Fréttablaðið - 03.04.2004, Blaðsíða 2
2 3. apríl 2004 LAUGARDAGUR
“Það má færa góð rök fyrir því.
Þar fer eyðslan fram.“
Sigurður Kári Kristjánsson, þingmaður Sjálfstæðis-
flokksins, er meðflutningsmaður að þingsályktun-
artillögu þar sem lagt er til að ríkisstofnunum
verði fækkað um þrjátíu. Markmiðið er að spara.
Spurningdagsins
Sigurður Kári, væri ekki hægt að
spara langmest með að leggja niður
Alþingi?
■ Lögreglufréttir
■ Lögreglufréttir
HEILBRIGÐISMÁL „Garðurinn og heim-
reiðin hjá mér eru löðrandi í kattaskít
og nú stend ég uppi ráðþrota,“ sagði
Fríður Ólafsdóttir, íbúi á Baldursgötu
21 í Þingholtunum í Reykjavík.
Fríður sagði vera stanslausan
straum af köttum inn í garðana við
Baldursgötuna, þar sem þeir gerðu
þarfir sínar. Hún kvaðst hafa gripið til
allra hugsanlegra ráða. Umhverfis
garðinn væri mannhæðarhá girðing.
Fríður sagðist hafa skvett vatni á kett-
ina, dreift pipar og hvítlauk um garð-
inn sinn og skilið eftir vatn í flöskum
sem kettirnir ættu að vera hræddir
við. En allt hefði komið fyrir ekki.
„Svo nú þegar snjórinn fór tók
steininn úr,“ sagði hún. „Laukarnir
voru að koma upp í garðinum mínum,
sem ég hef haldið í góðri rækt og
nostrað við, enda er hann unaðslegur,
svo gróður- og veðursæll. En nú er
hann bókstaflega ein skítabeðja.
Heimkeyrslan hjá mér var lögð
sandi, og þar skitu kettirnir líka. Ég
greip til þess ráðs að leggja jarðvegs-
dúk á hana. Þá skitu kettirnir látlaust á
dúkinn. Þeir klóra ekki einu sinni yfir
skítinn úr sér.“
Fríður sagði að þetta ætti einnig
við um fleiri garða á Baldursgötunni.
Íbúarnir væru í öngum sínum yfir
kattafárinu og sóðaskapnum sem
fylgdi köttunum, án þess að hægt væri
að koma vörnum við. Margoft hefði
verið reynt að tala við heilbrigðisyfir-
völd, en án árangurs.
„Og þetta er að gerast í 101 Reykja-
vík,“ bætti hún við, „þar sem lóða- og
sorphirðugjöldin eru með því hæsta
sem gerist. Hver vill hafa svona skít-
hús í garðinum sínum og þurfa að ösla
kattaskítinn upp að dyrum hjá sér? Ég
get ekki liðið þetta lengur.“
„Þetta er ekki einsdæmi, heldur
mjög algengt um allan bæ,“ sagði Guð-
mundur Björnsson, meindýraeyðir hjá
Reykjavíkurborg. „Þetta er gríðarlegt
vandamál. Meðan lausaganga katta er
leyfð verður þetta til vandræða. Eina
lausnin er að setja reglur þannig að
kettir séu ekki í lausagöngu. Það er
ekki á dagskrá hjá borgaryfirvöldum
að efna til frekari kattaveiða, eins og
farið var út í hér um árið.“
jss@frettabladid.is
LYFJAMÁL „Þetta eru tölur sem
koma mér verulega á óvart, að
notkunin skuli skyndilega vera
orðin svona mikil,“ sagði Pétur
Lúðvíksson, barnalæknir á Land-
spítala, um ört vaxandi notkun
rítalíns hér á landi. Heilbrigðis-
ráðuneytið hefur nú gripið til
hamlandi aðgerða vegna þessa.
Pétur sagði, að fáein ár væru
síðan notkunin hér á landi hefði
verið athuguð. Þá hefðu Íslend-
ingar verið talsvert á eftir nokk-
uð mörgum þjóðum, til dæmis
Bandaríkjamönnum.
„Mér finnst ég ekki verða var
við það í mínu starfi að verið sé
að nota þetta meira heldur en
áður, né af neinum
öðru vísi ástæðum
heldur en áður. Ég hef
litið svo á að læknar
hér á landi væru til-
tölulega íhaldssamir í
þessum efnum miðað
við önnur lönd.“
Pétur sagði enn
fremur, að ofvirkni
væri vissulega raun-
verulegt vandamál
fyrir barnið sem væri
haldið henni, fjöl-
skyldu þess, nám þess
og umhverfið allt. Ríta-
lín væri raunveruleg
lausn á þeim vanda,
þar sem það ætti við.
Spurður um tíðni sjúk-
dómsins sagði hann að
kannanir hefðu sýnt að
um það bil tvö prósent
barna á skólaaldri væru
haldin ofvirkni í einhverj-
um mæli. Nú orðið væri
fólk betur á verði gagn-
vart henni heldur en áður
og því kæmu ef til vill
fleiri börn til skoðunar
heldur en áður. En það
væri ekkert sem benti til
þess að rauntíðnin hefði
breyst. Hann kynni því
enga skýringu á vaxandi
notkun rítalíns. ■
RICE AÐ BAKI BUSH
Framtíð George W. Bush í embætti forseta
gæti oltið á vitnisburði Condoleezza Rice.
Þjóðaröryggisráðgjafi for-
setans:
Ber vitni
8.apríl
WASHINGTON, AP Þann 8.apríl næst-
komandi mun Condoleezza Rice,
þjóðaröryggisráðgjafi Banda-
ríkjaforseta, bera vitni eiðsvarin
fyrir þingnefnd sem rannsakar
hryðjuverkaárásirnar 11.septem-
ber. Rice verður yfirheyrð fyrir
opnum tjöldum í tvær og hálfa
klukkustund.
Nefndarmenn vilja komast að
því hvað embættismenn úr stjórn-
artíð Bill Clintons sögðu Rice þeg-
ar hún tók við embætti þjóðarör-
yggisráðgjafa og hvernig unnið
var úr þeim upplýsingum. Rice
þarf að verjast ásökunum um að
Bandaríkjastjórn hafi ekki tekið
alvarlega þá ógn sem stafaði af
hryðjuverkasamtökunum al-
Kaída og er talið að frammistaða
hennar geti haft mikla þýðingu
fyrir framtíð George W. Bush í
embætti forseta. ■
Maður ákærður:
Beit löggu
í lærið
DÓMSMÁL Maður á þrítugsaldri
hefur verið ákærður af ríkissak-
sóknara fyrir að bíta lögreglu-
mann í innanvert hægra læri í
nóvember í fyrra.
Maðurinn beit lögreglumann-
inn eftir að hann hafði verið
handtekinn. Þeir voru staddir í
lögreglubíl þar sem lögreglu-
maðurinn var að setja öryggis-
belti á manninn. Lögreglumað-
urinn hlaut bæði mar og bólgu
eftir bitið. ■
Verð á grænmeti:
Ekki ástæða
til aðgerða
NEYTENDAMÁL Samkeppnisstofn-
un hefur komist að þeirri niður-
stöðu að ekki sé ástæða til að-
gerða í kjölfar verðkönnunar
sem sýndi töluverða hækkun á
grænmetisverði milli áranna
2003 og 2004.
Í fréttatilkynningu frá Sam-
keppnisstofnun er farið yfir
hækkanirnar og segir þar að
engin einhlít skýring sé fyrir
óhagstæðri verðþróun þótt
álagning sé í mörgum tilfellum
hærri en fyrir ári síðan. Verð-
hækkanir erlendis eru að hluta
til orsök verðhækkana.
Samkeppnisstofnun segir að
vísbendingar séu um að verð-
skyn neytenda hafi batnað og
fagnar hún þeirri þróun. ■
NEYTENDUR „Ég harma það að opinber
stofnun gangi með þessum hætti fram
fyrir skjöldu á viðkvæmum tíma
kjarasamninga,“ segir Jóhannes
Gunnarsson, formaður Neytendasam-
takanna, um fyrirhugaða sjö prósent
hækkun á afnotagjöldum Ríkisút-
varpsins. „Kjarasamningarnir ganga
út frá að stöðugleiki ríki í þjóðfélag-
inu og hækkun á borð við þessa er
ekki til þess fallin að viðhalda jafn-
vægi á viðkvæmum tímum.“
Ríkisstjórn Íslands hefur sam-
þykkt enn eina hækkunina á afnota-
gjöldum Ríkisútvarpsins en gjöldin
hækkuðu síðast í janúar síðastliðnum.
Mun hækkunin færa stofnuninni
aukalega um 160 milljónir króna en
Markús Örn Antonsson útvarpsstjóri
segir að með þessu sé fjárhagsvandi
Ríkisútvarpsins þó ekki úr sögunni.
Enn standi til að skera niður og óhjá-
kvæmilegt sé að endurskoða ýmsa
dagskrárliði. Afnotagjaldið verður frá
1. maí 2.705 krónur en er í dag 2.528.
Hjá Alþýðusambandi Íslands feng-
ust þær upplýsingar að ekki væri búið
að reikna út áhrifin af þessari hækk-
un afnotagjaldanna og því óvíst hvort
vísitalan breytist vegna þessa. ■
Afnotagjöld Ríkisútvarpsins hækka:
Önnur hækkun á árinu
RÍKISSTJÓRNIN
Heimilaði enn frekari hækkun á afnotagjaldi Ríkisútvarpsins.
FR
ÉT
TA
B
LA
Ð
IÐ
/T
EI
TU
R
JÓ
N
AS
SO
N
Íbúarnir kvarta
undan kattaskít
Garðar í íbúðahverfum víða í Reykjavík eru löðrandi í kattaskít. Íbúarnir
hafa reynt öll ráð til að halda köttunum frá lóðunum, en allt kemur fyrir ekki.
KATTASKÍTUR Í
GÖRÐUM
Fríður Ólafsdóttir íbúi á
Baldursgötunni hefur
reynt öll ráð til að fæla
ketti burt úr garðinum
sínum og heimkeyrsl-
unni. Hvoru tveggja er
útbíað í kattaskít. Fríður
er, eins og fleiri garðeig-
endur, að gefast upp á
þeim.
Barnalæknir á Landspítalanum:
Hissa á vaxandi rítalínnotkun
BÍLVELTA Í ÖXNADAL Ökumaður
missti stjórn á bíl sínum, lenti út af
og fór nokkrar veltur á móts við
Steinsstaði í Öxnadal í gærdag.
Tvennt var í bílnum og sluppu þau
bæði við minniháttar meiðsl. Bíll-
inn er gjörónýtur.
STÁLU REYKTRI ÝSU Brotist var inn
í hraðfrystihúsið Gunnvöru í
Hnífsdal og þaðan stolið um 20
kílóum af reyktri ýsu. Málið er í
rannsókn lögreglu.
ÓK Á RÖNGUM VEGARHELMINGI
Árekstur tveggja bíla varð á
Seljalandsvegi á Ísafirði í gær-
dag. Bílarnir komu úr gagnstæðri
átt en öðrum bílnum var ekið á
röngum vegarhelmingi. Ökumenn
bílanna sluppu án meiðsla. Bíl-
arnir eru báðir óökufærir.
Notkun
Rítalíns