Fréttablaðið - 07.09.2003, Blaðsíða 30

7. september 2003 SUNNUDAGUR
5. riðill undankeppni Evrópumótsins:
Ísland í efsta sætinu
FÓTBOLTI Íslenska karlalandsliðið
heldur efsta sætinu í 5. riðli und-
ankeppni Evrópumótsins eftir
leiki gærdagsins. Íslendingar eru
með þrettán stig eftir sjö leiki,
stigi meira en Þjóðverjar sem eiga
leik til góða. Skotar eru í þriðja
sætinu með ellefu stig og eiga ein-
nig leik til góða. Þjóðverjar fá
Skota í heimsókn á miðvikudag.
Litháar eru í næstneðsta sæti
riðilsins með sjö stig. Þeir eiga þó
enn möguleika á aukasæti í riðlin-
um. Þeir verða að sigra í þeim
viðureignum sem eftir eru og
treysta á hagstæð úrslit úr öðrum
leikjum. Efsta lið riðilsins tryggir
sér sæti á EM í Portúgal á næsta
ári. Liðið í öðru sæti leikur auka-
leiki um laust sæti.
Íslendingar verða að vinna
Þjóðverja í lokaleiknum til að
sigra í riðlinum og treysta á að
þeir þýsku vinni Skota. Náist
efsta sætið ekki verða Íslendingar
að treysta á Skotar tapi stigum
gegn Þjóðverjum og Litháum. ■
FÓTBOLTI Íslendingar og Þjóðverjar
gerðu markalaust jafntefli á Laug-
ardalsvelli í gær í 5. riðli und-
ankeppni Evrópumótsins. Íslenska
liðið var mun betra og hefði átt
skilið að sigra í leiknum.
Það var ljóst strax frá byrjun að
íslenska liðið bar ekki nokkra virð-
ingu fyrir silfurliðinu frá því á
heimsmeistaramótinu í fyrra. Ís-
lensku leikmennirnir voru grimm-
ari í allar tæklingar og höfðu betur
í nánast öll skiptin.
Heimamenn lágu aftarlega á
vellinum til að byrja með en voru
fljótir fram. Fyrsta færið leit ekki
dagsins ljós fyrr en um tuttugu
mínútur voru liðnar af leiknum.
Michael Ballack náði góðum skalla
að marki en Árni Gautur Arason
varði stórkostlega.
Um miðjan fyrri hálfleik komst
Oliver Neuville einn í gegn en Lár-
us Orri Sigurðsson hljóp hann uppi
og sendi knöttinn í horn.
Besta færi fyrri hálfleiks fengu
Íslendingar. Eiður
Smári Guðjohnsen
komst þá einn inn
fyrir þýsku vörn-
ina eftir góða send-
ingu frá Þórði Guð-
jónssyni. Lands-
liðsfyrirliðinn náði
skoti úr þröngu
færi en Kahn varði
vel í marki Þjóð-
verja. Eftir það óx
Íslendingum ás-
megin og virtust
þeir líklegri til að
skora á meðan leik-
ur Þjóðverja var
oft á tíðum vand-
ræðalegur.
Í s l e n d i n g a r
héldu uppteknum
hætti í seinni hálfleik og eftir fimm
mínútna leik var brotið á Eiði
Smára rétt fyrir utan vítateig. Eið-
ur Smári tók spyrnuna sjálfur en
boltinn fór hársbreidd framhjá.
Sókn íslenska liðsins hélt
áfram og uppskar það auka-
spyrnu á miðjum vallarhelm-
ingi Þjóðverja. Jóhannes Karl
sendi háan bolta inn í teig og
eftir mikinn barning í teignum
náði Lárus Orri að pota boltann
framhjá Kahn en Þjóðverjar
hreinsuðu af línu. Boltinn barst
til Heiðars Helgusonar sem
skallaði að marki en aftur
björguðu gestirnir á línu.
Nokkuð dró af íslensku leik-
mönnunum þegar leið á seinni
hálfleik. Ásgeir og Logi gerðu
tvær breytingar þegar korter
var eftir og hleypti það nýju
blóði í leikinn. Í kjölfarið fékk Jó-
hannes Karl kjörið tækifæri til að
koma Íslandi yfir en brást bogalist-
inn úr opnu færi.
Íslendingar vildu fá víti þegar
skammt var eftir af leiknum en
Graham Barber lét leikinn halda
áfram og þar við sat. Niðurstaðan
markalaust jafntefli.
Það var ekki að sjá af leiknum
hvor þjóðin hefði leikið til úrslita á
heimsmeistaramótinu í fyrra. Þjóð-
verjar voru meira með boltann í
fyrri hálfleik en náðu ekki að skapa
sér nema örfá marktækifæri. Ís-
lensku strákarnir sýndu hins vegar
hversu megnugir þeir eru og sóttu
stíft í seinni hálfleik. Baráttan var
til fyrirmyndar en lukkudísirnar
voru ekki á bandi Íslendinga að
þessu sinni. Íslenskur sigur hefði
verið sanngjörn úrslit. ■
K O N U R
ÚRSLIT LEIKJA Í GÆR:
Skotland - Færeyjar 3-1
Ísland - Þýskaland 0-0
Ísland 7 4 1 2 11:6 13
Þýskaland 6 3 3 0 8:3 12
Skotland 6 3 2 1 10:6 11
Litháen 6 2 1 3 4:9 7
Færeyjar 7 0 1 6 6:15 1
LEIKIR FRAM UNDAN:
10. sept. Þýskaland - Skotland
10. sept. Færeyjar - Litháen
11. okt. Þýskaland - Ísland
11. okt. Skotland - Litháen
Nálægt sigri
Íslendingar og Þjóðverjar gerðu markalaust jafntefli á Laugardalsvelli
í gær. Íslenska liðið var óheppið að fara ekki með sigur af hólmi.
MICHAEL BALLACK
Sótti einna mest Þjóðverja að íslenska markinu
og átti góðan skalla í fyrri hálfleik.
EIÐUR SMÁRI GUÐJOHNSEN
Eiður hefur hér betur í baráttunni við Christian Wörns.
FRÉTTAB
LAÐ
IÐ
/VILH
ELM
FR
ÉT
TA
B
LA
Ð
IÐ
/V
IL
H
EL
M