Fréttablaðið - 27.09.2003, Blaðsíða 8

8 27. september 2003 LAUGARDAGUR
En við?
„Þetta þýðir það að
ráðamenn í þessu
þjóðfélagi munu í
framtíðinni geta
sagt nánast hvað
sem er um bæði
borgarana og fjöl-
miðlamenn.“
Magnús Þór Hafsteinsson um sýknu sjávarút-
vegsráðherra. Fréttablaðið, 26. september.
Svívirðileg viðskipti
„Það gengur einfaldlega ekki að
innherjar gangi kaupum og söl-
um. Þeir eru manneskjur.“
Ívar Páll Jónsson. Morgunblaðið, 26. september.
£kki ráð nema...
„Það gerist ekki oft að glænýr
fréttaskýringaþáttur, sem gerð-
ur er þremur dögum fyrir sýn-
ingu, verður úreltur þremur dög-
um eftir sýningu.“
Hilmar Karlsson um heimildaþátt um morðið á
Önnu Lindh. DV, 26. september.
Orðrétt
SKATTAMÁL Sigurður Valur Ás-
bjarnarson, bæjarstjóri í Sand-
gerði, segir að bærinn muni að
sjálfsögðu finna leiðir til að
greiða Flugstöð Leifs Eiríksson-
ar hf. þær 37 milljónir sem bær-
inn innheimti fyrir mistök í fast-
eignaskatta. Hins vegar þurfi nú
að íhuga næstu skref í ljósi nið-
urstöðu Hæstaréttar á fimmtu-
dag.
Hæstiréttur sneri niðurstöðu
Héraðsdóms Reykjaness, sem
hafði dæmt Sandgerði í vil. Sig-
urður segir að dómurinn sé
vissulega mikið áfall en fagnar
því þó að dómstólar hafi höggvið
á hnútinn í deilu sveitarfélagsins
og flugstöðvarinnar. Á hinn bóg-
inn hafi greinilega orðið feikna-
leg mistök hjá Fasteignamati rík-
isins sem sagði fyrir um hvernig
bærinn ætti að innheimta fast-
eignaskatta af flugstöðinni. „Ef
við hefðum þurft að innheimta
lægri fasteignaskatta, hefðum
við haft álagningarprósentuna
hærri til að fá inn sömu skatt-
tekjur af flugstöðinni,“ segir Sig-
urður Valur. Hann hefur boðað
til skyndifundar í bæjarstjórn í
dag klukkan 11 til að fara yfir
stöðuna. ■
Öflugur jarðskjálfti
skók norðurhluta Japans
JAPAN, AP Að minnsta kosti 323
slösuðust þegar snarpur jarð-
skjálfti skók eyna Hokkaido í Jap-
an snemma í gærmorgun. Raf-
magn fór af 16.000 heimilum, far-
þegalest fór út af sporinu og eldur
kviknaði í olíutanki. Tveggja sjó-
manna er saknað en talið er að
flóðbylgjur hafi hrifið þá með sér.
Skjálftinn, sem mældist 8,0 á
Richter-kvarða, átti upptök sín í
Kyrrahafi, um það bil 100 kíló-
metra austur af eynni Hokkaido.
Fjöldi eftirskjálfta fylgdi í kjöl-
farið, sá öflugasti 7,0 á Richter-
kvarða. Af öryggisástæðum var
yfir 40.000 manns ráðlagt að yfir-
gefa heimili sín. Nokkrar flóð-
bylgjur skullu á ströndum eyjar-
innar, eyðilögðu hafnarmannvirki
og báru fiskibáta á land. Stærstu
flóðbylgjurnar reyndust þó aðeins
1,3 metrar á hæð.
Eyjarskeggjar voru flestir í
fastasvefni þegar skjálftinn reið
yfir. Flestir þeirra sem slösuðust
urðu fyrir munum sem hrundu úr
hillum eða skáru sig á glerbroti. Að
sögn lögreglu hlutu aðeins um 25
alvarlega áverka. Einn maður slas-
aðist þegar farþegalest með 39
manns innanborðs fór út af spor-
inu.
Verulega skemmdir urðu á
mannvirkjum á eynni. Stórar
sprungur mynduðust á vegum og
þak flugturnsins í borginni Kosh-
iro hrundi niður. Eldur kom upp í
olíuhreinsistöð í borginni Toma-
komai. Svartan reyk lagði yfir
borgina þegar hátt í 30 milljónir
lítra af hráolíu brunnu upp.
Að sögn sérfræðinga er tjónið
af völdum jarðskjálftans talsvert
minna en búast hefði mátt við.
Ástæðan er fyrst og fremst talin
sú að skjálftinn átti upptök sín á
hafi úti, um það bil 42 kílómetra
undir sjávarbotni. Eyjan Hokkaido
er auk þess með strjálbýlustu land-
svæðum Japans.
Jarðskjálftar eru mjög algengir
í Japan og hafa margsinnis valdið
gífurlegu manntjóni. Fyrr í þess-
um mánuði var þess minnst að 80
ár voru liðin frá því að jarðskjálfti
sem mældist 8,3 á Richter-kvarða
jafnaði borgirnar Tókíó og Yoko-
hama við jörðu. Að minnsta kosti
140.000 manns fórust í þessum
hamförum. Árið 1995 reið jarð-
skjálfti yfir borgina Kobe með
þeim afleiðingum að 6.000 manns
létu lífið. ■
Bæjarstjórinn í Sandgerði:
Feiknaleg mistök
hjá Fasteignamatinu
SIGURÐUR VALUR
ÁSBJARNARSON BÆJARSTJÓRI
Boðaði til skyndifundar í bæjarstjórn til að
fara yfir dóminn og næstu skref.
Eldur á hjúkrunarheimili:
Sjö vistmenn
brunnu inni
NASHVILLE, AP Sjö vistmenn létu lífið
þegar eldur braust út á hjúkrunar-
heimili í Nashville í Tennessee. Að
sögn talsmanns slökkviliðsins voru
25 manns fluttir á sjúkrahús með
brunasár og reykeitrun og eru
flestir þeirra enn í lífshættu.
Eldurinn kviknaði um miðja nótt
þegar vistmenn voru flestir í fasta-
svefni. Það tók slökkvilið um það
bil klukkustund að ráða niðurlögum
eldsins en íbúarnir, sem margir
hverjir eru rúmfastir, voru bornir
niður stiga sem stillt var upp við
veggi hússins.
Eldsupptök eru ókunn en málið
er í rannsókn. ■
Á fjórða hundrað manns slösuðust þegar snarpur jarðskjálfti skók norðurhluta Japans.
Skjálftinn mældist 8,0 á Richter-kvarða og átti upptök sín á sjávarbotni. Íbúum í strandhéruðum
var ráðlagt að yfirgefa heimili sín vegna hættu á flóðbylgjum.
VEGAKERFIÐ Í RÚST
Umtalsverðar skemmdir urðu á vegakerfi eyj-
arinnar Hokkaido þegar skjálftinn reið yfir.
OLÍA BRENNUR
Svartan reyk lagði frá olíuhreinsistöð í borginni Tomakomai. Að sögn yfirvalda brunnu yfir
30 milljónir lítra af hráolíu þegar eldur kom upp í einum tankinum.
BÁTAR Á ÞURRU LANDI
Fjöldi fiskibáta barst á land þegar flóð-
bylgja skall á höfninni í bænum Toyokoro.
Suu Kyi á batavegi:
Áfram í
stofufangelsi
MJANMAR, AP Aung San Suu Kyi,
leiðtogi lýðræðissinna í Mjanmar,
hefur verið útskrifuð af sjúkra-
húsi þar sem hún gekkst undir
móðurlífsaðgerð fyrir rúmri viku.
Suu Kyi verður áfram í stofufang-
elsi á heimili sínu, að sögn læknis
hennar Tin Myo Win.
Suu Kyi hefur verið í haldi her-
foringjastjórnarinnar á ótil-
greindum stað síðan í lok maí.
Hún var flutt á sjúkrahús í höfuð-
borginni Yangon í síðustu viku til
að gangast undir skurðaðgerð. Tin
Myo Win hefur ekki viljað láta í té
nákvæmar upplýsingar um veik-
indi Suu Kyi en segir að hún sé á
batavegi. ■
LÆKNIR SUU KYI
Tin Myo Win segir að lýðræðissinninn
Aung San Suu Kyi sé á batavegi.
Ríkissáttasemjari:
Skipað í
næstu viku
STJÓRNSÝSLA Skipað verður í emb-
ætti ríkissáttasemjara og starf
framkvæmdastjóra Jafnréttisstofu
í næstu viku.
Fjórir sóttu um embætti ríkis-
sáttasemjara. Talið hefur verið
langlíklegast að Ásmundur Stefáns-
son hagfræðingur verði ráðinn.
Starf framkvæmdastjóra Jafn-
réttisstofu losnaði eftir að fyrrver-
andi framkvæmdastjóri fékk á sig
dóm fyrir brot á jafnréttislögum
vegna starfa sinna fyrir Leikfélag
Akureyrar. Níu sóttu um. ■