Fréttablaðið - 07.02.2004, Blaðsíða 6

6 7. febrúar 2004 LAUGARDAGUR
GENGI GJALDMIÐLA
Bandaríkjadalur 68,73 0,34%
Sterlingspund 126 0,33%
Dönsk króna 11,56 -0,09%
Evra 86,1 -0,07%
Gengisvísitala krónu 119,30 0,34%
Kauphöll Íslands
Fjöldi viðskipta 444
Velta 8.492 milljónir
ICEX-15 2.353 0,45%
Mestu viðskiptin
Íslandsbanki hf. 3.748.608
Landsbanki Íslands hf. 345.079
Eimskipafélag Íslands Hf. 131.158
Mesta hækkun
Jarðboranir hf. 12,50%
Fjárfestingarfélagið Atorka hf. 4,08%
Eimskipafélag Íslands Hf. 2,38%
Mesta lækkun
Bakkavör Group hf. -0,50%
Kaupþing Búnaðarbanki hf. -0,20%
Erlendar vísitölur
DJ* 10.568,2 0,7%
Nasdaq* 2.052,5 1,6%
FTSE 4.402,7 0,4%
DAX 4.045,0 0,8%
NK50 1.335,7 0,1%
S&P* 1.138,9 0,9%
* Bandarískar vísitölur kl. 17.
Veistusvarið?
1Stjórnarformaður KB banka segistekki skilja SPRON-frumvarpið.
Hvað heitir stjórnarformaðurinn?
2Viggó Sigurðsson hætti þjálfun hand-boltaliðs Hauka í vikunni. Hver er
eftirmaður Viggós?
3Formaður Rafiðnaðarsambandsinshefur fordæmt það sem hann kallar
græðgi bankanna. Hver er formaður RSÍ?
Svörin eru á bls. 46
TEL AVIV, AP Ariel Sharon, forsætis-
ráðherra Ísraels, skoðar þann
möguleika að flytja ísraelska
landnema frá landnemabyggðum
á Gaza til svæða á Vesturbakkan-
um sem Ísraelar vilja að verði
hluti af Ísraelsríki sem hluti af
friðarsamkomulagi við Palestínu-
menn.
Assaf Shariv, talsmaður Shar-
ons, sagði í gær að Ísraelar væru
að skoða hversu fýsilegt væri að
flytja landnemana til Maale
Adumim, Ariel og Gush Etzion,
þriggja stærstu landnámssvæða
Ísraela á Vesturbakkanum.
Yfirlýsingar Sharons á dögun-
um um að leggja niður landnema-
byggðir og hugsanlega þjóðar-
atkvæðagreiðslu um framtíð
þeirra vakti reiði margra ísr-
aelskra stjórnmálamanna sem
barist hafa fyrir hagsmunum
landnema og vilja lítið gefa eftir
gagnvart Palestínumönnum.
Sumir þeirra hafa tengt tímasetn-
ingu yfirlýsinganna við rannsókn
á meintum mútugreiðslum til for-
sætisráðherrans, að með því hafi
hann viljað að spillingarumræðan
félli í skuggann af málefnum
landnema. ■
Meindýraeyðir kærir
sýslumann Árborgar
Leyfislaus meindýraeyðir, sem lýsti því að hann hefði opinbert leyfi til
að eyða framsóknarmönnum, hefur lagt fram stjórnsýslukæru á Ólaf
Helga Kjartansson sýslumann. Dómsmálaráðherra verður að úrskurða.
MEINDÝR Rafn Haraldsson, mein-
dýraeyðir á Bræðrabóli í Ölfusi,
sem hefur verið sviptur leyfi til að
kaupa nauðsynleg eiturefni hefur
kært Ólaf Helga Kjartansson sýslu-
mann til dómsmálaráðuneytisins í
kjölfar þess að sýslumaður ákvað
að skipta hann leyfinu. Rafn mein-
dýareyðir réði Guðjón Ægi Sigur-
jónsson héraðsdómslögmann til að
verja hagsmuni sína. Guðjón hefur
nú sent dómsmálaráðherra stjórn-
sýslukæru á hendur sýslumanni.
Kæran var lögð fram í gær.
„Umbjóðanda okkar er nauðsyn-
legt að kæra þessa ákvörðun sýslu-
manns til að gæta réttinda sinna,
sem hann telur ekki styðjast við lög.
Þess er jafnframt krafist að réttar-
áhrifum hinnar kærðu ákvörðunar
verði frestað til þess að ákvörðun
sýslumanns hafi ekki áhrif á rétt-
indi umbjóðanda okkar á meðan
málið er til meðferðar hjá dóms-
málaráðuneytinu,“ segir Guðjón.
Mál þetta hófst með því að Rafn
meindýraeyðir lýsti því í Frétta-
blaðinu að hann hefði sótt um leyfi
hjá sýslumanninum á Selfossi til
að eyða músum, skordýrum og
framsóknarmönnum, sem hann
hafi bætt við á umsóknina í reit
þar sem stendur annað. Rafn lýsti
því að það hefði komið sér á óvart
að fá opinbert leyfi til að eyða
framsóknarmönnum. En Ólafi
Helga Kjartanssyni, sýslumanni
Árborgar, var ekki skemmt yfir
grárri gamansemi meindýraeyðis-
ins. Lög eru alveg skýr hvað það
varðar hverjir hafi leyfi til að
kaupa og nota eiturefni og enginn
vafi má leika á frómum tilgangi
þeirra. Sýslumaður kallaði hann á
fund og í framhaldi þess sendi
hann Rafni bréf þar sem mein-
dýraeyðirinn var sviptur leyfi til
að kaupa eiturefni sem honum eru
nauðsynleg til að ná árangri í bar-
áttu við meindýrin.
Mál þetta hefur vakið mikla at-
hygli á Suðurlandi. Framsóknar-
mönnum er lítt skemmt yfir húmor
meindýraeyðisins en aðrir hafa kos-
ið að líta á tiltæki hans sem grín.
rt@frettabladid.is
Sjúkrahús Akraness:
Fjölgar
liðskipta-
aðgerðum
HEILBRIGÐISMÁL Liðskiptaaðgerðum
hefur stöðugt fjölgað á Sjúkrahúsi
Akraness á undanförnum árum. Í
fyrra voru framkvæmdar 82 lið-
skiptaaðgerðir og er það 50%
aukning frá árinu á undan.
Vonir standa til að hægt verði að
gera þrjár liðskiptaaðgerðir á viku
stærstan hluta þessa árs. Fyrstu
liðskiptaaðgerðirnar voru gerðar á
sjúkrahúsinu árið 1991 en þá voru
framkvæmdar þrettán gerviliða-
aðgerðir á mjöðm. Fyrsta liðskipta-
aðgerðin á hné var gerð árið 1995. ■
FUNDAÐ UM ANDLÁT PRINSESSU
Breskur dánardómstjóri og yfirmaður
glæpadeildar franska dómsmálaráðu-
neytisins ræddu andlát Díönu prinsessu.
Andlát Díönu:
Báru saman
bækur sínar
PARÍS, AP Michael Burgess, breskur
dánardómstjóri sem rannsakar lát
Díönu prinsessu af Wales, fundaði í
gær með embættismönnum
franska dómsmálaráðuneytisins.
Hann skoðaði m.a. vettvang slyssins
í ágúst 1997 sem varð Díönu og ást-
manni hennar, Dodi Fayed, að bana.
Niðurstaða franskrar rannsókn-
ar á láti parsins var sú að um slys
hefði verið að ræða og væri ölvun og
hraðakstri bílstjórans um að kenna.
Því hafa margir aðdáendur prins-
essunnar hafnað og hófu Bretar
rannsókn í síðasta mánuði. ■
22 LÉTUST Nokkrir öflugir jarð-
skjálftar riðu yfir Papúahérað í
Indónesíu og kostuðu 22 lífið. Á
sjötta hundrað manns til viðbótar
særðust og hundruð húsa eyðilögð-
ust í skjálftunum en sá öflugasti
þeirra mældist 6,9 á Richter-kvarða.
DREGIÐ ÚR SPENNU Stjórnvöld í
Norður- og Suður-Kóreu hafa sam-
þykkt að efna til viðræðna hátt-
settra manna í varnarmálaráðu-
neytum og herjum beggja landa.
Tilgangurinn er að draga úr spennu
milli landanna vegna kjarnorku-
áætlana Norður-Kóreumanna.
LÉTUST Í TROÐNINGI 37 manns lét-
ust í troðningi á lokahátíð nýárs-
fagnaðar í Miyun í Kína og fimmt-
án til viðbótar slösuðust alvarlega.
Kínverskir ráðamenn hafa fyrir-
skipað rannsókn á atburðunum.
AÐ LEIK Í LANDNEMABYGGÐ
7.500 landnemar búa innan um rúma
milljón Palestínumanna á Gaza. Öflugt
herlið þarf til að gæta öryggis þeirra.
Ariel Sharon útfærir hugmyndir um byggðir landnema:
Af Gaza á Vesturbakkann
ÓLAFUR HELGI KJARTANSSON
Meindýraraeyðirinn var sviptur leyfi til að kaupa eiturefni eftir að hann sagðist hafa leyfi til
að eyða framsóknarmönnum.
■ Asía
MEINDÝR
Mýs á Suðurlandi eiga náðuga daga eftir að
eiturefnin voru tekin af Rafni meindýraeyði.
Faxafeni 14, 108 Reykjavík,
s: 568-0850.
Fjölbreytt
vöruúrval
ÚTSALA
Engjateigi 5, sími 581 2141
Opið virka daga frá kl. 10.00-18.00, laugardaga frá kl. 10.00-16.00.
Algjört verðhrun
síðasta útsöluhelgi
■ Norðurlönd
10.000 HÁÐIR NIKÓTÍNLYFJUM
Um 10.000 Danir sem hætt hafa
að reykja eru háðir nikótínlyfj-
um, samkvæmt nýrri rannsókn.
Til stendur að rannsaka hugsan-
lega skaðsemi þessara lyfja þeg-
ar um langtímanotkun er að
ræða. Vitað er að nikótín er mjög
ávanabindandi og getur haft
áhrif á kransæðarnar.