24 stundir - 05.07.2008, Side 12

12 LAUGARDAGUR 5. JÚLÍ 2008 24stundir
24stundir
Útgáfufélag:
Ritstjóri:
Fréttastjórar:
Ritstjórnarfulltrúi:
Árvakur hf.
Gunnhildur Arna Gunnarsdóttir
Björg Eva Erlendsdóttir
Magnús Halldórsson
Þröstur Emilsson
Elín Albertsdóttir
Auglýsingastjóri: Gylfi Þór Þorsteinsson Ritstjórn & auglýsingar: Hádegismóum 2, 110 Reykjavík
Aðalsími: 510 3700 Símbréf á fréttadeild: 510 3701 Símbréf á auglýsingadeild: 510 3711
Netföng: frettir@24stundir.is, auglysingar@24stundir.is, 24stundir@24stundir.is,
Prentun: Landsprent ehf.
Nær hundrað manns stóðu fyrir framan dómsmálaráðuneytið í gær og
mótmæltu nauðungarflutningi á ungum Keníamanni, Paul Ramses, til
Ítalíu. Honum hefur verið fleygt úr landinu og hans gætu beðið þau örlög
að dúsa í flóttamannabúðum á Ítalíu í átján mánuði áður en mál hans yrði
tekið upp.
Ramses sótti um pólitískt hæli hér á landi en Útlendingastofnun úr-
skurðaði að ekki bæri að fjalla um málið þar sem Ramses hefði ítalska
vegabréfsáritun.
Stjórnvöld skýla sér á bakvið Dyflinnarsamninginn en í frétt 24 stunda í
dag segir Toshiki Toma, prestur innflytjenda á Íslandi, samninginn mis-
notaðan þar sem íslensk stjórnvöld noti hann til að fría sig ábyrgð á mál-
um Ramses. Markmið hans sé hins vegar að tryggja að eitthvert ríki taki
ákvörðun í málum hælisleitenda.
Hver svo sem lögin eru mætti ætla að ítölsk stjórnvöld verði vart ánægð
með að fá Ramses í sínar hendur eftir að hann hefur búið hér á landi í tvö
ár. Hann starfaði síðast sem uppvaskari á Geysi en í heimalandi sínu vann
hann fyrir andspyrnuhreyfingu og hræðist það að verða tekinn af lífi verði
hann sendur heim. Í Kenía vann hann að hjálparstarfi fyrir ABC en kaus
svo stjórnmálin. Ísland valdi hann af því að hér þekkir hann fólk.
Ramses bjó hér ekki einn. Hann á fjölskyldu; eiginkonu og son. Kona
hans Odhiambo er hér, eins og hann, ólöglegur innflytjandi og gæti nú
farið svo að þeim mæðginum verði einnig vísað úr landinu á næstu dög-
um.
Það er skiljanlegt að íslensk stjórnvöld opni ekki
landið fyrir öllum landlausum mönnum. Hins vegar
er sú harða stefna að neita öllum sem hingað leita eftir
pólitísku hæli ómannúðleg. Finnst okkur í lagi að líta
ekki í pappíra fjölskyldunnar, heldur stía henni í
sundur? Líður okkur vel sem þjóð þegar við sendum
Ramses til Ítalíu og látum þá ákveða framtíð hans,
jafnvel senda hann aftur til Kenía þar sem hann hræð-
ist að láta lífið?
Stjórnvöld hafa talað fyrir því að hér sé rekin um-
burðarlynd stefna gagnvart flóttafólki og innflytjend-
um. Meðferðin á Paul Ramses, og fjölskyldu hans er
ekki til að styrkja trú fólks á því að stefnan sé í takt við
það sem stjórnvöld hafa lagt upp með.
Þarf að stía þeim
í sundur?
Það var á sínum tíma metn-
aðarmál að byggja upp og styrkja
starfssemi Ríkisútvarpsins á
landsbyggðinni.
Gott ef það var
ekki einmitt Al-
þingi sem tók
ákvörðun eða
a.m.k hvatti til
stofnunar svæð-
isútvarps og efl-
ingu starfstöðva
úti um land. Nú
boða stjórnendur Ríkiútvarpsins
niðurskurð í rekstri og fækkun
starfsmanna á svæðisstöðvunum
á Ísafirði, Akureyri og Egils-
stöðum. Stjórn Ríkisútvarpsins,
skipuð að meirihluta fulltrúum
Sjálfstæðisflokks og Samfylk-
ingar, hefur samþykkt þennan
niðurskurð fyrir sitt leyti.
Jón Bjarnason
jonbjarnason.blog.is
BLOGGARINN
Niðurskurður
Annars hefur mál Keníumanns
sem vísað var fruntalega úr landi
í gær tekið drjúgt af tíma mínum
í gær og í dag. Eftir
því sem ég frétti
meira um málið –
bæði af fjöl-
miðlum og símtöl-
um við þá sem vit
hafa á málinu –
verður það óskilj-
anlegra og skamm-
arlegra fyrir okkur
Íslendinga. Það er sorglegt til
þess að vita að ein ríkasta þjóð í
heimi brjóti með þessum hætti
mannréttindi og hundsi eðlilega
gestrisni af nirfilshætti einum og
kreddufestu embættismanna.
Næst skilst mér að til standi að
veita barni hans fæddu hér á
landi og konu sömu meðferð.
Bjarni Harðarson
bjarnihardar.blog.is
Fruntaskapur
Er það ekki bara hræsni að vera
með áform um að auka framlög
til þróunaraðstoðar og taka hér á
móti flóttafólki
sem býr í flótta-
mannabúðum við
ömurlegar að-
stæður meðan
þeim fáu ein-
staklingum sem
raunverulega leit-
ar hingað að eigin
frumkvæði er
sýnd fyrirlitning af þessu tagi?
Út af þessu máli er holur hljómur
í yfirlýsingum íslenskra stjórn-
valda um að þau láti sér annt um
lýðræði, mannúð og mannrétt-
indi. Sá holi hljómur er óþolandi
af því að vilji þjóðarinnar er ein-
lægur í þá veru.
Pétur Gunnarsson
eyjan.is/hux
Fyrirlitning
Gunnhildur Arna
Gunnarsdóttir
gag@24stundir.is
Frá og með 15. júlí mega rútur
ekki leggja á bílastæði Vegagerð-
arinnar við Kerið í Grímsnesi meðan farþegarnir skoða
náttúruperluna. Enda er landið eign Kerfélagsins sem
líður ekki traðk og spjöll á svæðinu. Ferðamálaráð
mótmælir og telur Kerfélagið fara bakdyramegin að því
að setja gjaldtöku á ferðamenn, fyrir enga þjónustu.
Við Kerið er ekki einn einasti kamar, aðeins bílastæði,
stígar og skilti sem Vegagerðin og Ferðamálaráð hafa
kostað. Óskar Magnússon, talsmaður eigenda Kersins
tók reyndar til þess í viðtali við RÚV að þeir hefðu sjálf-
ir lagt vinnu og fé í að koma svæðinu í lag. Nú væri
ástand stíga orðið þannig að ekki væri stætt á því lengur
að hafa óheftan aðgang ferðamanna.
Eigendur vildu fá arð af eign sinni
Kerfélagið impraði á því í fyrra við ferðaskrifstof-
urnar Kynnisferðir og Allrahanda að landeigendur
vildu fá toll af rútufarþegum sem heimsækja Kerið. Í
vor kom Kerfélagið til fundar við Ferðaskrifstofunnar
til að ræða málið frekar. Þórir Garðarsson hjá Allra-
handa segir að eigendur Kersins hafi hvorki minnst á
náttúru né umhverfi þegar þeir kynntu kröfur sínar.
„Eina krafa landeigenda var að fá greiðslur og arð af
eign sinni. Þeir höfðu ekki áhuga á að veita neina þjón-
ustu við Kerið og lýstu ekki áhyggjum af umhverfinu.
Þetta er aðalatriðið og það er til skriflegt, segir Þórir, en
leggur áherslu á að hann ætli sér ekki í neitt stríð við
landeigendur. Við erum að fjarlægja upplýsingar um
Kerið úr öllum bæklingum okkar og strika það út úr
auglýsingum. Við fengum tilkynningu um bannið í síð-
ustu viku og það er stuttur fyrirvari til að breyta áætlun
sem var ákveðin fyrir löngu.“
Hæpnar forsendur og skammur fyrirvari
Eigendur Kersins hafa með arðsemiskröfu sinni
brotið blað. Ekki kom fram hvað þeir ætluðu að láta
fótatak ferðamanna við Kerið kosta, en giskað er á 3-
500 krónur. Magnaðast við þessa fjáröflun hlýtur þó að
vera að Kerfélagið vildi rukka fyrir aðstöðu sem op-
inberir aðilar höfðu komið upp. Hvort það er græðgi
eða venjuleg hegðun íslenskra bisnessmanna má svo
deila um. En þegar ekki gekk að rukka fyrir fótatak og
andardrátt við Kerið ákvað Kerfélagið að loka bílastæði
Ker og kamrar í ferðamennsku
SKÝRING