Morgunblaðið - 16.02.2005, Blaðsíða 19

MORGUNBLAÐIÐ MIÐVIKUDAGUR 16. FEBRÚAR 2005 19
MINNSTAÐUR
Hveragerði | Umferð um
Hellisheiði til Selfoss jókst um 7
til 12% á síðasta ári, eftir því til
hvaða kafla vegarins er horft, og
hefur umferðin því sem næst
tvöfaldast frá árinu 1992. Kem-
ur þetta fram í ályktun bæjar-
stjórnar Hveragerðis þar sem
hvatt er til þess að sem fyrst
verði ráðist í endurbætur á veg-
inum.
Bæjarstjórn Hveragerðis tók
samgöngur um Hellisheiði til
umræðu í framhaldi af um-
ræðum sem verið hafa að
undanförnu. Í ályktun er vakin
athygli á því að Árborgarsvæðið
er eitt mesta vaxtarsvæði lands-
ins. Árið 2004 fjölgaði íbúum
svæðisins um rúmlega 400.
Kannanir benda til að á milli 10
og 15% íbúa sækja vinnu til
höfðuborgarsvæðisins daglega.
Þá hefur þjónustustörfum fjölg-
að á svæðinu og það leitt til auk-
innar umferðar fólks af höfuð-
borgarsvæðinu sem sækir vinnu
austur fyrir fjall. Þetta og fleira
hefur skapað mikla umferð um
Hellisheiði allt árið. „Þessi þró-
un undirstrikar þá staðreynd að
bættar samgöngur um Hellis-
heiði eru brýnar og ekki einka-
mál Sunnlendinga heldur jafn-
framt mikið hagsmunamál fyrir
íbúa höfuðborgarsvæðisins.“
Það veldur bæjarstjórn
Hveragerðis áhyggjum að
endurbætur á veginum um
Hellisheiði eru ekki inni í þeirri
samgönguáætlun sem nú er til
endurskoðunar á Alþingi. Sú
krafa er gerð að úr því verði
bætt sem fyrst.
Í ályktuninni felst einnig að
bæjarstjóra Hveragerðisbæjar
er falið að hefja skipulagningu
opins fundar um málið, í sam-
vinnu við aðra sem hagsmuna
eiga að gæta.
Umferð um
Hellisheiði
jókst um 7–
12% á síð-
asta ári
SLIPPSTÖÐIN hefur skrifað undir samning
við Trésmíðaverkstæði Sveins Heiðars um
byggingu vinnubúða sem settar verða upp í
Fljótsdal. Slippstöðin hefur fengið umfangs-
mikið verkefni við uppsetningu á stálfóðringum
og fylgihlutum í stöðvarhúsi Kárahnjúkavirkj-
unar og munu framkvæmdir á staðnum hefjast
næsta vor. Sveinn Heiðar Jónsson sagði að
fyrirtæki sitt myndi smíða 21 fullbúna húsein-
ingu á verkstæðinu á Akureyri, sem svo yrði
raðað saman með ýmsum hætti á vinnusvæðinu
í Fljótsdal.
Hver eining er um 30 fermetrar, eða samtals
rúmir 600 fermetrar. „Þetta er gríðarlega stórt
og mikið verk og skapar tugum manna vinnu
hér. Og það er mjög jákvætt og metnaðarfullt
hjá Slippstöðinni að semja við okkur því við er-
um í beinni samkeppni við innflutning.“ Sveinn
Heiðar sagði nánast frágengið að fyrirtæki sitt
smíðaði 12 einingar, um 400 fermetra, í viðbót í
tengslum við frekari verkefni Slippstöðvarinn-
ar á svæðinu. Hann sagði að þessar húsein-
ingar gætu nýst með ýmsum hætti eftir að
verkefnum á virkjunarsvæðinu lyki, t.d. sem
sumarhús.
Trésmíðaverkstæði Sveins Heiðars hefur
verið nokkuð umsvifamikið á Austurlandi, eftir
að virkjana- og álversframkvæmdir fóru þar af
stað. Fyrirtækið hefur reist 15 íbúðir á
Reyðarfirði og þegar afhent 6 þeirra. „Við höf-
um selt nokkra mánuði fram í tímann og eigum
eftir að byggja nokkra tugi íbúða á þessu ári.
Þá byggði ég eitt stórt einbýlishús í Jökul-
dalnum á leiðinni heim um daginn, þannig að
við höfum haslað okkur völl á svæðinu,“ sagði
Sveinn Heiðar.
Smíðar vinnu-
búðir fyrir
Slippstöðina
Trésmíðaverkstæði Sveins Heiðars
Hjólreiðar og útivist | Á síðasta
fundi Íþrótta- og tómstundaráðs var
tekið fyrir erindi frá áhugamönnum
um hjólreiðar og útivist, þar sem
þeir vilja koma á framfæri hug-
myndum sem stuðlað gætu að auk-
inni nýtingu mannvirkja í Hlíðar-
fjalli. ÍTA samþykkti að fela
deildarstjóra í samvinnu við for-
stöðumann Hlíðarfjalls að skoða
mögulega útfærslu á göngu- og hjól-
reiðastígum í Hlíðarfjalli. Jafnframt
var deildarstjóra gert að skila hug-
myndum að verk- og kostnaðar-
áætlun fyrir 1. september 2005.
  
Morgunblaðið/Ómar
Félagsvísindatorg | Í erindi sínu á
Félagsvísindatorgi ræðir Sigurður
Gylfi Magnússon um það hvaða þýð-
ingu minningar hafa fyrir sagnfræð-
inga og hvernig þær eru nýttar í
sagnfræðirannsóknum. Sérstaklega
verður fjallað um mikilvægi þeirra
fyrir smærri samfélög og spurt
hvaða veruleika minningarnar end-
urspegli. Í þessu sambandi verður
rætt um tengsl einstaklinganna við
hið sameiginlega og sögulega minni.
Hvernig geta þjóðfélög og smærri
hópar áttað sig á stöðu sinni í um-
heiminum ef hið sameiginlega minni
er ekki lengur virkt eða jafnvel dautt
eins og haldið hefur verið fram.
Fyrirlesturinn verður haldinn í
dag, 16. febrúar, kl. 16.30 í stofu
L201 á Sólborg við Norðurslóð.
SÖNGLEIKURINN Óliver
eftir Lionel Bart, sem frum-
sýndur var um jólin hjá Leik-
félagi Akureyrar, hefur not-
ið gríðarlegra vinsælda og
hefur verið troðfullt á allar
sýningar fram til þessa.
Verkið hefur verið sýnt 24
sinnum og því hafa um 5.000
manns séð sýninguna. Til að
mæta eftirspurn eftir miðum
hefur verið bætt við fjölda
aukasýninga og hefur selst
upp á þær allar. Til stóð að
sýningum lyki nú í lok febr-
úar til að rýma fyrir næstu
frumsýningu en vegna
gríðarlegs áhuga á Óliver
hefur verið ákveðið að
seinka næstu frumsýningu og
bæta við nokkrum aukasýn-
ingum á Óliver í mars.
Magnús Geir Þórðarson,
leikhússtjóri LA, sagði að
aukasýningarnar yrðu fyrstu
tvær helgarnar í mars og svo
fyrir páska. „Meiru getum
við ekki bætt við vegna anna
þeirra listamanna og ann-
arra sem að sýningunni
koma. Þetta verða því síð-
ustu sýningarnar, þótt ef-
laust hefði verið hægt að
halda áfram. Þetta hefur
gengið alveg frábærlega og
langt umfram væntingar.
Fólk hefur komið alls staðar
af landinu og það stefnir því
að þetta verði með mest
sóttu sýningum leikhússins
fyrr og síðar þegar upp
verður staðið,“ sagði Magnús
Geir.
Næsta frumsýning hjá LA
er Pakkið á móti eftir Henry
Adams. Leikstjóri er Agnar
Jón Egilsson. Frumsýning er
áætluð í byrjun apríl. Síðar í
vor mun LA taka á móti
tveimur gestasýningum, önn-
ur er frá Þjóðleikhúsinu en
hin frá Hollandi.
Gríðarlegur áhugi á söngleiknum Óliver hjá LA
Sýningartími framlengdur
Söngleikur Ólafur Egill Egilsson er í hlutverki Fagins og Gunnar
Örn Stephensen leikur Óliver Twist í samnefndu leikriti
Morgunblaðið/Kristján