Fréttablaðið - 07.05.2003, Síða 46

34 7. maí 2003 MIÐVIKUDAGUR
Níels Hafsteinsson, Íslands-meistari barþjóna í fyrra,
endurtók leikinn í Íslandsmeist-
arakeppni í gerð þurra kokteila í
ár. „Ég sannaði það núna að þetta
var engin tilviljun,“ segir Níels.
Hann á ekki langt að sækja hæfi-
leikana því faðir hans, Hafsteinn
Egilsson, hefur einnig unnið Ís-
landsmeistaratitil í þessari grein.
„Hann vann þetta einu sinni, það
var samt engin tilviljun,“ segir
Níels og hlær.
„Góður barþjónn verður að
vera þolinmóður, hugmyndaríkur
og tilbúinn til að koma til móts
við þarfir gestanna. Þær eru eins
mismunandi og gestirnir eru
margir.“ Snemma beygist krók-
urinn, því Níels valdi strax í
gagnfræðaskóla að kynna sér
þjónsstarfið í starfskynningu.
Þeir feðgar hafa ásamt félaga
sínum Hendrik Hermannssyni
tekið við veitingarekstri Radisson
SAS hótelsins, Hótel Sögu. Þar
hefur Níels unnið síðan 1987. „Ég
hef aldrei hætt þar, þótt ég hafi
rekið veitingastaði meðfram.“
Hann segir fagvitund og kröf-
ur hafa vaxið í þjónsstarfinu.
„Það má segja að breytingarnar
hafi orðið þegar innflytjendum
var leyft að selja beint til veit-
ingahúsa.“ Sem vínþjónn hefur
hann fylgst með þróuninni. Áhugi
fólks á vínum hefur aukist mikið.
„Það eru miklu meiri kröfur.
Kúnninn getur rekið mann á gat
ef maður kann ekki nógu mikið.“
Margir viðskiptavinir viti orðið
svo mikið um vín að þjónar megi
hafa sig alla við. „Þetta er
þriggja ára nám og íslenskir
þjónar eru mjög hátt skrifaðir,
það finnur maður þegar maður er
erlendis.“
Í keppni eru kokteilarnir
metnir eftir bragði fyrst og
fremst, og svo útliti og lykt. Níels
reiknar með að búa til nýjan kok-
teil fyrir heimsmeistaramótið í
Sevilla á Spáni. „Hann verður
suðrænni. Smekkurinn er svo
misjafn,“ segir hann. ■
Persónan
NÍELS HAFSTEINSSON
■ barþjónn sýndi og sannaði að
Íslandsmeistaratitill í fyrra var engin
tilviljun. Hann vann aftur í ár og varð
með því föðurbetrungur.
Tvöfaldur meistari kokteilanna
Þetta var nú mest í gríni. Vin-kona mín sendi mynd af mér út
eftir auglýsingu sem við sáum á
Netinu og þá kom tilboðið,“ segir
Elísabet Halldórsdóttir, tvítug
Grafarvogsmær og nemandi í
Fjölbraut í Ármúla, sem hefur
fengið tilboð um að auglýsa nær-
fatnað fyrir stórfyrirtækið Vict-
oria’s Secret. Fyrirtækið er í
fremstu röð framleiðenda nær-
fatnaðar fyrir konur og hefur
skapað sér sérstöðu á markaði
sem veltir stjarnfræðilegum upp-
hæðum. Í tilboðinu var Elísabetu
boðið að koma út í myndatöku og
boðin álitleg greiðsla fyrir: „Þetta
eru alla vega meiri peningar en ég
hef nokkru sinni átt. En mér var
bannað að segja hversu mikið
þetta er,“ segir hún.
Victoria’s Secret er með höfuð-
stöðvar í Bandaríkjunum en rekur
útibú víða um heim. Elísabet fer í
myndatökurnar til New York: „Ég
svaraði þeim að ég væri í prófum
og gæti ekki komið fyrr en að þeim
loknum,“ segir Elísabet sem er á
viðskiptafræðibraut í Ármúlanum
og sér margvíslega möguleika í til-
boðinu. Sjálf hefur hún lengi geng-
ið í nærfötum frá Victoria’s Secret
og þá yfirleitt pantað þau í gegnum
Netið að utan: „Þetta er fínn undir-
fatnaður og ég kvíði alls ekki fyrir
að fara í myndtökurnar. Fyrirtæk-
ið auglýsir með stílhreinum mynd-
um og þetta eru alls engar nektar-
myndir,“ segir Elísabet, sem sam-
hliða náminu starfar í Hagkaupum
í Spönginni í Grafarvogi. Hún
verður þar þó ekki lengi ef mynda-
tökurnar fyrir Victoria’s Secret í
New York ganga vel.
Elísabet er á lista hjá
model.com og er á leið á listann hjá
model.is. Þá er hún skráð hjá
supermodel.com í New York og tók
þátt í keppni hjá playboy.com þar
sem hún lá á veitingahúsborði og
lét gesti snæða sushi-rétti af lík-
ama sínum.
eir@frettabladid.is
KOKTEILMEISTARI
Níels Hafsteinsson er meistarabarþjónn.
Hann segir vínþjóna mæta auknum kröf-
um vegna þess að kúnnarnir verða sífellt
upplýstari.
Fyrirsæta
Tvítugri Grafarvogsmær hefur verið boðið
að auglýsa nærfatnað fyrir einn þekktasta
framleiðanda heims. Elísabet Halldórsdótt-
ir er á leið til Victoria’s Secret í New York.
Auglýsir nærföt
fyrir Victoria’s Secret
ELÍSABET HALLDÓRSDÓTTIR
Sendi út mynd af sér í gríni og fékk alvöru tilboð til baka.
Ekkert verður af Íslands-heimsókn franska rithöfund-
arins Michel Houellebecq en
fjölmiðlar höfðu greint frá því
að til stæði að hann kæmi hing-
að í boði franska sendiráðsins,
Máls og menningar og HÍ og
héldi m.a. fyrirlestur í HÍ þann
10. maí. Af óviðráðanlegum per-
sónulegum ástæðum verður
ekkert af Íslandsferð höfundar-
ins að sinni en hann hefur lýst
áhuga á að koma hingað til
lands síðar. Bækur Houelle-
becqs, Öreindirnar og Áform,
hafa vakið verðskuldaða athygli
úti um allan heim enda lýsir
hann hnignun mannsandans á
vægast sagt bersöglan og klám-
fenginn hátt.
■ Veistu svarið?
Svör við spurningum á bls. 6
1.
2.
3.
Á Húsavík.
Sir Alex Ferguson.
Bíó Reykjavík.
■ Leiðrétting
Þrátt fyrir verulega fækkun í bandaríska hern-
um á Keflavíkurflugvelli stendur ekki til að
Securitas yfirtaki varnarsamninginn við
Bandaríkin.
af fólkiFréttir
VICTORIA’S SECRET
Leiðandi í framleiðslu nær-
fatnaðar fyrir konur og veltir
stjarnfræðilegum upphæðum.
FR
ÉT
TA
B
LA
Ð
IÐ
/R
Ó
B
ER
T
Hrósið
...fær James Bond fyrir að laða
ferðamenn til Íslands.