á Vestfjörðum!
Hún einkavæddi bankana alla í
einu og afhenti þá pólitískum
vildarvinum á silfurfati. Hún
lækkaði skatta á hátekjufólk og
fyrirtæki.
Jón Bjarnason
jonbjarnason.blog.is
Gagnslaust
Ólafur F. Magnússon borgarstjóri
hefur rétt fyrir sér. Hernám verk-
taka á miðbænum er mest Fram-
sókn að kenna. Sá
flokkur hefur
meira en aðrir
gengið fram í
þjónustu við
verktaka. Um leið
ber hann mikla
ábyrgð á hernám-
inu. Borgin hefur
sofið og látið
verktaka valta yfir sig kruss og
þvers. Þeir hafa skipulagt lóðir og
sent inn pantanir, sem fela í sér
margfalda nýtingu á við það, sem
fyrir var. Borginni ber engin
skylda til að auka verðmæti lóða.
Taka ber hart á gæludýrum Fram-
sóknar, sem kaupa gömul hús og
níða þau markvisst niður.
Jónas Kristjánsson
jonas.is
Gæludýrin
Ólafur Þ.
Stephensen
olafur@24stundir.is
Bílstjórar eru óánægðir. Reykvískir öku-
menn eru orðnir leiðir á umferðartöfum
sem stafa af aðgerðaleysi og einkennilegri forgangsröð
stjórnmálamanna. Öllum ofbýður hátt bensínverð og
mörgum finnast álögur hins opinbera á bíleigendur
allt of miklar. Álögur ríkisins gera almenningi sann-
arlega erfiðara fyrir en ella að komast leiðar sinnar. At-
vinnubílstjórar eru auk þess ævareiðir yfir því að ríkið
sjái þeim ekki fyrir hvíldaraðstöðu.
Við þessu ástandi er nauðsynlegt að bregðast og telja
sumir atvinnubílstjórar heppilegustu leiðina til þess
þá að hefta enn frekar för annarra bílstjóra um höf-
uðborgina og nágrenni hennar. Eftir því sem fram
kom í máli eins bílstjórans er þetta meðal annars gert
vegna þess að mótmæli á Miklatúni og jafnvel Aust-
urvelli hafa litlu skilað. Það blasir auðvitað við að eina
leiðin er að valda öðrum vegfarendum eins miklum
ama og mögulegt er! Nei, að öllu gamni slepptu eru
auðvitað aðgerðir vörubílstjóra síðustu daga fráleitar.
Óvíst er nákvæmlega að hverjum kröfur þeirra beinast
eða hverjar þær eru. Það er hins vegar alveg víst að
þær beinast alls ekki að öðrum vegfarendum, sem hafa
ekkert annað sér til saka unnið en að vilja nota göt-
urnar til að komast á milli staða. Fara í og úr vinnu,
sækja börn á leikskóla, fara í matvöruverslun o.s.frv.
Fólkið sem var að reyna að komast leiðar sinnar en
komst ekki vegna aðgerða vörubílstjóra var beitt
órétti. Þó að margir hafi fagnað aðgerðunum var fjöldi
fólks sem ekki var á sama máli og óréttur verður ekki
réttur við það eitt að hugsanlegur meirihluti einhvers
hóps sé slíkum gerðum fylgjandi.
Áður en lengra er haldið ættu bíl-
stjórarnir að koma því á hreint ná-
kvæmlega hverjar kröfur þeirra eru
og að hverjum kröfur þeirra beinast.
Ef þær beinast að stjórnvöldum væri
síðan í framhaldinu tilvalið að koma í
veg fyrir að fjármálaráðherra og sam-
gönguráðherra komist til ráðuneyta
sinna. Bæði bílstjórarnir og ráherr-
arnir eru þá ólíklegri en ella til að
valda almenningi í landinu frekara
tjóni.
Höfundur er verkfræðingur
Fráleit mótmæli
ÁLIT
Þorsteinn
Arnalds
tharnalds@
gmail.com