Fréttablaðið - 15.10.2003, Blaðsíða 33

Ég fæ mér göngutúr í dag, svomikið er víst, en hvað ég geri
þegar fer að líða á daginn er víst
best að hafa sem fæst orð um,“
segir Rögnvaldur Sigurjónsson
píanóleikari, sem er átta tíu og
fimm ára í dag.
Hann finnur lítið fyrir aldrin-
um og stendur enn í píanókennsl-
unni: „Þetta er andskotinn enginn
kraftur, þetta er bara kækur. Ég
er búinn að vera svo lengi í þessu
og kann ekkert annað,“ segir hann
og hlær.
Rögnvaldur missti konu sína
Helgu Egilsson fyrir tveimur
árum eftir 62 ára hjúskap. „Ég var
eiginlega hættur að kenna og allir
búnir að kveðja mig þegar ég
missti Helgu,“ segir hann. Þau
voru þá nýflutt úr miðbænum þar
sem þau höfðu lengi búið. „Það
var yndislegt að búa við Lokastíg-
inn og íbúðin óskaplega sjarmer-
andi. Stigarnir voru orðnir erfiðir
og við fluttum okkur í blokk þar
sem nánast er gengið inn og allt á
einni hæð. Hún naut þess bara allt
of skammt og nú er ég hér einn og
kann vel við mig,“ segir hann og
bætir við að það þýði ekki annað
en halda áfram að lifa.
Rögnvaldur segist vera umvaf-
inn fólki, bæði vinum og vanda-
mönnum. „Ég hef nóg að gera og
leiðist aldrei. Hreyfi mig og hef
gaman af samvistum við nemend-
ur mína,“ segir hann og viður-
kennir að kannski sé langlífi í ætt-
inni. Hann sé alls ekki elstur því
systur eigi hann sem séu 92 og 89
ára. ■
17MIÐVIKUDAGUR 15. október 2003
Irene Doomo og Madanyand Sal-omon búa í Pokot-héraði í
Kenýa en þau eru stödd hér á
landi til að fræða íslensk ferming-
arbörn um ástandið í heimalandi
sínu:
„Þau fá fræðslu um ástandið í
fátækum löndum í gegnum
skyggnimyndasýningu og svo fá
þau heimsókn frá fólki sem býr í
fátæku samfélagi og um leið
tækifæri til að spyrja það út í
reynslu sína. Svo ganga ferming-
arbörnin í hús 4. nóvember til að
safna peningum handa fátækum,“
segir Anna Ólafsdóttir, upplýsing-
arfulltrúi Hjálparstarfs kirkjunn-
ar.
Irene og Madanyand eru bæði
kennaramenntuð en starfa í sjálf-
boðavinnu við æskulýðsstörf í
heimalandi sínu. Þau voru í
Digraneskirkju í gær þar sem þau
ræddu við fermingarbörnin og
sögðu meðal annars frá því að í
Kenýa væri sjaldgæft að stelpur
fengju menntun. Þær eru giftar
ungar og heimanmundurinn er
notaður til að mennta drengina.
Krakkarnir voru mjög áhugasam-
ir og spurðu mikið út í umskurð á
stúlkum en einnig um matar-
ástandið og hvernig upplifun það
væri fyrir þau að koma hingað, en
Íslandsför Irene og Madanyand
er fyrsta ferð þeirra til útlanda. ■
IRENE DOOMO OG MADANYAND
SALOMON
Hittu fermingarbörn í Digraneskirkju og fræddu
þau um ástandið í Kenýa. Með á myndinni er
túlkurinn þeirra, Leifur Sigurðsson.
RÖGNVALDUR SIGURJÓNSSON
Hann er enn í fullri kennslu í Nýja tónlistarskólanum og finnur lítið fyrir aldri.
Enginn kraftur,
aðeins kækur
Afmæli
RÖGNVALDUR SIGURJÓNSSON
■ Hann fagnar 85 ára afmæli í dag og
segir að best sé að hafa sem fæst orð
um það.
Ferðalög
IRINE OG MADANYAND
■ Tveir Kenýabúar mættu til Íslands á
dögunum og töluðu við fermingarbörn.
Var það fyrsta utanlandsferð þeirra.
Fyrsta skipti í utanlandsferð
Út er komin bókin Frægð ogfirnindi – ævi Vilhjálms
Stefánssonar. Gísli Pálsson,
mannfræðingur og prófessor,
segir hér ævisögu Vilhjálms frá
nýju sjónarhorni, ekki síst í
ljósi fjölmargra nýrra heimilda
sem komið hafa fram í dagsljós-
ið. Vilhjálmur var frægur land-
könnuður sem fór þrjá leið-
angra á norðurslóðir, mann-
fræðingur, eftirsóttur fyrirles-
ari og víðkunnur af eigin skrif-
um og annarra, en þó hefur ætíð
verið hljótt um einkalíf hans.
■ Nýjar bækur
Fararstjóri:
Friðrik G. Friðriksson.
Verð aðeins kr. 79.000 kr.
Innifalið: Flug, flugvallaskattar, gisting
m/morgunverði, skoðunarferðir, vínprufa og
fimm kvöldmáltíðir.
Gist á góðu og vel staðsettu hóteli
við göngugötuna í Trier, Hótel Deutscher Hof.
Frábær ferð til að upplifa jólastemmninguna
eins og hún gerist best, gera jólainnkaup og
skoða sig um með frábærum fararstjóra.
AUKA AÐVENTUFERÐ TIL TRIER
vikuna 30. nóv. til 7. des.
- örfá sæti laus vegna forfalla.
í Smáranum, sími 585 4100,
netfang: liljag@uu.is