Fréttablaðið - 07.02.2004, Blaðsíða 18

18 7. febrúar 2004 LAUGARDAGUR
Andri Már Ingólfsson, framkvæmdastjóri og eigandi ferðaskrifstofunnar Heimsferða,
festi nýverið kaup á einu sögufrægasta húsi Reykjavíkur – húsi Eimskipafélags Íslands sem stendur á
horni Pósthússtrætis og Hafnarstrætis. Andri Már hyggst opna þar fjögurra stjörnu hótel eftir tæpa níu mánuði.
Andri Már í stórræðum
Andri Már Ingólfsson hefurstarfað við ferðaþjónustu
frá unga aldri. Hann hefur rekið
ferðaskrifstofuna Heimsferðir í
rúm tíu ár og í lok síðasta árs
keypti hann ráðandi hlut í ferða-
skrifstofunni Terra Nova Sol.
Fyrir skömmu festi Andri
Már kaup á húsi Eimskipafélags
Íslands við Pósthússtræti og ætl-
ar að opna þar fjögurra stjörnu
hótel um páskana á næsta ári.
Andri Már hefur níu mánuði til
stefnu en er hvergi banginn
enda framkvæmdir við húsið
þegar hafnar.
Vantar hótelpláss
„Svona hús koma á markað á
90 ára fresti. Við höfum tvisvar
áður farið í gegnum skoðun á
hótelrekstri en í hvorugu tilfell-
inu kom nógu góð niðurstaða úr
því,“ segir Andri Már. „Eftir yf-
irtökuna á Terra Nova Sol erum
við að taka á móti hátt í 20 þús-
und útlendingum til Íslands. Það
er mikill fjöldi og oft á tíðum
fáum við ekki hótelpláss fyrir
þá. Það liggur því kannski mjög
vel við okkur að láta eitthvað af
okkar sölu inn á svona hótel. Við
hyggjumst hins vegar ekki selja
eingöngu okkar farþegum þarna
inn. Þetta er sjálfstæð eining og
við viljum bjóða öllum að bóka
þar sem vilja.“
Að mati Andra Más vantar
fallegt miðbæjarhótel í þessum
gæðaflokki í Reykjavík. „Þegar
við vorum búnir að fara í arð-
semisathugun, bæði á því hvað
húseignin kostaði og hvaða
fjölda herbergja við gætum náð
þarna og með hagræðingu og
samrekstri í öðrum þáttum sem
við erum að gera, sáum við í
þessu einstaklega spennandi
tækifæri.“
Á fyrir húsinu
Andri Már þurfti að punga út
510 milljónum fyrir hús Eim-
skipafélagsins. Viðhald á húsinu
hefur verið gott en talsverðar
framkvæmdir eru eftir að innan
áður en hótelið verður opnað.
Andri Már virðist ekki hafa
áhyggjur af áhættunni sem kaup-
unum fylgir.
„Heimsferðir búa yfir sterk-
um efnahagsreikning og við eig-
um fyrir kaupverðinu ef við
viljum fjármagna það þannig. En
það er reikningsdæmi hvernig er
þægilegast að fjármagna svona
kaup. Við munum hafa hátt eigin-
fjárhlutfall í hótelinu og fjár-
magna það síðan eins og markað-
urinn býður best. Við hefðum
aldrei farið í svona fjárfestingu
ef við hefðum ekki átt fyrir
henni. Það hefur aldrei tíðkast á
þessum bæ að leggja fyrirtækið
undir í einhverja ævintýra-
mennsku. Það verða aðrir að
standa í slíku,“ segir Andri Már.
Ferðamenn kjósa miðbæinn
Að sögn Andra Más er hótel-
reksturinn útvíkkun á þeirri
starfsemi sem Heimsferðir eru
með og í raun mjög eðlileg við-
bót. „Ef við værum að flytja eitt
til tvö þúsund farþega til lands-
ins lægi þetta ekki svona aug-
ljóslega við. Það sem skiptir
hvað mestu máli er að það eru
fáar aðrar byggingar eins og
Eimskipafélagshúsið sem bjóða
upp á jafn sölulega samsetningu
og að vera hótel. Þeir sem ferð-
ast kjósa að vera í miðbæ borg-
anna – að vera í göngufæri við
skemmtun, veitingahús og
menningarlífið. Þetta liggur í
hlutarins eðli og þetta þekkjum
við af samskiptum okkar við þá
ferðaheildsala sem kaupa ferðir
til Íslands. Þetta er alltaf fyrsta
óskin.“
Andri Már hefur ekki komið
nálægt hótelrekstri áður en hef-
ur öðlast talsverða þekkingu á
slíkum rekstri á þeim tuttugu
árum sem hann hefur starfað við
ferðamennsku. Heimsferðir
munu þó leita að hæfum hótel-
stjóra til að reka hótelið. „Það
sem við hins vegar kunnum er
að selja hótelið og það skiptir
kannski höfuðmáli,“ segir Andri
Már en stefnt er að því að opna
hótelið um páskana á næsta ári.
Hótel- og veitingarekstur
verður eina starfsemin í Eim-
skipahúsinu en að sögn Andra
Más verður hægt að samþætta
reksturinn við starfsemi Heims-
ferða. „Það eru þættir eins og
bókhald, yfirstjórn, sala og ann-
að slíkt. Það getur nýst vel því
sem við erum að gera þegar við
kynnum Ísland á mörkuðum er-
lendis.“
Jarðbundinn
Heimsferðir hafa alla tíð
gengið mjög vel. Veltan á síðasta
ári var tæpir tveir milljarðar og
með kaupunum á Terra Nova Sol
má búast við að hún verði um
þrír milljarðar. „Vöxturinn hef-
ur aldrei verið markmið í sjálfu
sér, heldur afkoman. Þess vegna
höfum við stigið mjög varlega til
jarðar. Við höfum alltaf haft
traustar forsendur að baki því
sem við gerum. Þess vegna
stöndum við uppi með mjög
traust félag sem er algjörlega
skuldlaust, sem ég held að sé
einsdæmi um ferðaskrifstofu á
Íslandi. Það er mikill styrkur að
reka fyrirtæki á þeim grunni. Þá
getum við leyft okkur að hugsa
lengra fram í framtíðina í stað
þess að vinna við það að bjarga
deginum í dag. Við höfum alltaf
verið með fæturnar á jörðinni,
höfum haft góðar hugmyndir og
frábært starfsfólk,“ segir Andri
Már.
Þrátt fyrir alla velgengnina
segir Andri Már að það hafi
alltaf verið á brattann að sækja.
„Við höfum aldrei geta leyft okk-
ur að halla okkur aftur með
tærnar upp í loft og notið þess að
vera til. Þetta er harður markað-
ur þar sem þeir hæfustu lifa.
Umskiptin er mjög snögg en við
höfum hins vegar alltaf skilað
hagnaði og aldrei tekið þátt í
þessari vitleysu sem hefur ein-
kennt ferðaskrifstofumarkaðinn
eins og var hvað þekktast með
stóru gjaldþroti Samvinnuferða
- Landsýnar.“
Eftirköst hryðjuverka-
árásanna í Bandaríkjunum þann
11. september höfðu vissulega
áhrif á ferðaþjónustu um allan
heim. Andri Már segir að árið í
fyrra hafi verið fyrsta árið í
ellefu ár þar sem fyrirtækið óx
ekki í veltu. „Við héldum okkar
hagnaði en þegar við sáum áhrif-
in af hryðjuverkaárásunum
breyttum við okkar áherslum.
Við breyttum okkar samningum
og tryggðum það að fyrirtækið
er áfram sterkt og traust. Nú
hins vegar er mikill byr í seglun-
um og á fyrstu fjórum vikum
þessa árs hefur verið 46% aukn-
ing miðað við sama tíma og í
fyrra, sem er gríðarleg aukning.
Við tökum hins vegar mjög létt á
móti þeirri aukningu því upp-
bygging fyrirtækisins á auðvelt
með það. Sveigjanleiki er því
lykillinn.“
Fór snemma á flandur
Andri Már útskrifaðist úr
Menntaskólanum í Hamrahlíð en
hann er einnig með viðskipta-
fræðipróf frá Háskóla Íslands.
„Ég kláraði menntaskólann
frekar snemma og fór þá á fland-
ur. Vann við ferðamennsku á
Spáni og í Los Angeles. Þá notaði
ég tækifærið til að taka ýmsa
kúrsa til dæmis í tungumálum. Ég
var nærri því að fara í framhalds-
nám úti en ákvað að taka Háskól-
ann hér heima sem var hin besta
reynsla. Það agar mann að fara í
framhaldsnám.“
Andri hefur nánast allta tíð
unnið við ferðamennsku. „Ég var
gjarnan erlendis á sumrin að
vinna þegar ég var ungur. Það
festi mig minna við landið og
gerði mig kannski órólegri fyrir
vikið. Það er ákaflega góð mennt-
un og kannski fátt sem er betri
menntun en að alast upp og búa
hjá öðrum þjóðum. Það gefur fólki
breiðari sjóndeildarhring og
meira umburðarlyndi. Þá horfir
maður ekki jafn gagnrýninn á sitt
litla umhverfi þegar maður áttar
sig á hvað heimurinn er stór og
margbreytilegur,“ segir Andri
Már.
„Það má eiginlega segja að ég
hafi alltaf unnið við ferða-
mennsku og síðan hef ég illa kom-
ist út úr henni. Áður en ég stofn-
aði Heimsferðir var ég kominn í
önnur viðskipti. Þá var spænskt
fyrirtæki að hefja flutning ferða-
manna hingað til landsins og þeir
óskuðu eftir því að ég fram-
kvæmdi það með þeim. Það var
Það er eðlislæg
forvitni í mér að
skoða heiminn, upplifa nýja
hluti og ég á erfitt með að
vera kyrr á einum stað.
,,
FR
ÉT
TA
B
LA
Ð
IÐ
/G
VA