Fréttablaðið - 15.10.2003, Blaðsíða 10
10 15. október 2003 MIÐVIKUDAGUR
HEIMSINS STÆRSTU GALLABUXUR
Leikskólabörn í Suður-Kóreu virða fyrir sér
heimsins stærstu gallabuxur á Olympíu-
leikvanginum í Seúl. Buxurnar eru tæplega
29 metra langar en númer buxnanna lá
ekki fyrir.
HEILBRIGÐISMÁL Sigurbjörn Sveins-
son, formaður Læknafélags Ís-
lands, segir það mikla einföldun að
segja að meintur óhóflegur lyfja-
kostnaður hérlendis sé vegna
mútuþægni ístöðulausra lækna.
Í ræðu sem Sigurbjörn hélt á
aðalfundi læknafélagsins fyrir
stuttu sagði hann umræðu um
lyfjakostnað landsmanna bæði
gamla sögu og nýja. „En það er
nokkur nýlunda í seinni tíð að
læknar séu með óbeinum hætti
kallaðir til ábyrgðar á meintum
óhóflegum útgjöldum til lyfja. Og
svo er umræðan tengd mútuþægni
lækna og ístöðuleysi gagnvart
gegndarlausum áróðri lyfjafram-
leiðenda og lyfjadreifingar,“ sagði
Sigurbjörn í ræðu sinni, sem birt
hefur verið í Læknablaðinu.
Sigurbjörn sagði umræðu af
þessu tagi vera mikla einföldun á
eðli málsins og að hún væri ómál-
efnaleg. Læknar væru jafn áhuga-
samir og aðrir að halda lyfjakostn-
aði niðri og þess vegna hafi þeir
boðið heilbrigðisstjórninni sam-
starf um málið. „Við teljum það
vænlegra til árangurs en stór orð,
sleggjudóma eða misgáfulegar til-
skipanir sem kalla ekki fram það
besta í þeim sem við þær eiga að
búa,“ sagði formaðurinn. ■
BYGGÐAMÁL „Við viljum kaupa
völdin og sjálfræðið,“ segir Þor-
steinn Steinsson, sveitarstjóri í
Vopnafirði, um yfirstandandi til-
raun þorpsbúa til að kaupa 50,42
prósenta hlut í stærsta fyrirtæki
þorpsins af Eskju á Eskifirði.
Vopnfirðingar inntu af hendi aðra
greiðsluna af þremur á fimmtu-
daginn og hafa samtals greitt 651
milljón króna. Fjárins var aflað
með hlutafjársöfnun á heima-
markaði, kvótasölu og með hjálp
lánastofnana.
Að jafnaði starfa 110 til 150
Vopnfirðingar hjá Tanga hf., en
Eskja keypti ráðandi hlut í fyrir-
tækinu á síðasta ári. Íbúar í hinu
800 manna sveitarfélagi óttast að
missa lífsbjörgina, náist völdin
yfir Tanga ekki í þeirra eigin
hendur. „Við óttumst að kvótinn
sem hér hefur verið unninn verði
einfaldlega unninn annars staðar.
Það sem fólkið í samfélaginu hef-
ur verið að byggja upp á undan-
förnum árum getur verið keyrt
burt á einni nóttu og eftir liggur
sviðin jörð,“ segir Þorsteinn.
Kaupsamningur Vopnfirðinga
við Eskju frá 28. júlí síðastliðnum
hljóðaði upp á 929 milljónir. Fyrir
átti sveitarfélagið um 30 prósenta
hlut. 15 prósent þorpsbúa hafa lof-
að hlutafé, en heimamenn róa nú
öllum árum að því að fjármagna
lokagreiðslu upp á tæpar 300 millj-
ónir fyrir 1. nóvember. „Þetta er
fyrirbyggjandi aðgerð og við vit-
um ekki hvort það tekst að keyra
hana til fulls. Hér telja menn sig
vera sérfræðinga í fiskvinnslu og
vilja vinna við það. Það hefur tek-
ist. Við viljum hafa hér fyrirtæki
sem skilar framlegð og vinnur vel.
Það er ekki verið að vinna fiskinn
hér bara til að vinna hann,“ segir
Þorsteinn.
„Þó maður voni að stjórnir þess-
ara utanbæjarfyrirtækja taki ekki
afdrifaríkar ákvarðanir um fram-
tíð byggðarinnar er óþolandi að
búa við þann ótta. Menn hafa verið
uggandi frá því að heimamenn
misstu völdin í fyrirtækinu.“
jtr@frettabladid.is
4. flokki 1992 – 40. útdráttur
4. flokki 1994 – 33. útdráttur
2. flokki 1995 – 31. útdráttur
Nú hefur farið fram útdráttur húsbréfa
í eftirtöldum flokkum:
Koma þessi bréf til innlausnar 15. desember 2003.
Öll númerin verða birt í Lögbirtingablaðinu.
Auk þess liggja upplýsingar frammi hjá Íbúðalánasjóði,
í bönkum, sparisjóðum og verðbréfafyrirtækjum.
Útdráttur
húsbréfa
Borgartúni 21 105 Reykjavík Sími 569 6900 Fax 569 6800 www.ils.is
Sótt að leiðtoga íhaldsmanna fyrir greiðslur til konu hans:
Þingmenn ráða ættingja
IAIN OG BETSY SMITH
Leiðtogi Íhaldsflokksins á í vök að verjast fyrir greiðslur til konu sinnar sem hann réði sem ritara sinn.
BRETLAND Meira en einn af hverj-
um tíu breskum þingmönnum
ræður sér aðstoðarmenn eða
rannsóknaraðila úr hópi maka
sinna eða barna, að því er dag-
blaðið The Independent greinir
frá.
Fjölskylduráðningar hafa ver-
ið mikið í umræðunni í Bretlandi
eftir að í ljós kom að Iain Duncan
Smith, leiðtogi íhaldsmanna, réði
konu sína sem ritara sinn á kostn-
að þingsins eftir að hann tók við
leiðtogahlutverkinu. Hann segir
ekkert óeðlilegt við ráðninguna
eða launakjör konu sinnar.
Meðal þeirra sem hafa ráðið
maka sína má nefna Margaret
Beckett umhverfisráðherra,
sem réði eiginmann sinn sem að-
stoðarmann sinn. Þá starfar eig-
inkona Robins Cooks, fyrrum ut-
anríkisráðherra, sem ritari hans.
Breska þingið gefur ekki upp
hversu mikið einstakir starfs-
menn þingmanna fá í laun. Iain
Duncan Smith segir konu sína
ekki hafa fengið nema 120.000
krónur á mánuði meðan hún var
á launaskrá sem ritari hans.
Alan Simpson, þingmaður
Verkamannaflokksins, vill að
þingmenn greini frá því hversu
marga þeir hafi á launaskrá og
segir að áður fyrr hafi sumir
þingmenn varið allri fjárveit-
ingu sinni til að greiða maka sín-
um laun. Fjárveitingin nemur nú
tæpum níu milljónum á ári. ■
Vopnfirðingar reyna
endurheimt sjálfræðis
Sveitarstjórn og íbúar Vopnafjarðar reyna nú að kaupa ráðandi hlut í stærsta fyrirtæki þorpsins af
Eskju frá Eskifirði. Með þessu vilja þorpsbúar endurheimta völdin yfir örlögum byggðarlagsins.
VOPNAFJÖRÐUR
15 prósent þorpsbúa hafa lofað fjármagni til að kaupa ráðandi hlut í Vopnafjarðarfyrirtæk-
inu Tanga af Eskju frá Eskifirði.
M
YN
D
IR
: J
Ó
N
S
IG
U
RÐ
AR
SO
N
FRANCO FRATTINI
Utanríkisráðherra Ítalíu tilkynnti um fjár-
veitingu Evrópusambandsins til uppbygg-
ingarstarfs í Írak.
Fjárveiting samþykkt:
18 milljarðar
til Íraks
ÍRAK, AP Evrópusambandið hefur
samþykkt að verja 200 milljónum
evra til uppbyggingar í Írak.
Utanríkisráðherrar aðildar-
landanna féllust á fjárveitinguna
á fundi í Lúxemborg. Upphæðin,
sem nemur tæpum átján milljörð-
um íslenskra króna, þykir ekki há
en búist er við því að einstök lönd
muni einnig styrkja uppbygging-
arstarfið. Nokkur ríki hafa þegar
heitið Írökum fjárstuðningi, þar á
meðal Danmörk. ■
Formaður Læknafélags Íslands vill málefnalega umræðu:
Mútuþægni lækna ekki
orsök lyfjakostnaðarins
SIGURBJÖRN SVEINSSON
Formaður Læknafélags Íslands segir sam-
starf lækna og heilbrigðisyfirvalda væn-
legra til að draga úr lyfjakostnaði en
sleggjudóma og misgáfulegar tilskipanir.