24 stundir - 05.07.2008, Blaðsíða 18

18 LAUGARDAGUR 5. JÚLÍ 2008 24stundir
Eftir Albert Örn Eyþórsson
albert@24stundir.is
„Að mínu viti er Birkir afar spenn-
andi kostur og eflaust nógu góður
til að fara beint inn í liðið um leið
og hann fær leikheimild.“
Þetta mælti þjálfari norska liðs-
ins Brann í vikunni þegar leitað var
viðbragða hans við kaupum liðsins
á landsliðsmanninum Birki Má
Sævarssyni. Frá þeim var formlega
gengið í fyrrakvöld eftir að tilboð
frá norska félaginu barst Vals-
mönnum í síðustu viku, en Birkir
Már hefur spilað með þeim und-
anfarin ár. Óhætt er að fullyrða að
þótt Birkir hafi sprungið tiltölulega
seint út hafi hann gert það með
stæl þegar að því kom. Er hann nú í
hópi bestu bakvarða landsins með
sjö landsleiki að baki og félagar
hans í Val fullyrða að fljótari mað-
ur finnist einfaldlega ekki í íslenska
boltanum.
Bara einn af strákunum
Það segir sitt um skynbragð
blaðamanns að hann ímyndaði sér
strax við fyrstu kynni að Birkir
væri ábyggilega úr sveit. Það var
eitthvað í fasi hans sem gaf það til
kynna, en það reyndist allsendis
rangt. „Nei, ég er héðan úr Reykja-
vík og hef alla tíð búið hér, fyrir ut-
an tímann sem ég bjó á Laugar-
vatni, en þar hef ég verið í námi í
Íþróttaskólanum undanfarin ár. Ég
á eitt ár eftir þar sem ég verð senni-
lega að geyma í ljósi nýjustu upp-
lýsinga, nema ég geti haldið áfram í
fjarnámi frá Noregi.“
Framherji að upplagi
Ekki vita allir að Birkir Már er
framherji inn við beinið og finnst
sú staða áberandi skemmtilegust
að spila. Þá stöðu spilaði hann
lengi vel eða þangað til Willum
nokkur Þórsson tók við stjórn
Valsliðsins og sendi hann rakleitt í
bakvörðinn. „Ég kunni og kann því
ekki illa enda hef ég fundið mig vel
þar, og ég hef nokkuð víðtækt leyfi
til að rjúka fram völlinn þegar svo
ber undir og það finnst mér ekki
leiðinlegt. Þessi breyting hefur að
minnsta kosti valdið þeim straum-
hvörfum að ég komst í landsliðið
og er nú á leið í atvinnumennsk-
una, þannig að ég verð síðasti mað-
ur til að kvarta.“
Íslendinganýlendan Brann
Því fer fjarri að Birkir sé á leið í
nokkra óvissu með fyrstu skrefum
sínum í atvinnumennskuna. Fyrir
hjá Brann eru hvorki fleiri né færri
en fimm Íslendingar en þótt Birkir
viti lítið sem ekkert um liðið enn
sem komið er hefur hann enn ekki
haft samband við neinn þeirra sem
þar eru fyrir. „Ekki ennþá. Ég fer út
fljótlega og geng frá því sem þarf að
ganga frá, skoða aðstæður og skrifa
formlega undir og væntanlega hitti
ég landa mína þá. Annars hef ég
kíkt á liðið á vefnum og líst vel á
allt þarna enda er það greinilega
klassa ofar en við eigum að venjast
hér. Það var einmitt það sem heill-
aði mig mest því þótt norski fót-
boltinn sé kannski ekki svo hátt
skrifaður þá er hann skörinni ofar
en íslenski boltinn og það munar
öllu að hafa fótboltann að atvinnu
en vinna ekki fullan vinnudag og
fara síðan á æfingar.“
Brann bara byrjunin?
Blik kemur í augu Birkis þegar
talið berst að framtíðardraumum
hans í boltanum. Þótt Brann sé
vissulega stórlið á norskan mæli-
kvarða þá vantar nokkuð upp á að
félagið verði skráð í sögubækurnar
sem eitt af stórliðum Evrópu, en að
þeim hlýtur áhugi flestra metnað-
arfullra knattspyrnumanna að
snúa áður en yfir lýkur. „Satt er það
að auðvitað á maður ekkert að gefa
drauma sína upp á bátinn. Minn
draumur er að spila með Barcelona
einn góðan veðurdag en ég hélt
lengi að það væri nú aldeilis fjar-
lægur draumur þangað til Eiður
Smári fór þangað. Það kennir
manni að allt sé nú hægt, sé viljinn
fyrir hendi. En auðvitað er þetta
meira í maganum og fyrst og
fremst ætla ég að standa mig fyrir
Brann, festa mig þar í sessi og
freista þess að sýna Norðmönnun-
um að þeir hafi keypt rétt.“
Fjölskyldan ánægð
Atvinnumennskan er ekki endi-
lega alltaf grín og eðlilega kemur
mikið rót á fjölskyldur þegar
íþróttamenn flytja sig milli félaga
og landa með litlum fyrirvara.
Þetta var ekkert vandamál hvað
Birki og hans fjölskyldu varðar.
„Fyrirvarinn var auðvitað ekki
langur en kærustunni leist vel á
þetta strax og við erum ekkert
hrædd við að flytja til Bergen, enda
höfum við bæði heyrt fína hluti um
þá borg og hlökkum til að koma
okkur fyrir þar.“
Og launin?
„Ég er bundinn trúnaði hvað
þau mál varðar en óhætt er að segja
að samningurinn sé mjög góður
fyrir mig í alla staði.“
Barcelona draumurinn
en byrjum á Brann
 Vika er síðan líf Birkis Más Sævarssonar tók stakkaskiptum  Þá fékk hann fregnir af því að til stæði að selja
hann frá Val til Brann í Noregi  Nú er pakkað í töskur, brottför verður fljótlega og fjölskyldan hlakkar til
➤ Birkir Már er fæddur í Reykja-vík 1984.
➤ Hann hefur alfarið alið mann-inn hjá Val en þar lék hann
sína fyrstu alvöruleiki árið
2002.
➤ Á ferli sínum hefur hann leik-ið 77 leiki fyrir Val síðan þá
og í þeim hefur hann skorað
tvívegis.
➤ Hann á sjö landsleiki að bakimeð A-landsliðinu og þrjá
með U21-landsliði Íslands.
Hann hefur enn ekki skorað í
þeim leikjum.
FERILLINN
Leikslok hjá Val Birkir Már
mun skipta treyju Vals út
fyrir treyju Brann fljótlega
og verður orðinn gjald-
gengur þar í byrjun ágúst.
24stundir/Árni Sæberg
a
Þessi breyting hefur
valdið þeim straum-
hvörfum að ég komst í
landsliðið og er nú á leið í
atvinnumennskuna,
þannig að ég verð síðasti
maður til að kvarta
„Ég get með sanni sagt að
það kemur mér ekki á
óvart að Brann hafi viljað
fá Birki í sínar raðir. Hann
hefur vaxið mikið sem
leikmaður á stuttum tíma
og hefur allt til að bera til
að ná langt og þó við í Val
komum til með að sakna
hans innan vallar sem ut-
an þá óskum við honum
alls hins besta þarna úti og
persónulega er ég ekki í
vafa um að við eigum eftir
að heyra mikið af honum í
framtíðinni.“
Willum Þór Þórsson
Mikill missir
„Það er ekki að ástæðulausu
sem við köllum hann „Vind-
inn“ í liðinu því fljótari
menn finnast ekki og ég held
hann sé ábyggilega sá fljót-
asti í boltanum hér á landi.
En ég er ekki í vafa um að
hann mun fljótlega láta að
sér kveða þarna úti hjá
Brann og ég held að tækifær-
ið hafi komið á allra besta
tíma. Hann er enn að þrosk-
ast og vaxa sem leikmaður
og þó góður sé á hann eftir
að verða betri knatt-
spyrnumaður en hann er nú.
Guðmundur Benediktsson
Rétti tíminn
ÍÞRÓTTIR
ithrottir@24stundir.is a
Það var einmitt það sem heillaði mig mest
því þótt norski fótboltinn sé kannski ekki
svo hátt skrifaður þá er hann skörinni ofar en ís-
lenski boltinn.