Fréttablaðið - 07.02.2004, Blaðsíða 16

16 7. febrúar 2004 LAUGARDAGUR
■ Andlát
■ Afmæli
■ Brúðkaup
Hussein Jórdaníukonungur lést ásjúkrahúsi í Amman, höfuð-
borg Jórdaníu, sunnudaginn 7. febr-
úar árið 1999. Banamein hans var
eitlakrabbamein en hann var ný-
kominn heim frá Bandaríkjunum
þar sem hann hafði leitað sér lækn-
ingar. Hussein bin Talal var 63 ára
og hafði ríkt í 47 ár, lengur en nokk-
ur annar þjóðhöfðingi í Miðaustur-
löndum.
Abdullah krónprins tók strax við
af föður sínum og sór embættiseið í
jórdanska þinginu nokkrum klukku-
tímum eftir að faðir hans gaf upp
öndina.
Hussein var ástsæll leiðtogi
þjóðar sinnar og þegar Abdullah 2.
bin Al Hussein Jórandíukonungur
minntist hans sagði hann föður sinn
hafa verið föður allrar jórdönsku
þjóðarinnar. Hussein er ekki síst
minnst fyrir að hafa samið frið við
Ísrael árið 1994 eftir langvarandi
illdeilur.
Fjöldi þjóðhöfðingja fylgdi
Hussein til grafar en fremstur í
þeim flokki var Bill Clinton Banda-
ríkjaforseti, sem sagði Hussein
hafa verið stórkostlegan mann og
góðan vin. Þrír fyrrverandi forsetar
Bandaríkjanna, Gerald Ford,
Jimmy Carter og George Bush,
voru í föruneyti Clintons og vottuðu
Hussein virðingu sína. ■
Ívar Örn Sverrisson, leikari, er 27 ára í
dag.
Pálmi Hannesson bifvélavirkjameistari
og kona hans Sara K. Olsen taka á móti
ættingjum og vinum í KK-húsinu Vestur-
braut 17–19 í kvöld kl. 20–23 í tilefni af
því að Pálmi verður 50 ára þriðjudaginn
10. febrúar.
Bára Sveinsdóttir, Búhamri 28, Vest-
mannaeyjum, lést miðvikudaginn 4.
febrúar.
Óskar Nikulásson, Elliheimilinu Grund,
áður Grettisgötu 12, lést miðvikudaginn
4. febrúar.
Sigurást Gísladóttir, Valhúsabraut 13,
Seltjarnarnesi, lést miðvikudaginn 4.
febrúar.
11.00 Finnbogi Rútur Jósepsson, Hnífs-
dal, verður jarðsunginn frá Hnífs-
dalskapellu.
14.00 Siggeir Björnsson, fyrrverandi
bóndi og hreppstjóri frá Holti á
Síðu, verður jarðunginn frá Prest-
bakkakirkju á Síðu.
14.00 Atli Snæbjörnsson, Aðalstræti
90, Patreksfirði, verður jarðsung-
inn frá Patreksfjarðarkirkju.
14.00 Gunnar Kristinn Auðbergsson,
Strandgötu 19, Eskifirði, verður
jarðsunginn frá Eskifjarðarkirkju.
14.00 Dóra Guðríður Svavarsdóttir,
Brekkugötu 3, verður jarðsungin
frá Landakirkju.
14.00 Ólafur Guðbrandsson, Þormóðs-
götu 22, Siglufirði, verður jarð-
sunginn frá Siglufjarðarkirkju.
LÁRUS BJÖRN BERG SVAVARSSON
Betur þekktur sem Lalli Johns eða bjarn-
dýrið frá Ísafirði. Hann sýndi líkamsrækt
áhuga í World Class og segist geta
stundað lyftingar með litla fingri.
??? Hver?
Mjög góður drengur.
??? Hvar?
Alls staðar.
??? Hvaðan?
Ísfirðingur.
??? Hvað?
Að vera til og hjálpa öðrum.
??? Hvernig?
Með því að gefa þeim góð orð og ekki
ljúga að þeim. Ég vil ekki plata fólk.
??? Hvers vegna?
Sumir geta ekki hjálpað sjálfum sér. Ég
vil leiða fólk inn í ljósið út úr myrkrinu.
??? Hvenær?
Allan tímann sem ég hef og fer ekki
eftir klukkunni.
■ Persónan
CHARLES DICKENS
Breski rithöfundurinn fæddist á þessum
degi árið 1812, fyrir 192 árum.
7. febrúar
■ Þetta gerðist
1882 Síðasta meistarakeppnin í þunga-
vigtarhneflaleikum, án hanska, fer
fram í Mississippi.
1904 Eldur brýst út í Baltimore og logar í
tæpar 30 klukkustundir og eyði-
leggur yfir 1.500 byggingar.
1922 Tímaritið Reader’s Digest (Úrval)
kemur á markað.
1944 Þjóðverjar gera gagnárás við Anzio
á Ítalíu í seinni heimsstyrjöldinni.
1964 Bítlarnir lenda á JFK-flugvellinum í
New York og hefja fyrstu tónleika-
ferð sína um Bandaríkin.
1974 Grenada fær sjálfstæði frá Bretum.
1986 Jean-Claude Duvalier, forseti Haítí,
flýr land og þar með er bundinn
endir á 28 ára ógnarstjórn hans og
fjölskyldu hans.
1990 Hundruð þúsund lítrar af hráolíu
leka úr tankskipinu American
Trader og menga strönd Kaliforníu.
1995 Hryðjuverkamaðurinn Ramzi Yousef
er tekinn höndum í Pakistan en þar
hafði hann falist í tvö ár eftir að
hann tók þátt í sprengjuárás á bíla-
geymslu The World Trade Center.
HUSSEIN KONUNGUR
Var ástsæll leiðtogi þjóðar sinnar og þótti
framsýnn og hygginn en hann braut blað í
sögu Jórdaníu þegar hann samdi frið við
Ísrael árið 1994.
Faðir Jórdaníu fellur frá
HUSSEIN JÓRDANÍUKONUNGUR
■ lést af völdum krabbameins 63 ára að
aldri. Fjöldi þjóðarleiðtoga fylgdi
konunginum til grafar.
7. febrúar
1999
Þjóðleikhúsið leitar
að skemmtara
Okkur vantar svona skemmtaraeins og flæddu inn á heimili
landsins á áttunda áratug síðustu
aldar þegar foreldrar keyptu tæk-
in í miklu magni af því að öll börn
áttu að verða píanósnillingar,“
segir Birna Björgvinsdóttir, yfir-
leikmunavörður Þjóðleikhússins,
sem leitar nú logandi ljósi að
hljóðfæri fyrir leikritið Þetta er
allt að koma. Verkið er byggt á
skáldsögu Hallgríms Helgasonar
og er leikstýrt af Baltasar Kor-
máki.
„Hann er kröfuharður leik-
stjórinn og þetta þarf helst að líta
vel út og við erum beinlínis að
leita að mublu. Við héldum að það
yrði ekkert mál að finna svona
skemmtara og vorum viss um að
þeir leyndust víða hjá þeim sem
selja notaða hluti. Við höfum hins
vegar verið mjög óheppin og við
höfum verið að missa þetta úr
höndunum.“
Það styttist óðum í frumsýn-
ingu verksins og Birna segist því
vilja skoða allt sem í boði er. Það
hefur því verið slakað á kröfunum
og allt kemur til greina. „Það gæti
þess vegna farið út í það að við
smíðum eitthvað utan um það sem
við fáum,“ segir Birna og bætir
við að skemmtarinn þurfi alls
ekki að virka.
Birna leitaði síðast til Frétta-
blaðsins í fyrravor þegar Þjóð-
leikhúsið vantaði 100 hátalara fyr-
ir uppsetninguna á „Herjólfur er
hættur að elska“ og viðbrögðin
voru vonum framar. „Það komu
mörg skemmtileg samtöl út úr
því,“ segir Birna, sem fór létt með
að fylla sviðið af gömlum hátölur-
um og nú bindur hún vonir við að
gamlir skemmtarar flykkist niður
í leikmunadeild. ■
Lenti í stríði
á fjórðu vakt
Það stendur ekkert til að gera ásjálfan afmælisdaginn. Hins
vegar ætla ég að bregða mér til
Þýskalands daginn eftir og heim-
sækja gamla skólafélaga,“ segir
Ingólfur Bjarni Sigfússon, frétta-
maður á Stöð 2, sem er 29 ára í dag.
Andlit Ingólfs er vel kunnugt.
Hann flytur fréttir í morgunsjón-
varpi Stöðvar 2 auk þess að sinna
erlendum fréttum. Þá vakti Ingólf-
ur athygli þegar Íraksstríðið stóð
sem hæst fyrir skeleggar frétta-
skýringar.
„Ég stundaði magistersnám í
stjórnmálafræði við háskólann í
Leipzig í Þýskalandi í sex ár. Ég og
Karl Garðarsson, þáverandi frétta-
stjóri, höfðum verið í sambandi
vegna sumarvinnu á fréttastofunni.
Þetta var um það leyti sem Íraks-
stríðið var að bresta á. Síðan
hringdi Karl með tíu daga fyrirvara
og bauð mér vinnu. Ég var kominn
til landsins 9. mars og hóf störf dag-
inn eftir. Á fjórðu vaktinni minni
hófst stríðið.“
Vinnudagur Ingólfs er í lengra
lagi og segir hann lítinn tíma gefast
til annars sem útskýri meðal annars
af hverju hann sé einhleypur. Þá séu
áhugamál hans fréttir og frétta-
tengd efni.
„Ég byrja í Ísland í bítið klukkan
sex á morgnana til níu. Tveimur
tímum síðar byrjar vaktin í erlend-
um fréttum og lýkur klukkan átta
um kvöldið.“ Ingólfur ber vinnu-
félögum sínum á Stöð 2 vel söguna
en bætir við að þeir séu allir meira
og minna snargeðveikir. „Ég tel
.þetta mikinn kost fyrir mig. Ég
sting þá ekki jafn mikið í stúf.“
En hyggur Ingólfur á frekara
nám? „Ég er nýlega búinn að taka
skólabækurnar upp úr kössum og
raða þeim upp í hillur. Við það fann
ég frekar hroll heldur en hitt. Þetta
eru greinileg merki að ég sé ekki
alveg kominn á það stig að fara út í
frekara nám.“
Tvítugsafmæli Ingólfs var eftir-
minnilegt að hans mati. „Vinir mín-
ir, sem eru miklir húmoristar, héldu
óvænta afmælisveislu. Þeir fengu í
veisluna vel kunna og djúpraddaða
vaxtarræktarkonu til að koma og
vera með bikiniatriði. Það má deila
um hversu kynþokkafullt okkur
þótti atriðið en það var óneitanlega
mjög fyndið. Þetta er með alvitlaus-
ustu afmælisdögum sem ég man
eftir.“ ■
HÖRN GUÐJÓNSDÓTTIR OG
SNORRI BJÖRNSSON
Þann 27. desember síðastliðinnvoru gefin saman í hjónaband í
Bessastaðakirkju þau Hörn
Guðjónsdóttir og Snorri Björns-
son. Það var sr. Bragi Skúlason
sem sá um hjónavígsluna. ■
■ Jarðarfarir
BIRNA BJÖRGVINSDÓTTIR OG SIGURÐUR BJÓLA
Leita dauðaleit að gömlum skemmtara sem er ómissandi fyrir leikmyndina í „Þetta er allt
að koma“ sem verður frumsýnd þann 20. febrúar. Þeir sem geta lagt leikmunadeild
Þjóðleikhússins lið eru beðnir að hafa samband í síma 822 1255.
Leikhús
ÞETTA ER ALLT AÐ KOMA
■ Leikmunadeild Þjóðleikhússins
sárvantar skemmtara frá áttunda ára-
tugnum og leitar nú á náðir almennings
en slíkt hefur gefið góða raun áður.
INGÓLFUR BJARNI SIGFÚSSON
Fjölskylda Ingólfs var með þeim fyrstu sem fluttu í Grafarvogshverfið árið 1986. „Það voru
í kringum eitt hundrað hús í hverfinu á þessum tíma og má segja að ég hafi alist upp í
sveit. Það var frábært að alast upp þarna.“
Afmæli
INGÓLFUR BJARNI SIGFÚSSON
■ er 29 ára í dag.
Heldur upp á afmælið í Þýskalandi
LJ
Ó
SM
YN
D
/J
Ó
H
AN
N
ES
L
O
N
G