Morgunblaðið - 03.10.2005, Blaðsíða 10

„ÉG ER afar þakklátur fyrir þennan mikla
stuðning og ánægður með að hafa náð þessu
markmiði,“ sagði Borgar Þór Einarsson
lögfræðingur í samtali við Morgunblaðið,
þegar ljóst lá fyrir að Borgar hefði verið
kjörinn formaður Sambands ungra sjálf-
stæðismanna á 38. þingi sambandsins sem
haldið var í Stykkishólmi um helgina og
lauk í gær. Borgar var sá eini sem gefið
hafði formlega kost á sér til formanns og
hlaut hann 165 atkvæði eða 72% gildra at-
kvæða, en alls greiddu 235 manns atkvæði í
kosningunum.
Aðspurður sagði Borgar Þór þetta meiri
stuðning en hann hefði átt von á. „Því ég
vissi að framboð mitt var ekki óumdeilt.
Þegar haft er í huga að ég hef verið nokkuð
gagnrýninn á starfshætti fráfarandi stjórn-
ar átti ég satt að segja ekki von á þetta
góðri kosningu.“ Spurður
hvað framundan sé fyrir
hann sem formaður SUS
segist Borgar hafa það að
markmiði að koma aftur á
þeirri grunnhugmynd að
félögin eigi sambandið og
að það starfi í þágu aðild-
arfélaganna. „Ég held að
það muni bæði styrkja fé-
lögin sem slík og sam-
bandið í heild sinni. Þetta
þýðir í reynd að fela félögunum bæði aukin
verkefni og ábyrgð og þar með aukið vægi,“
segir Borgar Þór og segir þetta stefnumál
sitt hafa verið grunnforsenda þess að hann
gaf yfirhöfuð kost á sér í embættið.
Önnur atkvæði í formannskjörinu féllu
þannig að Helga Lára Haarde fékk 42 at-
kvæði, Davíð Þorláksson og Pétur Jónsson
fengu 4 atkvæði hvor og einnig fengu Einar
Sigurðsson, Friðjón Rex Friðjónsson, Haf-
steinn Þór Hauksson, Helga Sjöfn Ein-
arsdóttir, Óttar Snædal og Víðir Petersen 1
atkvæði hvert. Þess má geta að Helga Lára
er systir Borgars Þórs og þegar blaðamað-
ur innti hann eftir því hvernig skýra mætti
gott gengi hennar í kosningunum sagði
hann að hún hefði væntanlega fengið at-
kvæði sem annars hefðu verið auð. „Þarna
er á ferð ákveðin húmor og raunar ágætur
sem slíkur. Hún var að taka þátt í sínu
fyrsta SUS-þingi og þetta var mjög óvænt-
ur stuðningur við hana,“ segir Borgar og
tók fram að sjálf hefði Helga verið furðu
lostin yfir atkvæðafjöldanum. Helga Kristín
Auðunsdóttir var kjörin fyrsti varafor-
maður SUS með tæpum 68% atkvæða.
Borgar Þór
Einarsson
Morgunblaðið/Gunnlaugur Árnason
Á þriðja hundrað manns sótti þing Sambands ungra sjálfstæðismanna sem haldið var í Stykkishólmi um helgina.
Borgar Þór kjörinn formaður SUS
10 MÁNUDAGUR 3. OKTÓBER 2005 MORGUNBLAÐIÐ
FRÉTTIR
SAMBAND ungra sjálfstæðismanna telur opinberan
rekstur leikskóla tímaskekkju og hafnar hugmynd-
inni um gjaldfrjálsan leikskóla. Þetta er meðal þess
sem fram kemur í ályktun um mennta- og menning-
armál sem samþykkt var á nýafstöðnu SUS-þingi.
„Einkaframtakið þarf að hafa svigrúm í leik-
skólakerfinu, enda eru einkaaðilar betur til þess
fallnir að sinna starfsemi leikskóla en stjórn-
málamenn. Valfrelsi í menntun á grunnskólastigi er
verulega takmarkað og í flestum tilfellum velja for-
eldar hverfisskóla fyrir börn sín, enda er sérstaða
einstakra gunnskóla lítil. Með aukinni aðkomu einka-
aðila í rekstri grunnskóla eru skólar betur í stakk
búnir til að marka sér sérstöðuna og auka þannig úr-
val í námi. Ríkisvaldið þarf að draga verulegu úr af-
skiptum sínum varðandi kennsluhætti og kennslufyr-
irkomulag, svo auka megi sveigjanleika í leiðum til
náms,“ segir í ályktun þingsins.
Hvað rekstur framhaldsskóla viðvíkur telja ungir
sjálfstæðismenn að hann sé betur kominn í höndum
einkaaðila en opinberra og hvetur nýja rekstraraðila
til að stofna nýja eða taka yfir rekstur núverandi
framhaldsskóla. „Námskrár og kjarasamningar á
framhaldsskólastigi hefta hugmyndaauðgi og fjöl-
breytni í vali á framhaldsskólamenntun,“ segir m.a. í
ályktuninni. Þá kemur fram að ungir sjálfstæð-
ismenn telja að skoða beri kosti þess að einkareka
Háskóla Íslands og að afnema eigi með öllu opinbera
styrki til menntamála þar sem þeir eigi ekki rétt á
sér.
SUS hafnar hug-
myndinni um gjald-
frjálsan leikskóla
ÞINGFLOKKUR Samfylkingar-
innar vill að ráðuneytum verði
fækkað úr 13 í níu og hyggst leggja
fram á Alþingi
frumvarp þess
efnis á haust-
þingi. Einnig
hyggst þing-
flokkurinn leggja
fram frumvarp
um hækkun
grunnlífeyris og
tekjutryggingar
lífeyrisþega.
Þessi og fleiri
þingmál Sam-
fylkingarinnar voru kynnt á blaða-
mannafundi flokksins í gær. Ingi-
björg Sólrún Gísladóttir, formaður
Samfylkingarinnar, sagði að fyrstu
þingmál vetrarins væru lögð fram
undir yfirskriftinni: Stöðugleiki,
jafnræði og stjórnfesta. Þingmál
Samfylkingarinnar ættu að stuðla
að þeim stöðugleika sem fælist í
jafnræði þegnanna og jöfnun tæki-
færa.
Meðal þeirra þingmála sem for-
ystumenn flokksins kynntu á blaða-
mannafundinum í gær var frum-
varp um afkomutryggingu fyrir
lífeyrisþega. Í frumvarpinu verður
lagt til að grunnlífeyrir og tekju-
trygging verði hækkuð. „Fyrsta
skrefið verði að ná því raungildi líf-
eyris sem var árið 1995 þegar nú-
verandi ríkisstjórn tók við,“ segir í
tilkynningu Samfylkingarinnar.
„Þetta felur í sér að lífeyris-
greiðslur hækki um 12 þúsund
krónur á mánuði eða 144 þúsund á
ári. Jafnframt er lagt til að skerð-
ing vegna tekna verði minnkuð
verulega til að auka svigrúm til at-
vinnuþátttöku. Þannig lækki skerð-
ingarhlutverkið vegna grunnlífeyr-
is úr 30% í 20% og skerð-
ingarhlutfall tekjutryggingar úr
45% í 30%. Kostnaður við þessar
aðgerðir að teknu tilliti til veltuá-
hrifa yrði um 3,9 milljaðar króna.“
Ráðuneytin verði níu
Þingflokkur Samfylkingarinnar
ætlar einnig að leggja fram á Al-
þingi frumvarp um fækkun ráðu-
neyta, eins og áður sagði. Þing-
flokkurinn vill að ráðuneytin verði
eftirfarandi: Atvinnuvegaráðuneyti,
félags- og tryggingamálaráðuneyti,
forsætisráðuneyti, fjármálaráðu-
neyti, heilbrigðisráðuneyti,
mennta- og menningarmálaráðu-
neyti, umhverfisráðuneyti, utanrík-
isráðuneyti og innanríkisráðuneyti.
Málaflokkar á borð við samgöngu-
mál og dóms- og kirkjumál myndu
falla undir síðastnefnda ráðuneytið.
Þá hyggst þingflokkurinn leggja
fram tillögu til þingsályktunar um
að fyrirkomulag við skipun emb-
ættismanna verði endurskoðað í því
skyni að skilja pólitísk störf frá
faglega skipuðum embættum
Stjórnarráðsins.
Forystumenn Samfylkingarinnar
boðuðu fleiri þingmál í gær. Til að
mynda hyggst þingflokkurinn
leggja fram frumvarp um óháðar
rannsóknarnefndir sem gætu rann-
sakað og gefið skýrslu um mik-
ilvæg mál eða stjórnvaldsathafnir
sem vörðuðu almannahag. Þá
hyggst þingflokkurinn leggja fram
þingmál um hlutafélög í opinberri
eigu og um lagalega umgjörð
einkavæðingar.
Einnig má nefna þingsályktun-
artillögu um að komið verði á fót
fjöltækninámi, sem sérstökum
námsbrautum sem og þingsályktun
um heildarlög um fullorðinsfræðslu
og frumvarp til laga um starfsemi
símenntunarmiðstöðva.
Áherslur þingflokks Samfylkingarinnar í upphafi þings
Ingibjörg Sólrún
Gísladóttir
Leggur til hækkun grunnlífeyris og tekjutryggingar
Eftir Örnu Schram
arna@mbl.is
Vill að ráðuneytum
verði fækkað í níu
BREIÐHOLTSDAGURINN var
haldinn hátíðlegur í göngugötunni í
Mjódd á laugardag, með alls kyns
uppákomum, skemmtiatriðum og
sprelli. Var dagurinn m.a. haldinn
hátíðlegur til að fagna opnun þjón-
ustumiðstöð Reykjavíkurborgar í
Breiðholti og undirritun samnings
Reykjavíkurborgar og lögreglunnar
í Reykjavík um samvinnu í þágu íbúa
í Breiðholti.
Meðal þeirra sem fram komu voru
leikskólabörn frá öllum leikskólum í
Breiðholti, sem sungu fyrir gesti. Þá
brýndu liðsmenn Lögreglukórsins
raust sína fyrir viðstadda og Selma
Björnsdóttir og Hansa sungu.
Einnig voru danssýningar og
söngatriði úr ýmsum áttum auk þess
sem Vinabandið, hljómsveit eldri
borgara í Breiðholti, lék.
Opið hús var í Þjónustumiðstöð
Breiðholts og nýrri hverfislög-
reglustöð í Mjódd. Tóku starfsmenn
stöðvanna á móti gestum og kynntu
starfsemi, tæki og búnað.
Hringurinn góð forvörn
Í samningi Reykjavíkurborgar og
lögreglunnar í Reykjavík er lögð
sérstök áhersla á hverfislöggæslu,
eflingu félagsauðs, forvarnir og starf
með börnum og unglingum. Samn-
ingurinn er einnig viljayfirlýsing
beggja aðila um virka samvinnu við
stofnanir og félagasamtök í Breið-
holti sem vinna í tengslum við börn.
Samstarf lögreglunnar í Reykja-
vík og borgarinnar hefur að sögn
Ragnars Þorsteinssonar, fram-
kvæmdastjóra Þjónustumiðstöðvar í
Breiðholti, gefið góða raun og má
þar nefna verkefnið Hringinn, sam-
starfsverkefni þjónustumiðstöðv-
arinnar og hverfislögreglunnar, sem
er leið til að taka á afbrotamálum
barna þar sem þolandi, gerandi og
aðstandendur þeirra læra að vinna
saman. Markmiðið með Hringsvinn-
unni er að gefa barni sem brotið hef-
ur af sér tækifæri til að læra af
reynslu sinni og leggja sitt af mörk-
um til að gera umhverfið öruggara.
Ragnar segir Hringinn vera góða
forvörn sem taki á málum barna
strax í byrjun þegar afbrot er framið
og geti komið í veg fyrir frekari af-
brotaferil sem getur kostað mikið
fyrir samfélagið til langs tíma litið.
„Hringurinn gengur út á það að
börnum og unglingum, sem lenda í
minni háttar afbrotum, er boðið
ásamt foreldrum sínum að hitta
þann sem varð fyrir afbrotinu,“ segir
Ragnar. „Þá er sett í svokallaðan
hring gerandi, foreldrar, brotaþoli,
félagsráðgjafi og lögregla. Þá er far-
ið yfir málið í þessum hring og reynt
að koma því til viðkomandi barns
hvað þetta getur leitt af sér. Reynsla
í Miðgarði í Grafarvogi er meiri en
hjá okkur, en þetta hefur verið að
gera sig og hefur sýnt sig að krakkar
sem hafa verið að fikta við svona at-
ferli hafa snúið af þessari braut. Við
höfum mikinn áhuga á að þróa verk-
efnið í samstarfi við lögregluna.“
Þjónustumiðstöð opnuð í Breiðholti
Náin samvinna
við borgarana
Eftir Svavar Knút Kristinsson
svavar@mbl.is
UNGIR sjálfstæðismenn telja að hætta eigi við
framboð um sæti í Öryggisráði Sameinuðu þjóð-
anna. Ályktun þess efnis var samþykkt á nýaf-
stöðnu þingi Sambands ungra sjálfstæðismanna. Í
ályktuninni segir m.a.: „Ljóst þykir að kostnaður-
inn við aðildarferlið og þá kosningabaráttu sem
heyja þarf vegna aðildar er gríðarlegur. Jafnframt
liggur fyrir að seta í ráðinu muni hafa stóraukin út-
gjöld til utanríkismála í för með sér sem næg þykja
fyrir. Þá hefur engan veginn verið gerð nægileg
grein fyrir því hvaða verkefnum Ísland mun beita
sér fyrir í Öryggisráðinu eða öðrum ávinningi af
setu landsins,“ segir í ályktuninni.
SUS vill að hætt
sé við framboðið til
Öryggisráðsins
Margrét áfram
formaður
MARGRÉT Frímannsdóttir var um
helgina endurkjörin formaður
þingflokks Samfylkingarinnar.
Kristján L. Möller er varaþingmað-
ur þingflokksins og Þórunn Svein-
bjarnardóttir er ritari.
Starfsmaður þingflokksins er
áfram Olav Veigar Davíðsson.