Morgunblaðið - 12.03.2005, Page 26

26 LAUGARDAGUR 12. MARS 2005 MORGUNBLAÐIÐ
MINNSTAÐUR
LANDIÐ
ÁRBORG
Borgarnes | Einu sinni í viku koma
að meðaltali 25 krakkar saman og
taka þátt í TTT sem er kirkjustarf
fyrir krakka á aldrinum tíu til tólf
ára. Jónína Erna Arnardóttir stýrir
starfinu eins og undanfarin fjögur
ár. Hún segir starfsemina óvenju
blómlega í vetur og í allt hafi um 40
krakkar verið viðloðandi.
,,Þetta er tómstundaiðja fyrir
alla krakka, en kannski ekki síst
fyrir þá sem ekki eru í íþróttum.
Dagskráin fylgir að stórum hluta
skipulagi frá kirkjunni, t.d. byrjum
við alltaf á því að biðja saman og
svo syngjum við smávegis. Ég sýð
samt svolítið saman líka, en núna er
á dagskrá að horfa saman á stutt-
mynd sem krakkarnir gerðu og
léku sjálfir í. Myndin fjallaði um
einelti og boðskapurinn er að níðast
ekki á öðrum.“
Eiga fósturbörn á Indlandi
Ýmislegt hefur verið á dagskrá í
vetur, t.d. héldu krakkarnir kaffi-
sölu til styrktar fórnarlömbum á
flóðasvæðinu í Asíu. ,,Þau bökuðu
sjálf, helltu á könnuna og buðu svo
með sér foreldrum, öfum og ömm-
um og seldu þeim kaffið. Út úr
þessu komu alls 35.000 kr sem
runnu óskiptar til söfnunarinnar,“
segir Jónína, ,,og svo er gaman að
segja frá því að þau eru með tvö
fósturbörn á Indlandi, sem þau
styrkja. Aðalfjáröflun til þess fer
fram með pakkauppboði á haustin
og dugir oftast peningurinn út ár-
ið“.
Um daginn kepptu kakkarnir í
„Gettu betur“ spurningaspilinu við
aðra krakka í TTT-starfi á Akra-
nesi. „Því miður töpuðu okkar
krakkar, en þetta var auðvitað bara
til gamans gert. Samstarf við aðra
er smávegis en við förum í vorferð í
Vatnaskóg á hverju ári og erum
einmitt núna að byrja að æfa
skemmtiatriðin fyrir ferðina“ segir
Jónína.
Aðspurð segist hún vera mjög
ánægð með starfið í vetur; „þetta
eru ofsalega duglegir og kraftmikl-
ir krakkar, og ég vona jafnframt að
þeir séu að læra eitthvað gott fyrir
framtíðina.“
Duglegir og kraftmiklir
krakkar í TTT
Morgunblaðið/Guðrún Vala
TTT Föngulegur hópur krakka í kirkjulegu starfi TTT ásamt Jónínu Ernu Arnardóttur sem stýrir starfinu.
Selfoss | „Mér fannst það mjög
góður kostur að koma hingað á
Selfoss þegar við komum frá Sví-
þjóð og byrja að starfa hérna. Mér
finnst gott að vinna hér í því sam-
félagi þar sem ég ólst upp. Fólk
kemur til mín og vill fá þjónustu
og ég á gott með að horfa hlut-
laust á málin og takast á við mál-
efni hvers sjúklings eins og þau
liggja fyrir,“ segir Óskar Reyk-
dalsson læknir sem hefur verið
ráðinn lækningaforstjóri Heil-
brigðisstofnunar Suðurlands. Um
er að ræða nýja stöðu við stofn-
unina en hún varð til við samein-
ingu heilbrigðisstofnana á Suður-
landi 1. september síðastliðinn.
Lækningaforstjórinn er yfirmaður
allrar læknisþjónustu stofnunar-
innar og situr í framkvæmdastjórn
hennar.
Óskar fæddist árið 1960 á Sel-
fossi. Hann lauk embættisprófi í
læknisfræði frá Háskóla Íslands
árið 1986, var í sérnámi í heim-
ilislækningum í Svíþjóð á árunum
1989–1994. Hann lauk einnig sér-
fræðingsprófi í heimilislækningum
1993. Þá lauk hann prófi í stoð-
kerfisfræði fyrir lækna í Stokk-
hólmi 1995. Frá 1994 starfaði
hann sem sérfræðingur í heim-
ilislækningum, fyrstu tvö árin á
heilsugæslustöð í Falun í Svíþjóð
en síðan 1. janúar 1996 við Heilsu-
gæslustöðina á Selfossi. Hann var
starfandi yfirlæknir frá 1998–2001.
Hefur verið formaður læknaráðs á
árunum frá 2002 og er núverandi
formaður læknaráðs Heilbrigðis-
stofnunar Suðurlands. Óskar hef-
ur sinnt ýmsum trúnaðarstörfum á
vegum félagasamtaka, til dæmis
verið formaður Félags íslenskra
heimilislækna í Svíþjóð.
Framhaldsnámið í Svíþjóð
byggðist mikið á skipulögðu starfi
á heilsugæslunni og á spítala, á
mörgum deildum. Óskar kveðst
hafa fengið mikið út úr þessari
veru sinni með fjölskyldunni í Sví-
þjóð, við nám og vinnu.
Tækifæri til að byggja upp
góða læknisþjónustu
„Það var gott að vera í Falun í
þessi sjö ár sem þetta tók og við
áttum góð ár þarna. Ég er mikill
fjölskyldumaður og fjölskyldan
skipar stóran sess hjá mér í mín-
um tómstundum og mér líður vel í
faðmi fjölskyldunnar. Það þarf að
sinna af alvöru öllum þeim að-
stæðum sem þar koma upp,“ segir
Óskar en hann er kvæntur Bryn-
dísi Guðjónsdóttur, kennara við
Fjölbrautaskóla Suðurlands, og
eiga þau hjónin fjögur börn.
„Núna er hér orðin til stofnun
sem nær frá Þorlákshöfn til
Kirkjubæjarklausturs. Þetta er
mikið umfang og mitt hlutverk
sem lækningaforstjóra er að fylgj-
ast með því að læknisþjónustan sé
veitt samkvæmt lögum og það út
af fyrir sig er heilmikið mál. Hin
faglega stjórnun á hverjum stað
er í höndum læknanna sem þar
eru, yfirlæknanna á stöðvunum, og
það breytist ekkert. Þetta er ný
staða sem tekur þátt í stjórnun og
mótun stofnunarinnar. Hlutverk
mitt er að tryggja samstarf allra
eininganna sem undir stofnunina
heyra og stuðla að betri heilbrigð-
isþjónustu sem gerist meðal ann-
ars með nýtingu á sérfræðiþjón-
ustu sem fyrir hendi er hjá
stofnuninni. Fyrstu skrefin í sam-
einingunni hafa verið tekin og þau
byggjast á því að tryggja góða
þjónustu á dagtíma og síðan að
veita fólki það öryggi að það geti
komið hingað á Selfoss ef eitthvað
bjátar á, vitandi það að það er
alltaf læknir hér í húsinu. Það
fylgir því öryggi að geta leitað á
einn stað utan venjulegs vakta-
tíma ef eitthvað alvarlegt kemur
upp.
Sameiningin gefur einnig tæki-
færi til að tengja læknana betur
saman starfslega og mynda starfs-
umhverfi sem verður hvetjandi,
skapandi og um leið gefandi.
Menntun hvers og eins getur nýst
betur fyrir heildina og menn fá
meira tækifæri til að gefa af sér
en ella væri. Ég sé mikil tækifæri
í þessum aðstæðum og núna höf-
um við fengið úthlutað einum
læknakandídat í starfsþjálfun á
HSS fyrir allt svæðið. Læknahóp-
urinn skipuleggur starf þessa
kandídats yfir allt svæðið en þann-
ig getur hann kynnst mjög fjöl-
breyttum aðstæðum,“ segir Óskar
þegar hann ræðir hið nýja starf
sitt og þá sýn sem hann hefur á
það.
Starf læknisins er heillandi
„Mér finnst læknastarfið mjög
heillandi, kannski sérstaklega
vegna þess að maður fær gott
tækifæri til þess að gera gagn
með vinnu sinni og vinna við það
sem maður hefur lært. Auk þess
er þetta mjög gjöfult og skemmti-
legt starf og segja má að eina
hindrunin í starfinu sé að maður
hefur ekki allan þann tíma sem
maður vill til að sinna hverju til-
viki fyrir sig,“ segir Óskar þegar
talið berst að starfi heimilislækn-
isins.
Um það hvers vegna fólk velji
læknisfræðina segir Óskar: „Lang-
flestir velja læknisfræðina af
metnaði því það er mikil ögrun
fólgin í því að takast á við námið.
En um leið þarf maður að hafa
áhuga á mannlegum samskiptum
því þau skipta höfuðmáli í starf-
inu. Læknislistin byggist á góðum
samskiptum við fólk. Læknirinn
þarf að geta talað við fólk, hlustað
og geta skilið og fengið fólk til að
skilja þau skilaboð sem hann vill
koma til þess.
Staða læknisins er afar mik-
ilvæg í samfélaginu sem byggist á
því öryggi sem því fylgir fyrir
íbúana að hafa hann á svæðinu.
Hann er alltaf til taks þegar á
þarf að halda, svo sem ef stóráföll
verða, og íbúunum finnst það gott
og þannig á það að vera,“ segir
Óskar Reykdalsson.
Óskar Reykdalsson ráðinn í nýtt starf lækningaforstjóra Heilbrigðisstofnunar Suðurlands
Finnst læknisstarfið
heillandi og skemmtilegt
Læknir Óskar Reykdalsson, nýráð-
inn lækningaforstjóri Heilbrigðis-
stofnunar Suðurlands.
Morgunblaðið/Sigurður Jónsson
Þorlákshöfn | Verkefnisstjóri Feyg-
ingar hf. vonast til að línvinnsla geti
hafist í verksmiðju fyrirtækisins í
Þorlákshöfn í júnímánuði. Unnið er
að uppsetningu tækja til vinnslunn-
ar.
„Þetta gengur heldur hægt eins og
er. Það hefur vantað fjármagn en við
erum að vinna í því,“ segir Kristján
Eysteinsson, verkefnisstjóri lín-
vinnslunnar hjá Feygingu hf. Hug-
myndir hafa lengi verið uppi um að
hefja línvinnslu hér á landi og til-
raunir með ræktun á hör hafa staðið
yfir í áratug. „Þetta er orðinn langur
tími en hann hefur verið lærdóms-
ríkur. Við höfum náð að gera tilraun-
ir með ræktun og vinnslu og fengið
mat á gæðum framleiðslunnar. Það á
eftir að skila sér,“ segir Kristján.
Óþolinmóðir kaupendur
Komið hefur verið upp vinnslulínu
í verksmiðjunni til blautvinnslu á líni
þar sem stöngulhýðið er skilið frá
trefjunum. Trefjunum er síðan náð
hreinum með völsun og loks eru þær
þurrkaðar í sérstökum klefa sem eft-
ir er að koma upp.
Vel lítur út með sölu á hráefninu,
að sögn Kristjáns. Varan er seld til
markaðs- og spunafyrirtækja enda
er hún mest notuð í fatnað. Segir
Kristján að væntanlegir kaupendur
séu orðnir heldur óþolinmóðir. Og
hann segir að Evrópusambandið
stefni að því að hætta niðurgreiðslu á
hörræktun og það muni koma sér vel
fyrir Feygingu.
Bændur á Suður- og Vesturlandi
hafa ræktað hör fyrir Feygingu á síð-
ustu árum og því eru nokkrar birgðir
af hráefni fyrirliggjandi. Kristján
telur að sá þurfi í um 500 hektara í
vor en það er margfalt meira en verið
hefur undanfarin ár. Verkmiðjan
mun síðan þurfa mun meira hráefni á
næstu árum, ef áætlanir ganga eftir.
Síðar er ætlunin að vinna hráefnið
meira í verksmiðjunni í Þorlákshöfn,
kemba trefjarnar þannig að þær
verði tilbúnar fyrir spunafyrirtækin.
Segir Kristján að í því felist talsverð-
ur virðisauki fyrir Feygingu.
Morgunblaðið/Sigurður Sigmundsson
Hörstrá Bændur eru áhugasamir um fyrirhugaða línvinnslu í Þorlákshöfn.
Hér eru Guðmundur Böðvarsson á Syðra-Seli og Magnús Jónsson á Kóps-
vatni að skoða hörstrá í heimsókn kúabænda í verksmiðju Feygingar.
Unnið að upp-
setningu tækja
línvinnslunnar