24 stundir - 05.07.2008, Síða 20

20 LAUGARDAGUR 5. JÚLÍ 2008 24stundir
Það blés ekki byrlega um landsmótsgesti á fyrstu dögum mótsins. Mikið
hvassviðri gekk yfir svæðið að kvöldi þriðjudags og þurftu sumir tjaldbú-
ar að leita skjóls í íþróttahúsinu á Hellu. Aftur gerði hífandi rok að
morgni fimmtudagsins og er ekki laust við að sumir hafi fundið til ónota-
kenndar. „Þessi vindur kemur svolítið á óvart. Spáin var betri og fólk er
stressað að sjá þetta gerast aftur,“ segir Elva Björk Árnadóttir, starfmaður
í sjúkraskýli. Þrátt fyrir hamaganginn var tiltölulega rólegt í sjúkraskýlinu
hjá Elvu Björk og félögum. „Við erum aðallega að fást við hælsæri og gefa
verkjatöflur hérna. Það voru einstaka menn með kúlur um daginn eftir að
hafa fengið hurðina á fellihýsinu í hausinn eða eitthvað slíkt,“ segir hún.
Þá hrikti í sölu- og veitingatjöldum meðan mesti hvellurinn gekk yfir á
fimmtudag og gripu menn til þess ráðs að leggja stórum flutningabílum
fyrir aftan tjöldin til að vernda þau.
Styrkar stoðir Davíð og Narfi Hrafn,
starfsmenn Landsmóts, styðja sig við
sölutjald til að verja það falli í rokinu.
Harðir af sér Hestaáhugamenn eru harðir af sér og láta ekki hvassviðri koma í veg
fyrir að þeir geti fylgst með því sem fram fer á keppnisvöllunum.
Þarfir þjónar Fæstir landsmótsgestir koma ríðandi á mótsstað. Stórir jeppar, gjarnan
með hestakerru eða fellihýsi í eftirdragi, hafa tekið við hlutverki þarfasta þjónsins.
Vindbarðir hestamenn
Eftir Einar Örn Jónsson einarj@24stundir.is
Hestar og menn hvaðanæva af landinu sýna sig og sjá aðra á Gadd-
staðaflötum á Hellu þar sem Landsmót hestamanna fer fram þessa dag-
ana. Þúsundir áhugamanna um íslenska hestinn sækja landsmótið og þar
ríkir mikið líf og fjör.
Úr sölu- og veitingatjöldum berst skvaldur og matarlykt en fyrir utan
fyllir angan af heyi og hrossum vitin.
Sýningar og keppnir standa yfir frá morgni til kvölds. Þess á milli rölta
menn um svæðið, heilsa upp á gamla kunningja og skiptast á sögum.
Börnin una sér í návist skepnanna eða gleyma sér í leiktækjum. Þegar
kvölda tekur safnast menn saman og njóta skemmtiatriða eða sameinast í
söng á tjaldsvæðinu.
Áhugi víða Fjölmiðlafólk hvaðanæva að fjölmennir á Landsmót hestamanna. Áhugi á
íslenska hestinum nær út fyrir landsteinana enda álíka margir íslenskir hestar á erlendri
grundu og á Íslandi.
Hestar og menn
skemmta sér saman
Íþrótt fyrir unga sem aldna Hestamennskan er íþrótt sem sameinar fólk á öllum aldri. Sem dæmi um það er yngsti keppandi á
Landsmóti hestamanna er 8 ára en sá elsti 76. Hér búa yngstu knaparnir sig undir keppni.
Knár knapi Gabríel Óli, úr Fáki er orðinn lunkinn knapi þrátt fyrir ungan aldur. „Þetta
er í annað sinn sem ég er á Landsmóti og mér finnst það mjög gaman,“ sagði Gabríel.
Fótskoðun Fótabúnaður hests skoð-
aður fyrir keppni.
24stundir/einarj
Tjaldi pakkað saman Björgunarsveitarmenn taka niður tjald á leiksvæðinu sem
stóðst ekki álagið í hvassviðrinu á fimmtudag.
Á vakt í sjúkraskýli Elva Björk Árna-
dóttir við öllu búin í sjúkraskýlinu.
Annir í veitingatjaldi „Þetta er bara mokstur,“ segir Loftur Gíslason kokkur í veit-
ingatjaldinu og Óli Gísli, félagi hans, bendir á að mesta törnin sé eftir. „Æfingarnar eru
búnar og mótið rétt að hefjast.“
Metta mannskapinn „Við gerum 2.000
hamborgara á dag, 300-400 pítsur og
heilt þorp af kjúklingi,“ segir Óli Gísli.
Sameinar áhugamálin „Ef maður ætlar að mála hesta þarf maður helst að vera í
hestamennsku sjálfur,“ segir Þorkatla Elín Sigurðardóttir, myndlistar- og hestakona
sem sérhæfir sig í hestamyndum. „Það er gaman að geta sameinað áhugamálin.“
HESTAMANNAMÓT
frettir@24stundir.is a
Það er samveran við hestinn og félagsskapurinn
sem fólk sækir í. Hesturinn er svo einstök skepna
í samveru og að vera með honum gerir þetta enn
meira spennandi.