Morgunblaðið - 05.06.2005, Blaðsíða 26

26 | 5.6.2005
Við Signubakka hefur hver árstíð sinn sjarma og að þræða flóamarkaði er eitt afþví sem borgarbúar gera sér til dægradvalar um helgar allan ársins hring.Fátt er eins hressandi og að stinga sér á bólakaf í draslið á sölubásunum og
gramsa frá sér vit og rænu í þeirri von að finna eitthvað sérstakt. Alltaf er hægt að
finna sniðuga hluti í ruslinu og jafnvel detta niður á eitthvað fágætt fyrir lítið. Við-
koma á ekta frönskum flóamarkaði er eitt af því sem ferðalangar í París ættu að láta
eftir sér og af nógu er að taka. Markaðirnir eru af öllu mögulegu tagi, hér eru til dæm-
is mjög vinsælir túristalegir markaðir þar sem menn eru féflettir án þess að vita það, í
fátækari útjöðrum borg-
arinnar eru skranmark-
aðir en á þeim selur
mannfólkið jafnvel af sér
skóna og situr berfætt
hjá sölubásum sínum. Í
betri hverfunum eru aft-
ur fínni antíkmarkaðir,
þar er alveg hægt að
finna mublur frá tímum
franska sólkonungsins
og verðið er líka eftir því
– svo svimandi hátt að
venjulegu fólki hættir
við yfirliði!
Prúttað með frönskum
kossi | Vanves-flóamark-
aðurinn er í algeru uppá-
haldi margra Parísarbúa
en þeir vita að hér er allt-
af hægt að finna eitthvað
safaríkt. Til dæmis not-
aðan fatnað frá þekktum
tískuhönnuðum á borð
við Gucci, Dior, Chanel
og Hermês. Hér er líka
hægt að detta niður á
„kitsch“-hluti (hallæris-
legir en flottir), gamla
fatalagera, dánarbú og
skemmtilega antíkmuni.
Auðvitað fæst ekkert
gefins, verðið á betri
mununum er í hærra lagi
og að því er virðist vand-
lega úthugsað af sölu-
mönnunum sem gefa
helst engum afslátt. Van-
ves-markaðurinn er rétt
hjá Porte de Vanves-
metróstöðinni og hann
breiðir letilega úr sér yfir
risastórt svæði í útjaðri
borgarinnar. Markaður-
inn er ólöglegur en sölu-
mennirnir þurfa engu að
síður leyfisbréf fyrir
sölubásana sína. Laganna verðir eru alltaf á næsta leiti því nóg er um ólöglega brask-
ara sem bjóða líka jafnan upp á langbesta verðið. Hingað kemur fullt af hressum
morgunhönum eldsnemma á laugardags- og sunnudagsmorgnum en fjörið hefst upp
úr klukkan sjö og stendur um það bil til hádegis. Margir eru enn með stírurnar í aug-
unum þegar þeir drekka kaffi á einhverju kaffihúsanna í grenndinni, svona rétt til að
koma blóðinu af stað áður en haldið er inn á vígvöllinn. Sölufólkið er löngu mætt,
það keyrir hingað á stórum pallbílum, skottin eru opnuð upp á gátt og út úr þeim
flæðir allur fjársjóður Ali Baba og þúsund og einnar nætur – svo augun standa á stilk-
um. Gylltar maríumyndir, íkonar með geislabauga, talnabönd í öllum regnbogans lit-
um og krossar fanga augað. Frakkar eru rammkaþólskir, það sést ekki bara á kirkju-
sókninni og afturhaldsseminni heldur á flóamörkuðunum þar sem heilagur andi er
óumdeilanlega í aðalhlutverkinu. Það skondna er að hér er líka hægt að fjárfesta í leg-
steinum fyrir þá forsjálu og eilítið léttgeggjuðu.
Ætli það sé list eða meðfæddur hæfileiki að geta greint mun á skraninu og verð-
mætunum? Sumir hafa einfaldlega nef fyrir því sem er vandað á meðan aðrir sogast
að draslinu. Dótið flæðir út um allt eins og mjólk sem hellist yfir eldhúsborð og
grúskarar ættu að vera í essinu sínu. Hvað er dásamlegra en að geta gramsað í drasli
annarra? Hér eru hlutir úr dánarbúum þeirra sem
komnir eru yfir móðuna miklu og líka hlutir sem fólk
vill einfaldlega losa sig við. Allt frá fína mávastellinu
til skítugra reiðbuxna með hlandbletti í klofinu! Hér
grillir líka í fullt af skemmtilegum málverkum, kín-
verska skápa og furðufugla sem reyna að pranga
þessu inn á okkur. Ekki halda að hér fáist allt frítt.
Verðið fyrir gæðahlutina er í hærri kantinum, það er
því góður mannasiður að prútta eins og sprúttsali
um hverja einustu evru. Jú, jú, það er erfitt að ná
verðinu niður en sölumennirnir gefa oftast fimm til
fimmtán prósent afslátt ef vel er farið að þeim – lang-
best er hreinlega að kyssa þá og brosa sætt! Eldri
dama situr og selur málverkin sín og brosir ljúft og
gæti verið um sjötugt, æðislega smart og fín. Fransk-
ar konur eru fallegar fram eftir öllum aldri og frönsk
tunga er líka rík af orðum sem fegra konuna. Hún er
„chic, élegante et charmante“ óháð aldri – bara alger
gyðja.
Hugmyndauppspretta frægu tískuhúsanna | Flóa-
markaðirnir eru hugmyndauppspretta stílista og
tískuhönnuða margra stærstu tískuhúsanna í París.
Hér finna þeir gamlar fatadruslur sem við litum sjálf-
sagt ekki við. Hins vegar sjá þeir í þessum dulum
eitthvað annað og meira og svona fá þeir oft hug-
myndir að „nýjustu“ tísku sem við hin kaupum síðan
dýrum dómum í
búðunum! Á herða-
tré hangir gamall og
þvældur Chanel-
jakki sem fer á 90
evrur og á borði ligg-
ur hrúga af gatslitn-
um YSL-skóm. Á
næsta borði er hrúga
af hnöppum og
eyrnalokkum og efn-
isstrangar í röðum en
líklega er þetta gam-
all verslunarlager.
Tvær japanskar
gramsa í þessu og
sölumaður býður
þeim smjaðurslega
góðan daginn með
glampa í augunum.
Það orð loðir alltaf
við Japana að þeir gangi með vasana fulla af seðlum og að þeir segi ekki orð af viti við
sölumennina. Það sem flýgur út úr þeim er helst „très beaux“ eða „magnifique“
(mjög fallegt eða æðislegt) og síðan lufsast sígarettan í munnvikinu. Allt þetta er samt
ofureðlilegt og sjarmerandi á markaðstorginu þar sem sú gamla stendur vaktina með
örþreyttum sölumönnunum helgi eftir helgi, allan ársins hring. Sjón er sögu ríkari!
| osiris0904@hotmail.com
Vanves-flóamarkaðurinn. Metro: Porte de Vanves. Opið lau–sun kl. 7–12.
Montreuil-flóamarkaðurinn – skranmarkaður. Metro: Porte de Montreuil. Opið lau–mán kl. 7–18.
Clingancourt-flóamarkaðurinn – túristalegur og antíkmarkaður. Metro: Clingancourt. Opið alla daga vikunnar.
FERÐALÖG | GUÐRÚN GUNNARSDÓTTIR Í PARÍS
FJÁRSJÓÐUR ALI BABA
Chanel, Dior, Yves Saint Laurent og fleiri góðir á spottprís á flóamörkuðum
Það teljast góðir
mannasiðir að prútta
á flóamörkuðum.Ljó
sm
yn
di
r:
G
uð
rú
n
G
un
na
rs
dó
tt
ir