Fréttablaðið - 13.06.2003, Page 31

13. júní 2003 FÖSTUDAGUR
FÆÐING Íbúum í Viðey fjölgaði
um fimmtíu prósent í síðustu
viku. „Heitir það það ekki þegar
tveir eru fyrir og við bætist
einn?“ segir Ragnar Sigurjóns-
son, stoltur faðir lítillar prins-
essu. Ráðsmannshjónunum í
Viðey, Ragnari og Sigríði Odd-
nýju Stefánsdóttur, fæddist
stúlka 5. júní. Þar með eru íbúar
með lögheimili í Viðey orðnir
þrír í stað tveggja áður. Stúlkan
var tíu merkur og 49 sentímetr-
ar. Sem sagt nett lítil prinsessa
sem braggast vel.
Um tuttugu þúsund gestir
heimsækja eyna á hverju ári.
Prinsessuna ætti ekki að skorta
aðdáendurna. Hún fær líka nóg
pláss og mikla náttúru. „Hér
verpa tuttugu og fimm tegundir
af fugli og mikil náttúra hér allt
um kring.“
Skipulegar gönguferðir verða
í Viðey á þriðjudagskvöldum í
sumar. Ragnar segir að göngun-
um fylgi fræðsla um tiltekin efni.
Ef fólk er heppið gæti það barið
Viðeyjarprinsessuna augum.
Hún hefur ekki enn fengið nafn.
„Við erum búin að ákveða skírn í
haust.“ Skírnin verður auðvitað í
hinni fallegu Viðeyjarkirkju.
Annað kemur ekki til greina ■
Íbúunum fjölgaði
um helming
PRINSESSAN AF VIÐEY
Með ljósa lokka, eins og prinsessu sæmir, er hún prinsessan sem fæddist ráðsmanns-
hjónunum í Viðey.