Fréttablaðið - 07.05.2003, Side 43

31MIÐVIKUDAGUR 7. maí 2003
ALCOA í
ártölum
AUSTFIRÐIR Árið 2005 er áætlað að
byggingarframkvæmdir álvers í
Reyðarfirði hefjist.
Í apríl 2007 er stefnt að því að
fyrsta framleiðsla álversins líti
dagsins ljós.
Í október 2007 á verksmiðjan
að vera komin í full afköst.
Á miðju ári 2006 á ráðning
starfsmanna að fara fram og
hljóta þeir í framhaldinu þjálfun í
undirbúningi að gangsetningu
verksmiðjunnar.
Þetta var meðal þess sem fram
kom í máli Trevor Adams og Wade
Hughes frá ALCOA á fundi sem
þeir héldu með Austfirðingum í
samkomuhúsinu Valhöll á Eski-
firði í fyrrakvöld. Húsfyllir var. ■
Þetta var ekki leynileg kosning.Á skrifstofu ræðismannsins í
Benidorm var alls kyns önnur
starfsemi í gangi á skrifborðum
allt í kring og enginn kjörklefi,“
segir Ragnar Jóhannesson, fyrr-
verandi slökkviliðsstjóri, sem var í
hópi eldri borgara sem kusu utan
kjörfundar á Spáni á dögunum.
Farið var með fólkið í tveimur 80
manna rútum frá Torrevieja til
Benidorm, um hundrað kílómetra
leið:
„Mér finnst að ræðismaðurinn
hefði getað komið með kjörkass-
ann til okkar frekar en að leggja
þetta ferðalag á okkur, því þegar
við komum til Benidorm var skrif-
stofa hans lokuð og þurftu sumir
að bíða í þrjá tíma í biðröð áður en
þeir komust að,“ segir Ragnar.
Um 300 Íslendingar hafa vetur-
setu á Costa Blanca-svæðinu sunn-
an við Alicante á Spáni. Mest eru
það eldri borgarar sem lokið hafa
lífsstarfinu hér heima og kjósa að
eyða ævikvöldinu í spænskri sól.
Að sögn Ragnars tók ferðalagið
töluvert á suma kjósendurna, sem
eru við misgóða heilsu.
„Leiðsögumaðurinn sagði okkur
að Sjálfstæðisflokkurinn hefði
greitt fyrir rúturnar en meira veit
ég ekki um það. Hins vegar er mér
engin launung á því að sjálfur kaus
ég Frjálslynda flokkinn eins og svo
margir aðrir sem hér búa,“ segir
Ragnar, sem hvetur menn til að
vanda betur til utankjörfundar-
kosninga erlendis ef hátturinn sem
hér var á hafður er algengur ann-
ars staðar.
Annars er veðrið á Spánar-
ströndum ágætt núna og bíða Ís-
lendingarnir spenntir úrslita kosn-
inganna. ■
BIÐRÖÐIN Í BENIDORM
Eftir langt ferðalag þurftu margir
að bíða lengi. Enginn kjörklefi og
kosningin alls ekki leynileg.
Þrjá tíma í biðröð – enginn kjörklefi
Kosningar
■ Tvær þéttsetnar rútur með eldri
borgara sem hafa vetursetu á Spáni
óku á dögunum hundrað kílómetra leið
til að láta þá kjósa. Ekki voru allir á eitt
sáttir með framkvæmd kosningarinnar,
sem fram fór í Benidorm.
SPAUGSTOFAN
Vildi fylgja kosningunum til enda en fékk
ekki.
Spaugstofan
ekki bönnuð
SJÓNVARP „Þetta var bara búið í
vetur samkvæmt samningi sem
gerður var fyrir löngu,“ segir
Pálmi Gestsson leikari um Spaug-
stofuna, sem ekki var á dagskrá
Ríkissjónvarpsins síðastliðinn
laugardag og verður ekki þann
næsta, en þá er kjördagur.
Orðrómur þess efnis að yfirvöld-
um hafi ekki þótt við hæfi að láta
þá félaga ærslast og spauga með
pólitík svona nærri kosningum á
því ekki við rök að styðjast. „Að
vísu vildum við halda áfram og
fylgja kosningunum til enda en
það reyndist ekki unnt vegna
kostnaðar og annars. Það voru í
það minnsta skýringarnar sem við
fengum,“ segir hann.
Ákveðið hefur verið að Spaug-
stofan verði áfram á dagskrá
Ríkissjónvarpsins næsta vetur.
Einungis á eftir að gera formleg-
an samning þar um: „Þetta gekk
vel í vetur, frábærlega vel ef
marka skal skoðanakannanir og
ekki síður viðtökur fólks al-
mennt,“ segir Pálmi en síðasti
Spaugstofuþátturinn var á dag-
skrá 27. apríl. ■
Kosninga-
samloka
LEIKHÚS Sýningum á Hinni smyrj-
andi jómfrú lýkur um helgina en
jómfrúin hefur notið mikilla vin-
sælda frá því hún var frumsýnd í
Iðnó í nóvember í fyrra. Þeir sem
hafa ekki enn séð þessa leiksýn-
ingu um danska smurbrauðið og
íslenska þjóðarsál geta skellt sér
á nokkurs konar kosningasamloku
en verkið verður sýnt sitt hvoru
megin við alþingiskosningarnar á
föstudaginn og sunnudaginn.
Benedikt Erlingsson, leik-
stjóri sýningarinnar, segir hana
fanga íslenskan samtíma á mjög
sérstakan hátt: „samlokan lýsir
einkar vel íslenskum hugsunar-
hætti en hún er sviplaus og ljót
fæða sem er étin í flýti án þess að
menn hafi nokkra hugmynd um
hvað þeir eru að innbyrða. Þeir
sem eiga eftir að sjá leiksýning-
una geta því skellt sér á aðra
hvora sneiðina þann 9. eða 11. og
upplifað yfirburði hins opna og
listfenga danska smurbrauðs-
samfélags yfir samfélagi sam-
lokunnar“. ■