Fréttablaðið - 18.10.2003, Blaðsíða 38

38 18. október 2003 LAUGARDAGUR
HEIMSMEISTARAR
Kerri Walsh og Misty May fagna innilega
eftir að þær tryggðu sér heimsmeistaratitil-
inn í strandblaki kvenna sem fram fór á
Copacabana-ströndinni í Rio Janeiro.
Strandblak
FÓTBOLTI Toppslagur verður í
þýsku úrvalsdeildinni í dag þegar
Werder Bremen og Stuttgart
eigast við. Bremen er í öðru sæti
deildarinnar með nítján stig en
Stuttgart, sem hefur ekki tapað
leik, í því þriðja með átján.
Timo Hildebrand, markvörður
Stuttgart, hefur ekki fengið á sig
mark í 825 mínútur sem er met.
Hann mun þó eiga erfiðan dag
fyrir höndum því í liði Bremen er
Ailton, markahæsti leikmaður
deildarinnar. Brasilíumaðurinn
hefur skorað sjö mörk, þriðjung
marka Bremen á leiktíðinni.
Oliver Kahn getur ekki leikið
með Bayern München gegn
Gladbach á útivelli þar sem hann
er meiddur á hné. Óvíst er hvort
hann geti leikið með gegn Lyon í
Meistaradeild Evrópu í næstu
viku.
Bochum, lið Þórðar og Bjarna
Guðjónssonar, mætir Schalke á
útivelli á morgun. ■
HANDBOLTI „Mér líst vel á að leika
við Hauka. Ef menn gera það sem
fyrir þá er lagt þá eigum við vinna
þá,“ sagði Sigfús Sigurðsson, leik-
maður Magdeborgar, sem mætir
Haukum í Meistaradeild Evrópu í
dag.
„Haukarnir hafa styrkt sig
fyrir tímabilið. Dalius
Rasikevicius, nýi Litháinn, er
mjög góður og yngri leikmenn
eins og Ásgeir Örn Hallgrímsson
hafa verið að leika vel. Það sem
háir Haukum er að þá vantar brei-
dd,“ sagði Sigfús.
Leikmenn Magdeborgar hafa
skoðað myndbönd með leikjum
Hauka. Einnig sáu þeir Haukana á
Opna Reykjavíkurmótinu í haust
en Sigfús bendir á að það hafi
verið undirbúningsmót og því
ekki að fullu marktækt.
„Haukar væru líklega um
miðja deild í Búndeslígunni,“
sagði Sigfús. „Þeir hafa leikmenn
sem geta spilað vel á útivelli sem
heimavelli. Í sumum liðum í
Búndeslígunni eru leikmenn sem
ná sér engan veginn á strik í
útileikjum.“
Sigfús missti af leik
Magdeborgar gegn Vardar Skopje
í Meistaradeildinni vegna meiðsla
á hné en segir að það hafi verið
jafn leikur. „Haukarnir hljóta að
vinna Vardar á heimavelli en það
er spurning með útileikinn.
Vardar getur á góðum degi unnið
hvaða lið sem er og tapað fyrir
hverjum sem er á slæmum degi.“
Sigfús segir Magdeborgara
sátta við árangur sinn í þýsku
Búndeslígunni hingað til, ef frá er
talið tapið fyrir Eisenach.
Varnarleikurinn hafi gengið betur
en menn áttu von á. Sjálfur hafi
hann þurft leiktíðina í fyrra til að
venjast keppninni í Þýskalandi. ■
Stuðningsmenn Arsenal:
Bók um
sögu
klúbbsins
FÓTBOLTI Meðlimir Arsenal-klúbbs-
ins hittast í dag klukkan 14 á
Mekka Sport bar í Dugguvogi og
halda upp á 21 árs afmælis félags-
ins. Arsenal-klúbburinn var stofn-
aður 15. október 1982 á Selfossi af
Kjartani Björnssyni og Hilmari
Hólmgeirssyni en á tuttugu ára
afmæli klúbbsins árið 2002 voru
félagar orðnir um 1.800. Kjartan,
sem var lengstum formaður
klúbbsins, hefur gefið út bók um
sögu og starf klúbbsins í tvo ára-
tugi. ■
STRANDGÖTU 33 - HAFNARFIRÐI - SÍMI 565 4533
Opið:
Mánud.-Fimmtud. 10-18
Föstudaga 10-19
Laugardaga 10-16

Útsala - Útsala - Útsala
Mikið af
nýjum vörum
30-50%
afsláttur
af öllum vörum
Þýska úrvalsdeildin:
Markakóngur
mætir methafa
TIMO HILDEBRAND
Hann hefur haldið marki Stuttgart hreinu
í 825 mínútur sem er met.
Evrópukeppni
U19 liða karla:
Jafnt gegn
lærisveinum
Gullit
FÓTBOLTI Íslendingar og Hollend-
ingar gerðu 1-1 jafntefli í Evrópu-
keppni U-19 ára liða í gær. Eyjólf-
ur Héðinsson skoraði mark Ís-
lendinga á 22. mínútu með skoti af
vítateigslínu en Dustley Mulder,
varnarmaður frá Feyenoord, setti
mark Hollendinga á fjórðu mín-
útu eftir hornspyrnu. Íslendingar
fengu dauðafæri á lokamínútu
leiksins en markvörður Hollend-
inga varði frá sóknarmanni sem
slapp einn inn fyrir vörn þeirra.
Leikurinn var frumraun Ruud
Gullit sem landsliðsþjálfara. ■
Hauka
vantar breidd
Haukar mæta Magdeburg í dag. Sigfús
Sigurðsson telur að Haukar væru líklega um
miðja deild í Búndeslígunni.
SC MADGEBURG
Grzegorz Tkaczyk skorar í leik Magdeborgar og Vardar Skopje um síðustu helgi.
SIGFÚS SIGURÐSSON
Leikur með Magdeburg að nýju.