Fréttablaðið - 07.02.2004, Blaðsíða 4

4 7. febrúar 2004 LAUGARDAGUR
Var rétt af Haukum að reka hand-
boltaþjálfarann Viggó Sigurðsson?
Spurning dagsins í dag:
Á að heimila hækkun Laxárstíflu?
Niðurstöður gærdagsins
á www.frett.is
46,2%
11,9%
Nei
41,9%Alveg sama
Já
Kjörkassinn
Farðu inn á frett.is og segðu þína skoðun
frétt.is
Sigurður Kári Kristjánsson:
Ekki tekið á vandanum
STJÓRNMÁL Sigurður Kári Krist-
jánsson segist ekki hafa stutt
sparisjóðafrumvarpið svonefnda
þar sem það samræmist ekki póli-
tískum hugsjónum hans. Sigurður
Kári hefur miklar efasemdir um
þá skipan mála að ríkisvaldið og
bæjarstjórnir skipi stjórnarmenn
í sjálfseignarstofnunum sem
verða til við hlutafélagavæðingu
sparisjóða.
Siguður Kári telur enn fremur
að lagafrumvarpið taki ekki á
þeim vanda að í sparisjóðum sé að
finna verðmæti sem enginn hafi
lögmætt tilkall til.
Þá hefur Sigurður Kári efa-
semdir um framgang frumvarps-
ins. „Ég er fylgjandi þeirri megin-
reglu að ef menn telja að samn-
ingar sem hafa verið gerðir á
grundvelli gildandi laga brjóti í
bága við ákvæði þeirra, eða þann
tilgang sem lögunum var ætlað að
ná, þá sé það hlutverk annarra
stofnanna ríkisvaldsins að skera
úr um hvort svo hafi verið eða
ekki,“ segir Sigurður Kári.
Hann telur ekki að nýsamþykkt
lög styrki stöðu sparisjóðanna og
vonar að málinu sé ekki lokið held-
ur muni menn setjast aftur niður
til þess að finna betri lausn á deil-
unum um sparisjóðina. ■
SPRON-samningi
kollvarpað á þingi
Stjórn SPRON er hætt við hlutafélagavæðingu í kjölfar lagasetningar
Alþingis. Sparisjóðsstjóri segir að SPRON muni endurskoða samskipti
sín við Samband sparisjóða.
ALÞINGI Sparisjóðafrumvarpið
varð að lögum í fyrrakvöld þegar
það var samþykkt með 43 atkvæð-
um gegn 1 atkvæði Péturs Blön-
dal, formanns efnahags- og við-
skiptanefndar. Sjálfstæðismenn-
irnir Guðlaugur Þór Þórðarson og
Sigurður Kári Kristjánsson sátu
hjá við atkvæðagreiðsluna auk
Helga Hjörvar, Samfylkingunni,
en 19 voru fjarstaddir. Pétur
ákvað að tefja ekki málið.
„Ég hefði getað frestað fund-
um, en ég er á móti slíku ofbeldi
og á móti maraþonræðum sem
tefja mál. Ég virði að sjálfsögðu
vilja meirihlutans,“ segir Pétur.
Með nýjum lögum um spari-
sjóði verður öflun stofnfjárhlutar
að vera liður í því að efla sam-
vinnu milli sparisjóða í landinu.
Sjálfseignarstofnun fer með at-
kvæðisrétt í samræmi við hluta-
fjáreign sína og fyrir fund stofn-
fjáreigenda verða engar skuld-
bindandi ákvarðanir teknar fyrir
hönd sjálfseignarstofnunarinnar.
Samruni sparisjóðs við annað fyr-
irtæki verður aðeins heimill ef
sparisjóðnum hefur áður verið
breytt í hlutafélag, nema ef um er
að ræða samruna tveggja eða
fleiri sparisjóða sem ekki hafa
verið hlutafélagavæddir.
Stjórn SPRON ákvað á fundi í
gær að hætta við tillögu um hluta-
félagavæðingu sparisjóðsins á
fundi stofnfjáreiganda næsta
þriðjudag. Í tilkynningu frá
stjórninni segir að nýsamþykkt
stjórnarfrumvarp hafi kollvarpað
áformum stjórnar SPRON.
Í tilkynningunni segir að það sé
„óneitanlega sérstakt að sett séu
lög til að hindra að farið verði eft-
ir gildandi lögum og [að] laga-
breytingunni [sé] leynt og ljóst
beint gegn viðskiptasamningi.
Um leið [sé] komið í veg fyrir að
myndaður verði sex milljarða
sjóður, sá langstærsti sinnar teg-
undar á Íslandi, sem ætlað [hafi
verið] að styðja við menningar- og
líknarmál í Reykjavík og ná-
grenni.“
Guðmundur Hauksson spari-
sjóðsstjóri segir framgöngu Al-
þingis vegna samninga SPRON og
KB banka vera með ólíkindum. Þá
segir hann að í kjölfar aðkomu
Sambands íslenskra sparisjóða að
málinu verði samskipti SPRON
við samtökin tekin til endurskoð-
unar.
Guðmundur segir stjórn og
stjórnendur SPRON ekki munu
troða illsakir við stjórnvöld held-
ur sé það stefna sjóðsins að eiga
góð samskipti við eftirlitsstofnan-
ir og stjórnvöld.
bryndis@frettabladid.is
thkjart@frettabladid.is
GUÐLAUGUR ÞÓR ÞÓRÐARSON
Þingmaður Sjálfstæðisflokksins telur mjög
mikilvægt að sparisjóðirnir hafi möguleika
á að vaxa og dafna í breyttu fjármálaum-
hverfi, en hefur áhyggjur af því að nýsam-
þykkt lög gefi ekki þann möguleika.
Guðlaugur Þór Þórðarson:
Engin þörf á
lagasetningu
ALÞINGI „Ég sá enga þörf á þessari
lagasetningu þar sem nýbúið var
að breyta lögunum. Ef menn telja
að samningar sem gerðir hafa
verið eftir þá lagasetningu stand-
ist ekki, þá er það annarra stofn-
ana en Alþingis að meta það,“ seg-
ir Guðlaugur Þór Þórðarson, þing-
maður Sjálfstæðisflokksins, sem
sat hjá við atkvæðagreiðslu á
sparisjóðafrumvarpinu.
Hann telur að endurskoða
þurfi lögin á næstu misserum þar
sem hugað verði að rekstrarum-
hverfi sparisjóðanna og hagsmun-
um stofnfjáreigenda.
„Ég tel mjög mikilvægt að
sparisjóðirnir hafi möguleika á að
vaxa og dafna í breyttu fjár-
málaumhverfi og hef áhyggjur af
því að nýsamþykkt lög gefi ekki
þann möguleika,“ segir Guðlaug-
ur Þór. ■
Gylfi Magnússon:
Sameining sjóða líkleg
SPARISJÓÐAMÁLIÐ Gylfi Magnús-
son, dósent í hagfræði við Há-
skóla Íslands, segir að með
breytingu á lögum um sparisjóði
sé komið í veg fyrir augljóst
vandamál sem hafi falist í því að
stofnfjáreigendur hefðu gætt
bæði sinna eigin hagsmuna og
sjálfseignarstofnunar um sjóð-
ina.
Hann telur að lagafrumvarp
viðskiptaráðherra sé ein leið til
að taka á þeim hagsmuna-
árekstri.
„Það er náttúrlega augljóst að
þetta virðist stöðva allar hug-
myndir um að sameina spari-
sjóðina bönkum en það kemur
hins vegar ekki í veg fyrir að
sparisjóðirnir verði sameinaðir
innbyrðis og mér finnst líklegt
að það muni gerast í einhverjum
tilfellum,“ segir Gylfi.
Um það fyrirkomulag að
sveitarstjórnir og ráðuneyti til-
nefni í stjórn sjálfseignarstofn-
ana segir Gylfi að það sé
„kannski ekkert sérstaklega
freistandi rekstrarmódel“.
Hins vegar segir hann að þeg-
ar sparisjóði sé breytt í hlutafé-
lag verði til digrir sjóðir og að
það sé engin sérstök ástæða að
ætla að þeir sem séu skipaðir af
sveitarfélögum og öðrum opin-
berum aðilum séu verr til þess
fallnir en aðrir að stjórna þeim
sjóðum. Hann segir að önnur
leið væri að úthluta verðmætun-
um til dæmis til viðskiptavina
og starfsmanna. ■
GYLFI MAGNÚSSON
Dósent í viðskipta- og hagfræðideild Há-
skóla Íslands.
SIGURÐUR KÁRI KRISTJÁNSSON
Vonar að menn setjist niður til að finna
betri lausn á deilunum um sparisjóðina.
SPARISJÓÐAFRUMVARP
Frumvarpið varð að lögum þegar það var samþykkt með 43 atkvæðum þingmanna úr öll-
um stjórnmálaflokkum gegn 1 atkvæði Péturs Blöndal. Hann segist virða vilja meirihlutans.
Vinstri grænir 5 ára:
Besta skeiðið
fram undan
STJÓRNMÁL Vinstrihreyfingin –
grænt framboð fagnar 5 ára
afmæli flokksins um þessar
mundir með margvíslegum hætti,
meðal annars á Akureyri og í
Reykjavík. Katrín Jakobsdóttir,
varaformaður Vinstri grænna, er
bjartsýn á framtíð flokksins.
„Okkar besta skeið er fram
undan. Eftir landsfundinn í
haust er ekki ástæða til annars
en að líta björtum augum á
framtíðina. Vinstrihreyfingin –
grænt framboð hefur gert sig
gildandi í þjóðfélaginu og það
vita allir hvað við stöndum
fyrir,“ segir Katrín. ■
HELGI HJÖRVAR
Þingmaður Samfylkingarinnar segir að
hraðlög hafi verið sett til að ógilda þegar
gerða samninga á markaði.
Helgi Hjörvar:
Ekki siðferði-
lega verjandi
ALÞINGI Helgi Hjörvar, Samfylk-
ingunni, segir að hraðlög hafi
verið sett til að ógilda þegar
gerða samninga á markaði.
„Það er oft freistandi að brey-
ta leikreglunum eftir á, en jafn-
vel þótt það kunni að vera löglegt
er það því aðeins siðferðilega
verjandi að brýnir almannahags-
munir krefji. Þótt sumir stofn-
fjáreigendur hefðu hagnast óhóf-
lega eru það ekki brýnir al-
mannahagsmunir að koma í veg
fyrir það,“ segir Helgi.
Hann bendir á að hefðu kaup
KB banka á SPRON gengið eftir
hefðu verulegir almannahags-
munir verið fólgnir í því fyrir
Reykvíkinga að fá 6 milljarða
lagða í sjóði til menningar- og
velferðarmála hjá borginni.
„Það er ljóst að árleg 300
milljóna króna framlög í þessu
sambandi verða ekki að veru-
leika,“ segir Helgi. ■