Morgunblaðið - 03.10.2005, Blaðsíða 33
MORGUNBLAÐIÐ MÁNUDAGUR 3. OKTÓBER 2005 33
BIRGIR Hilmarsson hefur víða
komið við í íslenskri tónlist, leikið
allt frá rafmögnuðu rokki í tölvu-
vætt popp. Hann hefur alltaf verið
leitandi, verið
við jaðarinn og
óhræddur við að
breyta um stíl
og stefnu eftir
því sem andinn
blæs honum í
brjóst. Nýjasta
sönnun þess er afbragðsskífan
Blindfold sem kom út fyrir stuttu,
en á henni er hann einn að verki
að mestu.
Birgir kynnir plötuna þannig á
vefsetri sínu að hún sé samin í
vetrarmyrkri og kulda sem skýrir
kannski drungann sem víða má
greina í tónlistinni, en þar er einn-
ig að finna hlýju og von. Fyrsta
lag plötunnar, „Intro(Vert)“, er
reyndar ekki ýkja hrífandi, en það
er létt yfir því. Í „Sleepless
Night“ er meira myrkur, sem
kemur kannski ekki á óvart í ljósi
heitis lagsins, en söngur í því er
vel af hendi leystur, sérstaklega
er röddun skemmtileg.
Birgir leikur á öll hljóðfæri
sjálfur og kemst einkar vel frá
því. Hann er hugmyndaríkur gít-
arleikari, heyr frábæra spretti í
„Daze“, og lipur Rhodes-spilari,
aukinheldur sem flest annað virð-
ist leika í höndunum á honum.
Prince Valium leggur Birgi lið í
hljóðgervlaspili í nokkrum lögum
og gerir það smekklega eins og
hans er von og vísa. Skreytingar
hans í titillagi plötunnar eru mjög
snyrtilegar, ágengar án þess að
vera að trana sér fram um of.
Stafrænn Hákon á líka stjörnu-
leik í lögum eins og „Ofsa“,
drungalegt lag með skældum gít-
arhljómi, og „I Will See You Thro-
ugh Me“, sem er býsna „há-
konslegt“ á köflum, mjög
skemmtilegt lag. Söngur í því er
góður, en ef hlustendur langar að
komast á snoðir um hvað er sung-
ið eru textar á vefsetri Blindfold
(ampop.co.uk/blindfold). Þar er
einnig hægt að hlusta á einmitt
þetta lag.
Ekki má svo gleyma slagverks-
leik Jóns Arnar Arnarssonar sem
er gríðarlega vel útfærður, naum-
hyggjulegur og síbreytilegur.
Platan fer hægt af stað, full-
hægt kannski, en þegar komið er
fram yfir miðbik hennar er ekki
yfir neinu að kvarta, hvert af-
bragðslagið rekur annað. Áður er
getið „I Will See You Through
Me“, en næsta lag þar á eftir,
„Interval“, en enn betra og þar á
eftir kemur besta lag skífunnar,
„Don’t Despair“, með fjörlegum
takti og stígandi spennu; frábært
lag. Hljómborðsklifunin í „Myrk-
fælni“ er líka einkar skemmtileg
og brak og suð í því lagi gæða það
skemmtilega ógnandi blæ.
Í vetrar-
myrkri
og kulda
TÓNLIST
Geisladiskur
Blindfold, fyrsta plata samnefndrar eins-
mannssveitar tónlistarmannsins Birgis
Hilmarssonar. Birgir leikur á gítar, ýmis
hljómborð og fjölda annarra hljóðfæra.
Honum til aðstoðar í nokkrum lögum eru
Jón Örn Arnarsson, sem leikur á slag-
verk, Ólafur Jósepsson, stundum kall-
aður Stafrænn Hákon, sem leikur á gítar,
og Þorsteinn Ólafsson, eða Prince Vali-
um, sem leikur á hljóðgervla. Öll lög og
útsetningar eftir Birgi. Resonant gefur
út.
Blindfold – Blindfold
Árni Matthíasson
AÐ undanförnu hefur staðið yfir ís-
lensk tónlistar- og kvikmyndahátíð
í leikhúsinu Lantaren Venster í
Rotterdam, undir yfirskriftinni
„Reykjavík to Rotterdam, Icelandic
Culture Festival“. Til stendur að
hátíðin verði haldin á tveggja ára
fresti héðan af. Hljómsveitin Trab-
ant reið á vaðið um síðustu helgi og
gerði að sögn „allt vitlaust“ og auk
þess lék Jóhann Jóhannsson tón-
skáld ásamt Eþos kvartettinum í
Laurenskerk, kirkju í bænum.
Dans- og tónlistarverk Jóhanns og
Ernu Ómarsdóttur, IBM 1401 not-
endahandbók, var einnig flutt um
helgina.
Á miðvikudagskvöldið komu svo
fram Mugison og Kira Kira, en
fyrsta breiðskífa Kiru Kiru, Skotta,
kemur út hjá Smekkleysu í október.
Með þeim spilaði Kippi Kaninus, en
kvöldið eftir birtist Pétur Bene-
diktsson með gítarinn sinn.
Uppselt var á alla tónleikana.
Kira Kira kom fram í gullskikkju
ásamt myndlistarmanninum Magn-
úsi Helgasyni sem sýndi súper 8
bíóglefsur sínar. Þegar leikar stóðu
sem hæst tóku Kira Kira, Mugison
og Pétur Ben. svo saman lagið
„Bless martröð“ eftir Kiru.
Einnig voru sýndar kvikmyndir
Friðriks Þórs Friðrikssonar, Dags
Kára Péturssonar, Þorgeirs Guð-
mundssonar og Hrafns Gunnlaugs-
sonar.
Mugison hélt tónleikareisu sinni
áfram um Evrópu og Trabant sigldi
yfir til Berlínar til að taka þátt í
Icelandic Invasion-hátíðinni á veg-
um Klink og Bank.
Reykjavík til Rotterdam
Mugison og Kira Kira fóru mikinn í Rotterdam.
Fréttir á SMS