Morgunblaðið - 21.01.2005, Blaðsíða 14

14 FÖSTUDAGUR 21. JANÚAR 2005 MORGUNBLAÐIÐ
ERLENT
NORSKU loðnuskipin eru nú farin að tínast
inn á Norðfjörð eins og undanfarna vetur en
þar liggja þau á meðan áhafnir þeirra vinna við
að frysta aflann. Mjög líflegt hefur verið á firð-
inum að undanförnu, drekkhlaðin loðnuskip
hafa komið til löndunar auk þess sem íslensku
vinnsluskipin hafa legið og unnið loðnuna.
Þá hafa flutningaskip komið nær daglega að
sækja loðnuafurðir bæði það sem vinnsluskipin
hafa landað svo og frysta loðnu hjá Síldar-
vinnslunni en í fiskiðjuveri fyrirtækisins er nú
búið að frysta um 4500 tonn síðan vertíðin
hófst nú eftir áramótin.
Bræla
Aðfaranótt fimmtudagsins brældi en troll-
ararnir gátu þó verið að fram á morguninn.
Þess vegna voru mörg skip á leið í land í gær
með slatta eins og Börkur og Beitir, sem báðir
voru á landleið með sín 600 tonnin hvor. Önnur
skip biðu af sér bræluna úti.
Freysteinn Bjarnason, útgerðarstjóri hjá
Síldarvinnslunni, segir veiðarnar annars ganga
einstaklega vel og loðnan sé stór og falleg. Þeir
séu með Örninn á leigu til flutninga á loðnu.
„Þannig sláum við tvær flugur í einu höggi. Við
fáum hráefni fyrir bræðsluna á Siglufirði og
tafir skipanna frá veiðum verða minni, en Örn-
inn hefur verið að safna í sig, reyndar tekið
mest frá Berki. Nú eru öflugustu skipin að
frysta loðnu í gríð og erg. Þau eru að frysta um
150 tonn á sólarhring og þar sem loðnan er
svona stór, þurfa þeir lítið að flokka frá. Vegna
þessarar frystingar eru þessi öflugu skip ekki
að beita sér mikið við veiðarnar og þess vegna
gengur hægar á kvótann, en ef þau væru að
veiða til bræðslu. Það þarf líklega að nýta skip-
in betur til að ná kvótanum, en markaðurinn
fyrir frysta loðnu í Austur-Evrópu er gífurlega
stór og það verður fryst meðan hann tekur við.
Þetta eru margir munnar og það fara margar
loðnur í hvern,“ segir Freysteinn.
Loðnan hefur nú fært sig fjær landinu og 70
til 80 mílur austsuðaustur úr Norðfjarðar-
horni, nánar til tekið á Rauðatorginu. Frey-
steinn segir að þetta sé svipað mynstur og í
fyrra og líklega ráðist það af sjávarföllum og
straumum.
Mest til Eskju
Íslenzku skipin hafa nú, samkvæmt nýjustu
skýrslu Samtaka fiskvinnslustöðva, landað um
85.400 tonnum og erlendu skipin um 4.900. Því
hafa verksmiðjurnar tekið á móti ríflega 90.000
tonnum.
Eskja á Eskifirði hefur tekið á móti mestu,
19.100 tonnum. Síldarvinnslan í Neskaupstað
er með 15.600, Síldarvinnslan á Seyðisfirði með
11.700, Loðnuvinnslan á Fáskrúðsfirði með
8.400, HB Grandi á Vopnafirði er með 8.400,
Síldarvinnslan á Siglufirði með 7.600, Hrað-
frystistöð Þórshafnar 7.300, verksmiðja Ís-
félagsins í Krossanesi með 6.400, Vinnslustöðin
í Vestmannaeyjum með 4.700 og Samherji í
Grindavík er með ríflega 1.000 tonn.
Norsku skipin í
loðnufrystingu
Bræla á miðunum
og loðnan komin á
Rauðatorgið
Ljósmynd/Ágúst Blöndal
Loðna Mörg norsk loðnuskip hafa að undanförnu legið inni á Norðfirði og fryst loðnu um borð.
Morgunblaðið/Alfons Finnsson
Löndun Örn KE er nú í flutningum á loðnu af
miðunum til Siglufjarðar og hér er Páll Þor-
valdsson, löndunarmaður SR, að undirbúa
löndun úr honum.
ÚR VERINU
HAMFARIRNAR á öðrum degi jóla höfðu hvergi jafn-
skelfilegar afleiðingar og í Indónesíu en ljóst er, að í
Aceh-héraði einu fórust hátt í 200.000 manns. Þeir, sem
af komust, eins og þessi maður í borginni Banda Aceh,
reyna nú að horfa fram á veginn og þá með því að koma
sér upp nýju húsi í stað þess, sem flóðið eyðilagði.
Reuters
Uppbygging í Aceh
KAÞÓLSKA kirkjan á Spáni kveðst
ekki hafa horfið frá þeirri afstöðu
sinni að notkun smokka sé ósiðleg.
Fullyrðingar um hið gagnstæða hafi
verið „misskilningur“.
Mikla athygli vakti á miðvikudag
þegar greint var frá því að Juan Ant-
onio Martínez Camino, biskup og
talsmaður biskuparáðs Spánar, hefði
lýst yfir því að smokkar hefðu hlut-
verki að gegna í því að koma í veg fyr-
ir útbreiðslu alnæmis. Ýmsir urðu til
þess að fagna þessari stefnubreyt-
ingu kaþólsku kirkjunnar á Spáni en
þessi afstaða gengur í berhögg við
opinbera kenningu Páfagarðs. Kaþ-
ólska kirkjan á Spáni hefur jafnan
verið talin sérlega fylgispök Páfa-
garði.
„Ósiðleg, kynferðisleg hegðun“
Á miðvikudagskvöld birti biskupa-
ráðið síðan yfirlýsingu þess efnis að
kirkjan hefði ekki breytt afstöðu
sinni til notkunar getnaðarvarna.
Sagði í yfirlýsingunni að ummæli
Camino hefðu aðeins verið „stutt
svar“ við spurningu blaðmanns sem
varðað hefði áætlun spænskra stjórn-
valda um alnæmisvarnir þar sem m.a.
er gert ráð fyrir að hvatt verði til
notkunar smokka. Sagði í yfirlýsing-
unni að ummæli Martínez Camino
bæri að skilja í samræmi við kenn-
ingar kaþólsku kirkjunnar sem
kvæðu á um að notkun smokka fæli í
sér „ósiðlega kynferðislega hegðun“.
Því væri ekki unnt að ráðleggja
mönnum að nota þá. Heilbrigðisráð-
herra Páfagarðs, Javier Lozano
Barragan, sagði í gær að notkun
smokka til að hefta útbreiðslu al-
næmis væri ótæk vegna þess að
markmið „þessarar baráttu“ væri að
vinna gegn því að menn drýgðu hór.
Vísaði hann til sjötta boðorðsins því
til stuðnings.
Vonbrigði og reiði
Stjórnmálamenn á vinstri vængn-
um, fréttaskýrendur og hópar sem
berjast fyrir réttindum samkyn-
hneigðra tóku nýjustu yfirlýsingu
biskuparáðsins spænska þunglega í
gær. Margir lýstu vonbrigðum og
reiði. „Undrunin og ánægjan ríkti að-
eins í nokkrar klukkustundir,“ sagði í
forystugrein El Periodico sem gefið
er út í Katalóníu. „Hið ósiðlega í mál-
inu er afstaða kirkjunnar sem hafnar
aðferð sem bjargað getur mannslíf-
um,“ sagði í greininni.
Óbreytt stefna
spænsku
kirkjunnar
Notkun smokka sögð fela í sér
„ósiðlega kynferðislega hegðun“
EKKERT hefur spurst til sænska
forstjórans Fabians Bengtssons og
bendir enn flest til, að honum hafi
verið rænt er hann var á leið til vinnu
sinnar í Gautaborg síðastliðinn
mánudagsmorgun. Staðfest hefur
verið, að peningar voru teknir út af
bankareikningi Bengtssons skömmu
eftir að hann hvarf.
Bengtsson, sem er forstjóri raf-
tækja- og heimilistækjakeðjunnar
Siba, hvarf eins og fyrr segir á
mánudagsmorgni en skömmu síðar,
eða á ellefta tímanum, sendi hann
föður sínum SMS-skilaboð. Hafa þau
ekki verið opinberuð en faðir hans
túlkaði þau þannig, að hann væri í
einhverjum miklum vandræðum.
Vitað er, að skilaboðin voru send frá
Gautaborg.
Snemma á miðvikudagsmorgni
fannst BMW-bifreið Bengtssons og
hafði henni verið lagt skammt frá
heimili hans í Gautaborg og lyklarnir
skildir eftir í svissinum. Ljóst er, að
þar hefur hún verið í 20 klukku-
stundir eða lengur því að hún var bú-
in að fá sektarmiða, sem tímasettur
var klukkan 14.03 daginn áður.
Bifreiðin er nú til rannsóknar hjá
sænsku lögreglunni en undarlegt
þykir, að hugsanlegir mann-
ræningjar skuli hafa skilið bílinn,
sem er mjög áberandi, eftir á þess-
um stað, svona nálægt heimili
Bengtssons. Skýringin getur þó ver-
ið sú, að því er fram kemur í sænsk-
um fjölmiðlum, að bíllinn hafi verið
stöðvaður og Bengtsson rænt á þess-
um slóðum.
Sænska lögreglan verst allra
frétta af rannsókn málsins en þó
virðist staðfest, að aðeins hálftíma
eftir að hann fór að heiman frá sér,
hafi einhver tekið út allstóra fjárhæð
af reikningi hans í hraðbanka. Er nú
verið að skoða upptökur eftirlits-
myndavélar við hraðbankann.
Farið inn á aðalskrif-
stofu Siba að næturlagi
Eitt sænsku blaðanna, Aftonblad-
et, segist hafa heimildir fyrir því, að
einhver eða einhverjir, hugsanlega
mannræningjarnir, hafi farið inn á
aðalskrifstofu Siba aðfaranótt mið-
vikudagsins og þá líklega notað að-
gangskort Bengtssons. Lögreglan
vill þó ekkert um þetta segja og ekki
heldur talsmaður Siba.
Svíar hafa beðið um aðstoð Al-
þjóðalögreglunnar, Interpol, við
rannsókn málsins og meðal annars
er verið að kanna hvort hugsanlegt
sé, að Bengtsson hafi verið fluttur úr
landi. Er Stena Line til dæmis með
ferjusiglingar frá Gautaborg til Kíl-
ar í Þýskalandi og til Fredrikshavn í
Danmörku.
Sibakeðjan er með meira en 50
verslanir í Svíþjóð og er fyrirtækið
metið á um 20 milljarða ísl. kr.
Peningar teknir út af
reikningi Bengtssons
SKOSKI kylfingurinn Jack
McCullogh gat sér ekki frægð af
íþrótt sinni þegar hann var uppi á
nítjándu öld en hefur nú vakið at-
hygli með skáldsögu sem bendir
til þess að hann hafi verið forspár.
Í áður óþekktri skáldsögu, sem
McCullogh skrifaði 1892, lýsir
hann m.a. hlutum eins og staf-
rænum úrum, hraðlestum og
sjónvarpi.
Skáldsagan nefnist „Golf á
árinu 2000“ og fjallar um mann
sem sofnar 1892 og vaknar 108 ár-
um síðar. Hún er á meðal bóka
sem seldar verða á uppboði í Ed-
inborg í vikunni, að sögn breska
dagblaðsins The Times í gær.
Eftir að söguhetjan vaknar not-
ar hún m.a. golfvagn og í sögunni
er fjallað um atvinnukylfinga og
golfkeppni milli Bretlands og
Bandaríkjanna, líkt og Ryder-
keppnin milli Evrópu og Banda-
ríkjanna sem hófst 1927.
Í skáldsögunni eru ennfremur
konur, sem vinna úti og klæðast
eins og karlar, og stór glerskjár
sem sýnir hreyfimyndir, líkt og
sjónvarp.
Forspár kylfingur
London. AFP.