Morgunblaðið - 05.06.2005, Blaðsíða 43

Jón Skírnir segir að hættulegustu aðstæðurnar séu þegar á rennur í þungum
straumi undir árbakka. Maður sem hefur þurft að losa sig úr bátnum og er á
sundi í ánni er í bráðri lífshættu beri straumurinn hann undir bakkann. Sömu-
leiðis stafar hætta af hringiðum sem draga menn niður og af því rekast í grjót.
Hvað einkennir góðan ræðara? „Menn þurfa að vera í góðu líkamlegu
formi. En það sem er jafnmikilvægt og kannski mikilvægara er að vera í góðu
andlegu formi. Því ef þú starir niður einhverja geðveika flúð eða foss og trúir
því ekki að þú farir í gegn, þá ferðu ekki í gegn. Og ef þú lendir í einhverju og
verður að redda þér, þá þýðir ekkert að missa stjórn á sér heldur verða menn að
læra að slaka á og læra að njóta þess,“ segir Jón Skírnir. Með erfiðari ám hér á
landi eru Austari-Jökulsá og Fjarðará í Seyðifirði. Af fossum nefnir hann Ald-
eyjarfoss en hann hefur aðeins einu sinni verið „róinn“ og með því setti ræð-
arinn, Shaun Baker, heimsmet í fossastökki. Síðan hefur enginn treyst sér í foss-
inn, enda er fallið hátt í 20 metrar og fossinn „hinn mesti ógeðsfoss“ að sögn
Jóns Skírnis.
Hann vill þó alls ekki gera of mikið úr þeim hættum sem fylgja straumkajak-
róðri, með réttri ástundun sé sportið ekki hættulegt. „Þegar fólk sér myndir af
mönnum fara niður háa fossa eða hrikalegar flúðir gerir það sér sjaldan grein
fyrir þeim mikla undirbúningi sem liggur að baki,“ segir hann. Í góðum hópi
ræðara sé öll áhersla lögð á öryggismál og andinn í hópnum verði að vera þann-
ig að menn geti hætt við að fara niður flúðir án þess að vera kallaðir aumingjar.
Það kostar um 100.000 krónur fyrir byrjanda að koma sér upp búnaði til
straumkajaksiglinga. Notaður bátur kostar um 30–50.000, blautbuxur, þurr-
toppur, svunta, björgunarvesti og ár má fá fyrir um 50.000 krónur til viðbótar.
Svo er auðvitað hægt að kaupa dýrara og flottara ef menn vilja.
Byrjendur, hvort sem er á sjókajak eða straumkajak, geta fengið upplýsingar
um námskeið, ferðir og almenna ráðgjöf hjá Kayakklúbbnum. Vefur klúbbsins
er www.kayakklubburinn.is. Þar má finna öryggisbækling sem er þörf lesning.
„Það er ekkert erfitt að
róa Goðafoss, aðkoman er
góð, lendingin er góð og
ekkert ógeð sem bíður
manns,“ segir Jón Skírnir
Ágústsson sem hér er um
það bil að steypast niður.
Hvannadalshnúkur,
maí - september
Núpsstaðarskógar - Skaftafell
Strönd til strandar
Ísklifur