Morgunblaðið - 03.10.2005, Blaðsíða 26

26 MÁNUDAGUR 3. OKTÓBER 2005 MORGUNBLAÐIÐ
MINNINGAR
✝ Svavar Á. Sig-urðsson fæddist
í Reykjavík 18.
september 1945.
Hann lést á krabba-
meinsdeild 11E á
Landspítala 27.
september síðastlið-
inn. Foreldrar hans
voru Sigurður Auð-
bergsson, f.. 8.
mars 1910, d. 17.
apríl 1988, og Guð-
rún Guðjónsdóttir,
f. 15. júní 1909, d.
15. janúar 1993.
Systkini Svavars eru Sigrún Auð-
ur, f. 21. janúar 1934, maki Jón Þ.
Bergsson og eiga þau fjögur
börn; Haraldur, f. 12. desember
börn. Hinn 26. desember 1967
kvæntist Svavar Sigurborgu Kol-
beinsdóttur, f. 9. nóvember 1947,
d. 11. apríl 1994. Foreldrar Sig-
urborgar voru Kolbeinn Stein-
grímsson, f. 1 ágúst 1907, d. 7.
mars 1985, og Þórhildur Árna-
dóttir frá Hergilsey, f. 11. sept-
ember 1919, d. 14. júní 1999.
Svavar og Sigurborg eignuðust
fjögur börn. Þau eru: 1) Þórhild-
ur, f. 1967, gift Guðmanni Hauks-
syni og eiga þau tvö börn, Jónas
og Ragnhildi. 2) Sigrún, f. 1967,
gift Skafta Fanndal og eiga þau
tvö börn, Birgittu Svövu og Sig-
urborgu Svövu, Skafti á eina dótt-
ur, Evu Ósk. 3) Ásgeir, f. 1969,
unnusta hans er Brynja Hjarðar
Þorsteinsdóttir og eiga þau þrjú
börn, Svavar Þór, Daníel Þór og
Evu Maríu. 4) Ragnar, f. 1977,
hann á einn son, Jakob Inga.
Útför Svavars verður gerð frá
Árbæjarkirkju í dag og hefst at-
höfnin klukkan 13.
1936, d. 6. september
2003, maki hans er
Margrét Margeirs-
dóttir; Þórður, f. 18.
febrúar 1938, d. 26.
febrúar 1989, hann
átti fjögur börn;
Ingibjörg, f. 13. apríl
1939, maki hennar
var Hilmar Krist-
jánsson sem er lát-
inn, Ingibjörg á tvö
börn; Svavar, f. 27.
janúar 1941, d. 17.
mars 1942; Halldór
Jón, f. 6. nóvember
1947, maki Edda Björnsdóttir,
þau eiga tvo syni; og Guðjón, f.
18. apríl 1952, maki hans er Sig-
ríður Ásgeirsdóttir, Guðjón á tvö
Elsku pabbi minn, þá er komið að
leiðarlokum í þínu lífi. Það er svo
margt skemmtilegt sem kemur upp í
hugann, ég man sérstaklega eftir
þegar að mamma fór á fæðingadeild-
ina að eiga Ragga bróður þá spurðir
þú mig og Geira hvað við vildum hafa
í kvöldmatinn og bæði í kór svöruð-
um við „kakósúpu“. Ekki að spyrja
að því, þú reddaðir því, hún varð þó
heldur þykk og þegar við fórum að
kvarta þá sagðir þú: „Komið þessu
bara í andlitið á ykkur,“ og skelltir
göfflum á borðið. Það var svo líkt þér
að gera það besta úr öllu. Mér er líka
mjög minnisstætt hvað þú syrgðir
sárt eftir að mamma heitin dó 11.
apríl 1994, það var sérlega erfitt fyr-
ir þig, pabbi minn.
Þegar Sigurborg Sara fæddist eða
„Bogga litla“ eins og þú kallaðir
hana, var hún fyrirburi og þú komst
og hélst á henni í kassanum, hvað
hendurnar þínar voru stórar, hún
bókstaflega sat í lófanum á þér.
Einnig man ég vel þegar við fluttum
út til Bandaríkjanna 1996. Þá spurð-
ir þú mig: „Sigrún, ertu alveg viss
um að þetta sé það sem þú vilt?“ Þér
þótti erfitt að við færum með stelp-
urnar þínar Birgittu Svövu og Boggu
litlu. En eftir að þú komst í heimsókn
til okkar varstu mjög sáttur enda
komstu þrisvar sinnum út til okkar,
síðast í vor í ferminguna hennar
Birgittu með Dúddu og Guðmanni,
og tengdaforeldrum Guðmanns,
Hauki og Rögnu. Fyrir það erum við
þákklát. Þú hafðir líka voðalega
gaman af að sprella svolítið í Skafta
með það hvort vara sem keypt væri í
Bandaríkjunum væri „made in .....“
Þú hélst fram að íslenskt væri það
besta eða sænskt eins og Volvoinn
gamli, en Skafti auðvitað mótmælti.
Það var líka svo gaman að þú
hringdir alltaf í mig á föstudögum til
Bandaríkjanna og við enduðum sím-
talið alltaf eins ég sagði: „I love you,
pabbi minn og farðu vel með þig,“ og
þú sagðir á þinni skemmtilegu
ensku: „I love you too.“
Þín verður saknað. Ég hugga mig
við að þið eruð saman á ný, þú og
mamma og ábyggilega engin logn-
molla þar. Ég kveð þig í hinsta sinn.
pabbi minn, og bið góðan Guð að
varðveita þig.
Sigrún og fjölskylda,
Sioux Falls, Suður-Dakóta.
Elsku pabbi, nú ert þú farinn og
ég veit að það verður vel tekið á móti
þér, mamma bíður eftir þér. Ég,
Bogga og Ragnhildur vorum einmitt
að tala um það hvort þið færuð ekki
beint að byggja sumarbústað það var
ykkar yndi að vera í sveitinni. En eft-
ir að mamma dó var mjög erfitt fyrir
þig að vera einn í sveitinni. Þú varst
alltaf hægur og yfirvegaður. Þú
hafðir ánægju af að fylgjast með æf-
ingum og leikjum á Fylkisvelli. Síð-
asta ár var oft erfitt hjá þér. Þú varst
mjög glaður að við skyldum gefa þér
ferð út til Sigrúnar. Það létti aðeins
tilveruna hjá þér að hlakka til vors-
ins. Þú fórst í geisla í janúar og febr-
úar og bjóst þá á Rauðakross hót-
elinu. Þar leið þér vel. Ég man alltaf
eftir því að þegar þú varst lagður inn
á spítala þá talaðir þú um að þér liði
svo vel hjá henni Bryndísi. Þegar
leið á vorið þá kom spenningur að
fara út, þú varst mjög hress og þessi
ferð var yndisleg. Þarna úti áttum
við góða stund með Sigrúnu og fjöl-
skyldu. Eftir að þú náðir þessum
áfanga versnaði þér og þú fórst aftur
á Rauðakross hótelið. Eftir að þú
hættir að geta keyrt bílinn þá fannst
þér góð tilbreyting að koma í mat
eða fara í heimsóknir með okkur. Þú
hafðir mjög gaman af að fylgjast
með gömlum vinnufélögum og at-
huga hvað þeir væru að smíða. Þú
sýndir mér hvað þið hefðuð smíðað á
síðustu árum. Ég var alltaf með sím-
an á mér svo þú gætir náð í mig. Það
eru margar ferðirnar sem ég hef
þurft að fara snögglega til þín. Síðan
beiðst þú eftir öðrum áfanga til að
hlakka til en það var afmælið þitt og
Sigrún og Bogga voru væntanlegar.
Veislan tókst vel, þetta var skemmti-
leg stund og ógleymanleg, þú varst
ánægður að þið systkinin komuð öll
saman. Ég borðaði með þér í hádeg-
inu 25. september. Það var síðasta
skipti okkar saman sem þú varst
sæmilega hress. Þessar síðustu
stundir okkar systkinanna með þér
eru okkur dýrmætar. Ég vil þakka
starfsfólki Rauða kross hótelsins, 11
E, og heimahlynningu fyrir að ann-
ast þig .
Elsku pabbi, ég kveð þig með
söknuði, en ég veit að þú ert í góðum
höndum. Guð blessi þig.
Þórhildur Svavarsdóttir.
Í dag verður okkar elskulegi bróð-
ir jarðsunginn. Ég man eftir Svavari
þegar ég var um tíu ára gamall. Við
vorum mörg systkinin og var Svavar
fimmti í röðinni af okkur. Svavar
kynntist snemma konu sinni Sigur-
borgu. Þau náðu snemma vel saman
enda bæði dugleg og heiðarleg í alla
staði. Ég man enn í dag þegar ég
vaknaði um morgun á heimili okkar á
Kleppsvegi 90, stundum kallað
Oddshöfði. Þá sá ég hlut sem ég
hafði aldrei séð áður. Ég spurði
Svavar hvað þetta væri. „Þetta
keypti ég í útlöndum,“ svaraði hann.
Seinna frétti ég að þau Bogga hefðu
kynnst þá.
Svavar var hörkuduglegur til
vinnu og menntaði sig sem járnsmið.
Á þessum tímum var ekki létt verk
fyrir ungan mann að mennta sig, en
Svavar sýndi hvað í honum bjó. Í
upphafi sambúðar þeirra Sigurborg-
ar bjuggu þau uppi í Selási. Þau
hjónin áttu fjögur börn.
Eftir að Svavar veiktist höfðum
við mikið samband enda var það
Svavar sem vildi halda fjölskyldunni
saman.
Með trega kveðjum við góðan
dreng sem verður alltaf í hjörtum
okkar. Við Inga systir biðjum góðan
Guð að vernda börn og barnabörn
Svavars.
Guðjón Sigurðsson,
Ingibjörg Sigurðardóttir.
Elsku afi, ég mun sakna þín mjög
mikið. Við höfðum mjög skemmtilegt
þegar þú komst til Ameríku í vor í
fermingarveisluna hennar Birgittu
systur minnar. Ég elska bláa arm-
bandið sem þú gafst mér. Ég veit að
allir elskuðu þig mikið, einnig
mamma, Dúdda, Raggi og Geiri. Þú
varst svo góður við alla.
En núna hittir þú ömmu aftur eftir
12 ár og þið verðið ánægð. Ég græt
mikið því að ég sakna þín svo. Ég
vona að allt verði í lagi á leiðinni upp
til himna gegnum skýin.
Sigurborg Sara Skaftadóttir,
Sioux Falls SD.
Í dag kveðjum við með söknuði
kæran vin okkar Svavar Ásgeir Sig-
urðsson eftir veikindi sem hann
tókst á við með hugprýði og æðru-
leysi. Sumir fara í gegnum lífið án
þess að mikið sé tekið eftir þeim og
það átti svo sannarlega við Svavar
vin okkar. Hann hafði ekki hátt um
hlutina, vann sína vinnu og sinnti
sinni fjölskyldu með myndarbrag.
Fjölskylda okkar kynntist Svavari
og Sigurborgu konunni hans þegar
Þórhildur dóttir þeirra og Guðmann
sonur okkar felldu hugi saman og í
dag höfum við í langan tíma deilt
gleði og sorg með þessum indælu
hjónum. Strax frá upphafi mynduð-
ust á milli fjölskyldna okkar góð vin-
áttutengsl. Við höfum öll komið oft í
sumarbústað þeirra hjóna og átt þar
margar góðar stundir. Hann hægur,
rólegur og glettinn, en hún hress og
kát.
11. apríl 1994 missir hann Boggu
sína, Sigurborgu Kolbeinsdóttur og
það var mikill missir og sorg fyrir
bæði hann og fjölskylduna. Síðan
þetta gerðist urðu tengsl okkar við
Svavar enn meiri og við höfum átt
saman mörg yndisleg jól og áramót í
gegnum síðasta áratug.
Við hjónin áttum í vor ógleyman-
legar stundir með Svavari og börn-
unum okkar Þórhildi og Guðmanni í
ferð til Sioux Falls í Suður-Dakota í
Bandaríkjunum í fermingu Birgittu
dóttur Sigrúnar systur Þórhildar.
Það var gaman að sjá hvað Svavar
var glaður að njóta þess að heim-
sækja dóttur sína, tengdason og
barnabörnin yndislegu, Birgittu
Svövu og Sigurborgu Söru. Þessar
minningar og fleiri frá góðum stund-
um munu ylja okkur í framtíðinni
þegar við minnumst þessa hægláta
og hógværa vinar okkar.
Við biðjum guð að geyma góðan
vin og færum ykkur Þórhildi, Sig-
rúnu, Ásgeiri, Ragnari og fjölskyld-
um innilegustu samúðarkveðjur.
Megi guð styrkja ykkur í þessari
miklu sorg.
Ragna, Haukur, börn
og fjölskyldur.
Látinn er langt fyrir aldur fram en
þó eftir langa vanheilsu Svavar Sig-
urðsson járnsmíðameistari, Norður-
ási 4 í Reykjavík.
Ég kynntist Svavari þegar við
hjón tókum á leigu landspildu í landi
Trönu í Borgarbyggð til að byggja
okkur sumarbústað. Fáum árum áð-
ur hafði Svavar og Sigurborg kona
hans byggt sér sumarhús þar
skammt frá. Þarna var að rísa lítil en
sérstæð sumarhúsabyggð úti í höfða
rétt ofan Hvítárósa. Löndin eru
nokkuð dreifð um höfðann og liggja
fæst saman. Til að komast út þangað
þarf að aka yfir sand sem flæðir yfir
á stórstraumsflóði og einnig við flóð í
Hvítá. Aðgengið var og er enn því
nokkuð sérstætt.
Þeir sem þarna komu saman voru
einnig nokkuð sérstæðir að því
marki að þeir vildu flestir banga
saman sínum húsum sjálfir. Þarna
myndaðist fljótt samhent og gott
samfélag þar sem hjálpast var að við
daglegt amstur eins og vatnslagnir,
brúarsmíð eða draga hver annan upp
úr ánni eða úr snjósköflum. Svo var
slakað á saman og skemmt sér.
Svavar og Bogga eins og þau voru
gjarnan nefnd og þá bæði í sömu
andránni voru afar samhent í öllum
athöfnum og settu mikinn svip á
þetta litla samfélag. Gestrisin og
alltaf tilbúin til að gefa góð ráð eða
aðstoða ef á þurfti að halda.
En svo dró ský fyrir sólu þegar
Bogga greindist með krabbamein
sem dró hana til dauða 1994 eftir
harða baráttu. Áfallið var mikið fyrir
Svavar svo hann var ekki samur
maður eftir. Heilsan gaf sig og þessi
vinnusami og duglegi maður varð lítt
vinnufær um langa hríð. En þegar
hann virtist vera að ná sér aftur og
farinn að vinna og allt bjartara fram-
undan kom aftur áfallið. Nú var það
sem krabbinn heimsótti hann eins og
konu hans og lagði hann að velli
fáum dögum eftir að hann hélt upp á
60 ára afmælið.
Ég vil fyrir hönd okkar frum-
byggjanna í Trönuhöfða senda börn-
um hans og fjölskyldum þeirra okkar
innilegustu samúðarkveðjur.
Minning okkar um Svavar Sig-
urðsson og Sigurborgu konu hans er
okkur öllum dýrmæt.
Haraldur Finnsson.
SVAVAR Á.
SIGURÐSSON
FRÉTTIR
SÖFNUNINNI Börn hjálpa börn-
um, sem hófst formlega á 75 ára
afmælisdegi Vigdísar Finn-
bogadóttur 15. apríl sl. með
framlagi hennar og forseta Ís-
lands Ólafs Ragnars Grímssonar,
er nú lokið. Alls söfnuðust
10.067.444 krónur.
Yfir 3.000 grunnskólabörn
gengu í hús með söfnunarbauka í
vor, en baukar hafa einnig staðið
í verslunum og fyrirtækjum.
Markmiðið með söfnuninni var að
ná 10 milljónum króna til að
byggja svefnskála fyrir 800
drengi á Heimili litlu ljósanna á
Indlandi og hefur það markmið
nú náðst. Söfnunarféð, að upp-
hæð 10.067.444 kr, var sent
óskert til Heimilis litlu ljósanna
en byggingarframkvæmdir við
svefnskálana hafa staðið yfir í
sumar og haust.
Svefnskálar fyrir 400 drengi
voru byggðir ofan á skólahús sem
fyrir var á staðnum og er nú nýtt
hús að rísa fyrir aðra 400 drengi.
Hornsteinninn að því húsi var
lagður á nýársdag 2005 að við-
stöddum nokkrum Íslendingum.
Hafði áður verið byggt fyrir
stúlkurnar á heimilinu.
Í fréttatilkynningu frá ABC-
barnahjálpinni segir að mikil
gleði og þakklæti ríki í garð Ís-
lendinga fyrir framlagið og þá
sérstaklega dugnað grunnskóla-
barnanna íslensku.
ABC-barnahjálp stendur fyrir
mörgum brýnum verkefnum og
eru framlög stuðningsaðila og
söfnunarfé fyrir uppbygging-
arverkefni alltaf send óskert út.
Hjálparstarfið sér í dag fyrir
rúmlega 5.300 börnum. Einna
brýnast er að ljúka við byggingu
kornabarnahúss á El Shaddai-
barnaheimilinu á Indlandi og
munu söfnunarbaukarnir standa
áfram á ýmsum stöðum. Mun það
sem safnast í baukana á næstu
mánuðum renna óskert til
byggingar kornabarnahússins.
Um 2,8 milljónir króna vantar
upp á til að ljúka framkvæmdum
við kornabarnahúsið og aðstöðu
fyrir forstöðukonu heimilisins.
Hún hýsir nú 15 kornabörn á
heimili sínu í leiguhúsnæði í
Chennai, um 50 km frá hinum
170 börnum heimilisins, sem
fluttu í glæsilegt hús í janúar
2004. Það hús var einnig byggt
fyrir íslenskt söfnunarfé á land-
skika sem ABC-barnahjálp keypti
fyrir nokkrum árum. Mikilvægt
er að geta sameinað heimilið og
fá aðstöðu til að taka við fleiri yf-
irgefnum kornabörnum. Söfn-
unarreikningur fyrir byggingu
kornabarnahússins er í Íslands-
banka nr. 515-14-280000, kt.
690688-1589.
Á heimasíðu ABC-barnahjálpar
www.abc.is er hægt að gerast
fósturforeldri barns á Heimili
litlu ljósanna og einnig er hægt
að styðja við rekstur starfsins.
Um 3.000 börn söfnuðu fyrir börn á Indlandi sem njóta stuðnings ABC-hjálparstarfs
10 milljónir söfnuðust
Um 800 drengir fá húsaskjól í nýja svefnskálanum á Heimili litlu ljósanna á
Indlandi sem ABC barnahjálp hefur byggt upp fyrir söfnunarfé frá Íslandi.