Fréttablaðið - 15.10.2003, Síða 43

MIÐVIKUDAGUR 15. október 2003
DAGUR HVÍTA STAFSINS Í dag er dagur
Hvíta stafsins. Talið er að blindir
og sjónskertir á landinu séu 1.322
talsins. Talið er að um 80% þeirra
séu sjónskertir, þ.e. að þeir eru
með 30% sjón með bestu gleraug-
um. Lögblindir, undir 10% sjón,
eru taldir vera 461 talsins og eru
96 þeirra alblindir.
„Ég missti sjónina endanlega á
skjálftadaginn, 17. júní árið 2000.
Ég hafði þegar misst sjónina á
öðru auganu í febrúar,“ segir Ein-
ar Lee, verðandi faðir, sem telst
lögblindur. „Ég hef nægilega
mikla sjón til þess að veiða,
stunda golf og skemmta mér, þan-
nig að ég er alveg sáttur. Ég gæti
þó orðið endanlega blindur á
næstunni. Maður verður bara að
nýta þetta á meðan maður getur.“
Einar segist hafa misst sjónina
vegna eigin mistaka. Hann er syk-
ursjúkur og fylgdist ekki nægi-
lega vel með blóðsykri sínum.
Ólíkt mörgum finnst Einari
ekki erfitt að tala um fötlun sína.
Hann segir það t.d. vera ósatt að
heyrnin skerpist. Blindir læri ein-
faldlega að nota heyrnina betur.
Hann segist þó hafa fundið fyrir
því að bragð- og þefskyn hafi auk-
ist.
„Það er sagt að 80% skynjunar
séu í sjóninni. Þegar hún hverfur
verður fólk að byggja þessi 80%
upp annars staðar. Það fær þau
öll aldrei aftur í öðrum skynfær-
um en maður getur einangrað
hljóð betur, af því að maður er
ekki að horfa á neitt.“
Í fyrstu neitaði Einar að nota
stafinn og taldi sig ekki þurfa
þess. Hann komst þó fljótlega að
því að hann nýtist ekki einungis í
þreifingar. „Frá því að ég byrjaði
að nota hann stend ég ekki lengur
eins og asni í búðum og bíð eftir
aðstoð. Afgreiðslufólkið veit
núna að ég sé illa og kemur.“
Í tilefni dagsins ætlar Þórólf-
ur Árnason borgarstjóri að láta
leiða sig um borgina með bundið
fyrir augun. „Ég hafði hugsað
mér að fara með hann í göngu-
ferð hér um gamla miðbæinn til
þess að hann gæti áttað sig á því
hversu ömurlegt það er að labba
hér,“ segir Einar og glottir.
biggi@frettabladid.is
„Stend ekki lengur
eins og asni í búðum“
EINAR OG FRIÐRIK
Einar missti sjónina fyrir rúmum þremur árum. Friðrik Kristinsson, 21 árs, upplifði það að
missa sjónina alveg og fá hana svo aftur eftir að læknarnir höfðu sagt það óhugsandi. Í
blindu sinni lærði hann m.a. á gítar án hjálpar annarra.
FR
ÉT
TA
B
LA
Ð
IÐ
/R
Ó
B
ER
T
Foreldrar - Stöndum saman
Leyfum ekki eftirlitslaus unglingapartý.