Fréttablaðið - 15.10.2003, Síða 20
15. október 2003Heimilisblaðið4
Hvað varstuað kaupa?
„Keðju og króka. Ég er að hengja upp há-
talara í stofunni.“
GUÐMUNDUR GUÐMUNDSSON
Í byggingavöruverslun
Hvað ætlarðuað kaupa?
„Ég er að fara að kaupa skrúfur í eld-
húsinnréttinguna. Ég er að breyta gamalli
innréttingu og verkinu er að ljúka.“
GUNNAR MAGNÚSSON
Í byggingavöruverslun
Hvað ætlarðuað kaupa?
„Ég er að fara að kaupa hilluefni. Það á að
setja upp hillu í sumarbústaðnum. Það er
aðeins verið að reyna að flikka upp á
hann.“
JÓHANNA GUÐMUNDSDÓTTIR
Í byggingavöruverslun
Olíuborin parkett hafa veriðtöluvert í tísku upp á síðkastið.
Klemens Júlínusson, hjá KJ
Parkettþjónustunni, segir að kost-
irnir við slík parkett séu þeir að
afskaplega gott sé að endurnýja
gólfið og viðhalda því í gegnum
árin. „Fólk er líka með náttúru-
legra útlit á gólfinu. Olíuborna
gólfið verður einnig fallegra og
fallegra með aldrinum. Ég er til
dæmis með 4-5 ára gamalt olíu-
borið gólf heima og það er orðið
rosalega fallegt.“
Klemens segir að gallarnir sem
fylgi olíubornu parketti séu að
bera þurfi á það á eins til tveggja
ára fresti. Engu að síður fækkar
skiptunum eftir því sem gólfið
verður eldra.
Hvað varðar lökkuð gólf þá eru
þau mun viðhaldsfrírri. „Það er
hægt að endurlakka þau á 5-10 ára
fresti eftir því hvað ágangurinn
er mikill. En lakkaða gólfið verð-
ur eiginlega ljótara frá fyrsta
degi. Það fer fljótlega að rispast
og það er voða lítið hægt að gera í
því,“ segir Klemens. „Það þarf
samt minna viðhald og margir
kjósa það út af því.“
Að sögn Klemens er auðveld-
ara að laga rispur á olíubornum
gólfum en á lökkuðum. „Ef þú ert
með partí og það er dansað á
miðju stofugólfinu hjá þér og þú
sérð rispur eftir á, þá geturðu lag-
að þessar rispur án þess að þurfa
að taka allt gólfið í gegn. Þú
myndir aldrei gera það með lakk-
að gólf því þú yrðir að lakka það
allt aftur til að fá heildina. Þessi
lökkuðu gólf eru engu að síður
firnasterk og í heimahúsum þar
sem umgangur er léttur þarf fólk
ekki að hafa áhyggjur af því að
gólfið verði ónýtt fljótlega því það
endist ágætlega.“
Ingólfur Rafn, starfsmaður
Húsasmiðjunnar, segir að tölu-
verður vandi fylgi því að bera olíu
á parkett og sérstaklega að slípa
þau. „Þú mátt ekki slípa þvert á
parkettið heldur áttu að slípa eins
og viðurinn liggur. Til þess eru
notuð sérstök verkfæri á borð við
stórar bandslípivélar og aðrar
skífuvélar.“
Að sögn Ingólfs þarf að bera
olíu á parkett tvisvar til þrisvar
sinnum í fyrsta skiptið. Eftir það
er öll umframolía þurrkuð í burtu.
Ekki skal þvo parkettið fyrstu
mánuðina en við þvott er ráðlegt
að nota eins lítið vatn og hægt er
og helst ekki sápu. ■
Olíuborið parkett verður
fallegra með árunum
Í gegnum tíðina hefur fólk gertnokkuð af því að mála hjá sér
fyrir jólin. Ingimundur Einars-
son málarameistari segir að þetta
hafi breyst töluvert á undanförn-
um árum.
„Mér finnst vera meira um
þetta fyrir páska og fermingar,“
segir Ingimundur. „Þá er orðið
miklu bjartara úti. Fólk sér þá
fyrr hjá sér óhreinindin eftir
rómantíkina yfir jólin.“
Að sögn Ingimundar eru þrjár
meginástæður fyrir því að fólk
máli hjá sér vegna óhreininda.
Þær eru reykingar, kertanotkun
og arineldur. Sótið og tjaran sem
myndist skapi óhreinindin.
Einnig er mikið meira um að eld-
hús séu opin inn í stofu. Það get-
ur einnig valdið meiri óhreinind-
um.
„Fólk hefur orðið svo lítinn
tíma fyrir jólin að það nennir ekki
að standa í þessu stússi. Það er
helst að það máli í október eða
nóvember,“ segir Ingimundur.
Hann segir að meira sé um að hús-
félög láti teppaleggja og mála fyr-
ir jólin en einstaklingar. ■
Minna um að fólk máli fyrir jólin
Bjartara um páskana
INGIMUNDUR EINARSSON
Segir að meira sé um að fólk máli hjá sér fyrir páska og fermingar.
KLEMENS JÚLÍNUSSON
Auðveldara að laga rispur á olíubornum gólfum.
PARKETT
Ekki er talið ráðlegt að þvo olíuborið parkett með sápu.
FR
ÉT
TA
B
LA
Ð
IÐ
/R
Ó
B
ER
T