Fréttablaðið - 15.10.2003, Blaðsíða 4

4 15. október 2003 MIÐVIKUDAGUR
Ætlarðu á skíði í vetur?
Spurning dagsins í dag:
Óttastu flensuna sem nýkomin er til
landsins?
Niðurstöður gærdagsins
á www.frett.is
64%
36%
Nei
Já
Kjörkassinn
Farðu inn á frett.is og segðu þína skoðun
frétt.is
Statoil-hneykslið í Noregi:
Írönsk sendinefnd mætt
OSLÓ, AP Írönsk sendinefnd er
mætt til Noregs vegna meints
mútumáls norska olíurisans
Statoil.
Statoil er grunað um að hafa
gert ólögmætan viðskiptasamn-
ing við íranska fyrirtækið
Horton Invest. Samningurinn
hljóðaði upp á 1.200 milljónir
króna. Þriðjungur upphæðarinn-
ar hefur þegar verið greiddur og
rann stærsti hluti hennar til
Mehdi Rafsanjani, sonar Raf-
sanjanis fyrrverandi forseta og
eins voldugasta manns Írans.
Þykir fullvíst að um mútur hafi
verið að ræða.
Íranska sendinefndin fundaði
í fyrradag með Einari Steensnæs,
olíumálaráðherra Noregs. Í gær
fundaði hún með norskum sak-
sóknara áður en hún hélt til
Stavanger þar sem hún átti fund
með Inge K. Hansen, starfandi
stjórnarformanni Statoil.
Leif Terje Løddesøl hefur þeg-
ar sagt af sér sem stjórnarfor-
maður norska ríkisolíufélagsins
vegna málsins, sem og Richard J.
Hubbard, yfirmaður alþjóðavið-
skipta Statoil.
Ríkið á um 82% hlut í Statoil,
sem veitir um 17 þúsund manns
atvinnu í 25 löndum. ■
Milljarða viðskipta-
hagsmunir í húfi
EVRÓPUMÁL Liechtenstein kom í
veg fyrir formlega undirritun á
samningi um stækkun Evrópska
efnahagssvæðis-
ins á fundi EES-
ráðsins í Lúxem-
borg í gærmorg-
un.
„Þetta voru
vissulega von-
brigði vegna
þess að við höfð-
um gert ráð fyr-
ir öðru,“ segir
Halldór Ás-
grímsson utanríkisráðherra. „Ef
málið tefst um einhverja mánuði
taka menn þá stóru áhættu að
þessi samningur og stækkunar-
samningur Evrópusambandsins
taki ekki gildi á sama tíma. Það
yrði gjörsamlega óviðunandi því
það eru gríðarlegir hagsmunir í
húfi. Ég vil ekki einu sinni hugsa
það til enda hvað það myndi þýða
fyrir Ísland.“
Liechtenstein, sem er 33 þús-
und manna ríki á landamærum
Austurríkis og Sviss, telur sig ekki
geta staðfest stækkunarsamning-
inn vegna ófullnægjandi viður-
kenningar á sjálfstæði landsins og
útistandandi eignakrafna að því er
varðar Tékkland og Slóvakíu frá
lokum síðari heimsstyrjaldar.
Tékkland og Slóvakía vilja miða
viðurkenningu á sjálfstæði
Liechtensteins við árið 1993, þeg-
ar Tékkóslóvakía liðaðist í sundur.
Það geta Liechtensteinar ekki
sætt sig við, því að þeirra mati er
um takmarkaða viðurkenningu á
sjálfstæði ríkisins að ræða.
„Við leggjum mjög hart að
þeim að finna lausn á þessu máli
því það er í raun óviðkomandi
samningnum um Evrópska efna-
hagssvæðið og það er svo mikið í
húfi fyrir alla aðila,“ segir Hall-
dór. „Við verðum hins vegar að
horfast í augu við þá staðreynd að
þessi samningur verður ekki stað-
festur nema allir sem koma að
málinu skrifi undir hann.“
Liechtenstein hefur enn fremur
farið fram á 9 milljarða íslenskra
króna í bætur vegna eignarnáms
Tékkóslóvakíu á landi furstafjöl-
skyldunnar í lok seinni heimsstyrj-
aldarinnar. Halldór segist ekki
vilja blanda sér í það mál. Hann
telji það ekki meginástæðuna fyrir
því Liechtenstein vilji ekki stað-
festa samninginn. Viðurkenningin
á sjálfstæði landsins sé stóra mál-
ið og skipti sköpum.
Aðspurður segist Halldór hafa
fulla trú á að málið leysist á næstu
dögum. Það hafi enginn efni á því
að komast ekki að samkomulagi.
trausti@frettabladid.is
Lumpini-garður:
Þrifið fyrir
ráðherrann
BANGKOK, AP Þeir eru væntanlega
ófáir ferðamennirnir sem fara út
og skokka í nágrenni hótelsins sem
þeir gista á. Það þarf þó að hafa
meira fyrir sumum þeirra en öðr-
um.
John Howard, forsætisráðherra
Ástralíu, sem kemur til Bangkok í
næstu viku til að taka þátt í fundi
leiðtoga Asíuríkja, hefur lýst
áhuga á því að skokka í Lumpini-
garði, sem þykir sá fegursti í borg-
inni. Það varð til þess að borgar-
stjóri Bangkok ákvað að láta taka
garðinn í gegn og hreinsa hann svo
hann væri boðlegur fyrir forsætis-
ráðherrann. ■
VEGGTEPPI AF GEIDAR
Veggteppi með mynd af forsetanum hafa
selst í miklu magni.
Geidar Aliev:
Stígur niður
fyrir soninn
BAKÚ, AP Eftir 34 ár við völd í
Aserbaídjan lýkur valdaferli
Geidars Alievs í dag þegar íbúar
þessa fyrrum Sovétlýðveldis
ganga til kosninga. Búist er við
því að Ilham Aliev, sonur Geid-
ars, beri sigur úr býtum og taki
við völdum af áttræðum föður
sínum, sem hefur vart sést opin-
berlega frá því hann hneig niður
er hann flutti ræðu fyrir hálfu
ári síðan.
Geidar Aliev vann sig upp í
gegnum leyniþjónustu Sovétríkj-
anna, KGB, áður en hann varð
æðsti ráðamaður í Aserbaídjan
árið 1969, rúmum 20 árum fyrir
fall Sovétríkjanna. ■
DÆMDUR FYRIR SMIT Breskur
dómstóll hefur dæmt 38 ára karl-
mann fyrir að smita tvær konur
vísvitandi af HIV-veirunni. Dóm-
urinn er sá fyrsti í meira en öld
sem felldur er yfir einstaklingi
fyrir að smita fólk af hættulegum
sjúkdómi.
SKREF Í RÉTTA ÁTT Sveitarstjórn-
arkosningar í Albaníu um síðustu
helgi vekja vonir um að landið sé
að þróast í átt til virkara lýðræð-
is þó enn þurfi að taka á nokkrum
atriðum, segja alþjóðlegir eftir-
litsmenn. Bæði stjórnarliðar og
stjórnarandstæðingar lýstu yfir
sigri. Fyrstu tölur benda til að
stjórnarflokkur Sósíalista hafi
fengið meirihluta í 36 af 65 sveit-
arfélögum.
FJÖLMIÐLAKÓNGI SLEPPT Grísk-
ur dómstóll hefur hafnað fram-
salsbeiðni rússneskra stjórn-
valda. Þau höfðu farið fram á að
fá fjölmiðlakónginn Vladimir
Gusinskí framseldan svo hægt
væri að rétta yfir honum vegna
ásakana um fjársvik og peninga-
þvætti. Dómstólnum þóttu ásak-
anirnar ósannaðar og sleppti
Gusinskí úr haldi.
M
Á
T
T
U
R
IN
N
&
D
Ý
R
Ð
IN
1
0
0
3
Önnur meintra leyniskytta lýsir yfir sakleysi:
Efast um hlutleysi kviðdóms
VIRGINÍA, AP John Allen Muhammad
lýsti yfir sakleysi sínu við upphaf
réttarhalda þar sem hann er kærð-
ur fyrir aðild að þrettán skotárás-
um í nágrenni Washington fyrir ári
síðan sem kostuðu tíu manns lífið.
Aðspurður hvort hann skildi
kæruna og væri reiðubúinn fyrir
réttarhöldin þagði hann í fyrstu,
ræddi svo stuttlega við verjendur
sína og sagði loks: „Já, ég er reiðu-
búinn.“
Réttarhöldin fara fram í borg-
inni Virginia Beach, 320 kíló-
metrum frá vettvangi glæpsins.
Ástæðan er sú að verjendur
Muhammads sögðu að í raun mætti
skilgreina alla íbúa svæðisins þar
sem morðin áttu sér stað sem fórn-
arlömb þar sem íbúar hafi óttast um
líf sitt. Reyndar hafa sérfræðingar í
afbrotum og réttarfari lýst efa-
semdum um að hægt sé að finna tólf
einstaklinga sem ekki hafi gert upp
hug sinn um sekt tvímenninganna,
Muhammads og hins 18 ára Lee
Boyds Malvos, eða þurfi lítið til að
sannfærast um sekt þeirra. Er þar
kennt um mikilli fjölmiðlaumfjöllun
meðan á morðunum stóð og eins tíð-
um lekum í fjölmiðla frá þeim sem
rannsökuðu málið. ■
■ Evrópa
Verkföll í Kaliforníu:
Samgöngur
í lamasessi
KALIFORNÍA, BANDARÍKJUNUM Tækni-
menn hjá lestar- og strætisvagna-
þjónustunni í Los Angeles lögðu
niður störf í gær. Hafði þetta í för
með sér mikil óþægindi fyrir íbúa
borgarinnar, sem komust hvorki
lönd né strönd sökum verkfalls-
ins.
Tæknimennirnir eru samn-
ingslausir og í Washington Post er
haft eftir talsmanni þeirra að
verkfallið muni vara þar til samn-
ingar náist.
Þá hafa um sjötíu þúsund
starfsmenn þriggja stórra versl-
anakeðja lagt niður störf í Kali-
forníu og krefjast bættra heil-
brigðistrygginga. ■
OLÍUBORPALLUR STATOIL
Ríkið á um 82% hlut í Statoil, sem veitir
um 17 þúsund manns atvinnu í 25 lönd-
um.
HALLDÓR ÁSGRÍMSSON
Utanríkisráðherra segist hafa fulla trú á að málið leysist á næstu dögum. Það hafi enginn
efni á því að komast ekki samkomulagi.
„Þetta voru
vissulega
vonbrigði
vegna þess
að við höfð-
um gert ráð
fyrir öðru.
Liechtenstein vill ekki staðfesta samning um stækkun Evrópska efna-
hagssvæðisins vegna deilna við Tékka og Slóvaka. Halldór segir gríðar-
lega hagsmuni í húfi. Hart sé lagt að Liechtenstein að finna lausn.
MUHAMMAD LÝSIR YFIR SAKLEYSI
Réttarhöldin yfir öðrum þeirra sem gefið er að sök að hafa myrt tíu manns nálægt Wash-
ington fyrir ári síðan hófust í gær.
FR
ÉT
TA
B
LA
Ð
IÐ
/V
IL
H
EL
M