Morgunblaðið - 04.12.2005, Page 14

14 SUNNUDAGUR 4. DESEMBER 2005 MORGUNBLAÐIÐ
Í dag eru í Öskjuhlíðarskóla 95nemendur í fyrsta til tíundabekk grunnskóla. Reykjavík-urborg rekur skólann en nem-endurnir koma einnig úr nær-
liggjandi sveitarfélögum. Einar Hólm
Ólafsson skólastjóri segir hann vera
valkost fyrir foreldra þroskaheftra
barna.
„Hefðu foreldrar ekki valið þennan
kost, þá væru nemendurnir ekki hér,“
segir hann. „Allir nemendur okkar
hafa farið í gegnum greiningu á
Greininga- og ráðgjafarstöð ríkisins.
Öskjuhlíðarskóli er skilgreindur fyrir
þroskaheft og fjölfötluð börn, en getu-
stig þeirra er mjög mismunandi.“
Meta aðstæður hvers einstaklings
Einar segir mismikla getu
barnanna skýringuna á fjölda starfs-
manna við skólann. „Við þurfum að
mæta þessum breiða hópi, út frá for-
sendum hvers og eins. Hingað til höf-
um við ekki raðað í hópa eftir getu
heldur eftir aldri. Þess vegna er mikil
getudreifing í öllum bekkjardeildum
skólans, sem þýðir að margt starfs-
fólk þarf til þess að mæta bæði
einstaklingum og hópnum. Við höfum
talið það okkar hlutverk að meta að-
stæður hvers einstaklings, út frá hans
sterku og veiku hliðum, og hversu
mikla þjónustu og umönnun hann
þarf.
Skóladagurinn hér er jafn langur
og í hinum almenna skóla. Lögð er
stund á þær námsgreinar sem aðal-
námskrá kveður á um. Okkur ber að
veita nemendum alla þá þjónustu að
gæðum og magni sem lög og reglu-
gerðir kveða á um.“
Hann segir skólann hafa gegnum
tíðina notið góðs af því hversu hæft
starfsfólk hafi ráðist þar til starfa,
kennarar, þroskaþjálfar, leikskóla-
kennarar og aðrar fagstéttir, auk vel
hæfra stuðningsfulltrúa. „Hér eru
starfandi félagsráðgjafi, sálfræðingur
og talmeinafræðingur, og nemendur
fá sjúkra- og iðjuþjálfun.
Við höfum alla tíð lagt mikið upp úr
hreyfiþjálfun, en hér eru íþrótta- og
sundkennsla. Þess má geta að eldri
nemendur skólans fara vikulega í al-
menningslaugar þar sem ekki er
meginmálið að kenna þeim að synda,
heldur að vera sjálfbjarga við að nota
sund fyrir tómstundaiðkun.“
Skólinn hefur ráðgjafarhlutverk
„Þetta er ekki spurning um ann-
aðhvort eða, heldur er Öskjuhlíð-
arskóli mikilvægur valkostur,“ segir
Einar. „Við trúum því að bæði for-
eldrar og fagfólk setji hagsmuni
barnsins í fyrsta sæti. En skólastefn-
an og lög um grunnskóla ganga út á
það að hinn almenni skóli eigi að geta
mætt þörfum allra nemenda, burtséð
frá getu þeirra. Vissulega hefur orðið
til í þessum skóla mikil þekking á
fræðum sem lúta að kennslu barna
með alvarlega námsörðugleika og
fötlun. Að því leyti er sérskólanum og
almenna skólanum ekki saman að
jafna. Sérskólinn veitir nemendum
margt sem almenni skólinn getur
ekki veitt, en almenni skólinn veitir
vafalaust fötluðum börnum ýmislegt
sem sérskólinn getur ekki veitt, eins
og samneyti við ófötluð börn. Margir
foreldrar velja hann því fram yfir sér-
skólann.
Öskjuhlíðarskóli hefur ráðgjaf-
arhlutverk gagnvart starfsmönnum
hins almenna grunnskóla sem vinna
að kennslu barna með fötlun og
þroskahömlun. Með þeirri þekkingu
og reynslu sem hér er, getum við
þannig stuðlað að því að stefnan „skóli
án aðgreiningar“ nái fram að ganga.“
Mikilvægur
valkostur
Einar Hólm Ólafsson, skólastjóri Öskjuhlíðarskóla