Fréttablaðið - 15.10.2003, Qupperneq 48
SÍMANÚMER FRÉTTABLAÐSINS: 515 75 00, fax: 515 75 16 Ritstjórn: 515 75 05, fax: 515 75 06, ritstjorn@frettabladid.is
Auglýsinga- og markaðsdeild: 515 75 15 - fax 515 75 16, auglysingar@frettabladid.is Dreifing: 515 75 00, dreifing@frettabladid.is
VI Ð S EG J U M F R É T T I R SM Á A U G L Ý S I N G AS Í M I N N E R 515 7500
Bakþankar
STEINUNNAR
STEFÁNSDÓTTUR
Bjartsýnin er ekki login upp á ís-lensku þjóðina. Allan vafa tók af
um það á laugardaginn var í Ham-
borg þegar Íslendingar fjölmenntu
til að styðja sína menn á fótboltavell-
inum. Íslendingarnir sem þarna voru
saman komnir létu það ekki á sig fá
að þeir voru um 3.000 en Þjóð-
verjarnir aftur 50.000 á leikvang-
inum, enda má segja að Íslending-
arnir hafi í raun verið fleiri miðað
við höfðatölu. Menn voru sammála
um að horfur væru góðar, að
minnsta kosti á að Litháar gerðu
jafntefli eða ynnu Skota þannig að
við kæmumst í umspilið.
ÞAÐ ER ÓLÝSANLEG tilfinning
að vera á fótboltaleik á 50.000
manna leikvangi. Stemningin hlóðst
upp og rafmagnaðist og loksins
hófst leikurinn. Spennan var í al-
gleymingi og í hvert sinn sem okkar
menn misstu frá sér boltann hófu
Íslendingarnir að senda jákvæðar
bylgjur til leikmannanna og biðu í
ofvæni eftir að boltinn ynnist til
baka. Andinn í leikhléi var góður,
staðan 1-0 og okkar menn vaxandi á
vellinum. Það var því ekki útilokað
að okkur tækist að jafna. Fréttir
bárust frá Skotlandi um að ekki
hefði verið skorað mark í leik Skota
og Litháa þannig að almennt var
talið að horfur væru góðar.
ÞEGAR MANNFJÖLDINN leið
út af leikvellinum einkenndi æðru-
leysið mál manna í Íslendingahópn-
um. Allir voru sammála um að
ósanngjarnt hefði verið að dæma af
markið sem okkar menn skoruðu og
að ef það hefði ekki gerst hefði leik-
urinn snúist og niðurstaðan orðið
önnur. Gleðin yfir að hafa verið
þarna á vellinum og horft á þennan
mikla fótboltaleik virtist samt alger-
lega hafa yfirhöndina.
MIÐAÐ VIÐ stemninguna á Íslend-
ingadansleiknum eftir leikinn veit ég
satt að segja ekki hvernig við hefð-
um átt að fagna ef Litháarnir hefðu
unnið Skotana. Ég tala nú ekki um
hvað hefði gerst ef við hefðum náð
jafntefli við Þjóðverjana (ég minnist
nú ekki á sigur) þetta laugardagssíð-
degi. Það var eins og þakið ætlaði af
litlu sveitakránni þar sem Íslending-
arnir fögnuðu. Og fagnaðarlátunum
ætlaði aldrei að linna. Um alla Ham-
borg mátti heyra í Íslendingum
skemmta sér fram eftir allri nóttu.
Við erum örugglega bjartsýnasta
þjóð heims. ■
Áfram Ísland