Fréttablaðið - 03.04.2004, Blaðsíða 24
24 3. apríl 2004 LAUGARDAGUR
JÓN ATLI HELGASON
23 ára
Klippari og bassaleikari
Áhrifavaldar í tískunni?
Ég verð að segja Hrafnhildur og
Bára Hólmgeirsdætur. Þær eru
með puttana á púlsinum og eru
framúrskarandi sniðugar.
Mest notaða flíkin þessa dagana?
Ætli nýi hatturinn minn sé ekki í
uppáhaldi. Það er virðulegur
gjaldkerakúrekahattur sem ég
fékk í Spútnik.
Mestu mistökin í fatakaupum?
Það eru Buffaloskór sem ég
keypti árið 1996. Ég fór aldrei í
þá og seldi þá viku seinna fyrir
tvo landabrúsa.
Hvar verslar þú á Íslandi og af
hverju?
Í Spútnik því second hand föt
finnst mér vera endalaust
skemmtileg. Einnig í Nonnabúð,
Smash og Levisbúðinni.
Hvar verslar þú í útlöndum og af
hverju?
Ég reyni að fara í hjálpræðisheri
og second hand búðir og minni
designbúðir með ungum sniðug-
um hönnuðum.
Hve mörg prósent af mánaðar-
laununum fara í fatakaup?
Bara eins mikið og þarf til að
halda sér við. Ég nota samt enn-
þá það sem ég keypti þegar ég
var fimmtán ára. Fyrir vikið er
fataskápurinn að springa og
kærastan mín er að verða brjál-
uð út af því.
KRUMMI
Söngvari í Mínus
23 ára
Áhrifavaldar í tískunni?
Ég reyni yfirleitt að blanda sam-
an gamla seventies lookinu við
Guns and Roses lookið. Ég hef
alltaf verið mikið fyrir það. Ann-
ars reyni ég bara að vera ég
sjálfur og kaupi þau föt sem mér
finnst töff og flott.
Mest notaða flíkin þessa dagana?
Ætli það sé ekki svört kúreka-
skyrta með rauðum rósum á, leð-
urjakkinn og kúrekahatturinn.
Mestu mistökin í fatakaupum?
Það eru síðermahettubolir sem
ég keypti þegar ég var yngri.
Hvar verslar þú á Íslandi og af
hverju?
Ég versla í leðurbúðinni Kós. Þar
er hægt að finna leðurjakka, leð-
urbuxur, sylgjur og önnur
töffaraföt. Dogma er líka ágæt
en þar fást fínir bolir. Svo fæ ég
mikið úr Nonnabúð en ég og
Nonni erum fínir félagar.
Hvar verslar þú í útlöndum og af
hverju?
Camden markaðinum í Englandi.
Það er hægt að finna allt þar.
Hve mörg prósent af mánaðar-
laununum fara í fatakaup?
Ekki mikið. Kannski 20-30% fer
eftir því hvað ég fæ mikið í laun.
BÁRA HÓLMGEIRSDÓTTIR
Hönnuður
33 ára.
Áhrifavaldar í tískunni?
Í dag eru það Vivienne West-
wood, Mark Jacobs, geðveikt
japanskt merki sem heitir Und-
ercover og Guð almáttugur
skapari himins og jarðar.
Mest notaða flíkin þessa dag-
ana?
Hinn fullkomnni hettupeysu-
kjóll fra merkinu minu Aftur.
Mestu mistökin í fatakaupum?
Hef ekki gert mistök.
Fatasmekkur minn er óskeikull.
Hvar verslar þú á Íslandi og af
hverju?
Í Nonnabúð af því að það er búð
sem selur einstaka hönnun og
sniðuga gjafavöru. Svo Spútnik
og Kolaportinu því ég fíla notuð
föt.
Hvar verslar þú í útlöndum og
af hverju?
Á flóamörkuðum, af því ég fíla
notuð föt, og í litlum sérversl-
unum sem selja unga og upp-
rennandi fatahönnuði því mér
finnst mest spennandi að kaupa
mér sérstakar flíkur.
Hve mörg prósent af mánaðar-
laununum fara í fatakaup?
Lítil prósenta þar sem ég vinn í
fatabúð og er fatahönnuður. Það
er annað mál ef ég kemst til út-
landa.
HRAFNHILDUR HÓLMGEIRSDÓTTIR
Fatahönnuður
27 ára
Áhrifavaldar í tískunni?
Veit ekki hverjir áhrifavaldarnir
eru en mér finnst hönnuðurnir
Asfour, Marjan Pejoski, Malko
Malka, Undercover, Alexander
McQueen, Capucci og Bernhard
Wilhelm skemmtilegir.
Mest notaða flíkin þessa dagana?
Hinn fullkomnni hettupeysukjóll
fra merkinu minu Aftur.
Mestu mistökin í fatakaupum?
Engin mistök en fullt af skrýtn-
um tilraunum sem skiluðu ekki
endilega árangri.
Hvar verslar þú á Íslandi og af
hverju?
Nonnabúð, Spútnik og notuð föt í
Kolaportinu.
Hvar verslar þú í útlöndum og af
hverju?
Kokon to Zai í London, Seven í
New York og Factory í Tókýó því
þar eru ungir og framúrskarandi
hönnuðir. Einnig á öllum flóa-
mörkuðum sem ég finn.
Hve mörg prósent af mánaðar-
laununum fara í fatakaup?
Ég veit ekki hvað ég er með í
mánaðarlaun, hvað þá hvað ég
eyði miklu í föt. En eiginlega eyði
ég engu.
URÐUR HÁKONARDÓTTIR
Söngkona í Gus Gus
24 ára
Áhrifavaldar í tískunni?
Ég veit eiginlega ekki hverjir
áhrifavaldarnir eru.
Mest notaða flíkin þessa dagana?
Það er toppbolur eftir Báru
Hólmgeirsdóttur úr Spútnik.
Mestu mistökin í fatakaupum?
Ég keypti mér einhvern tímann
þykkbotna teknóskó í Mótor þeg-
ar ég var á gelgjuskeiðinu. Ég
gekk ekki oft í þeim.
Hvar verslar þú á Íslandi og af
hverju?
Ég versla mest í Spútnik af því
að mér finnst fötin þar flott og í
Nonnabúð. Það hefur kannski
einhver áhrif að ég vinn í
Spútnik en mér finnst fötin þar
samt flottust.
Hvar verslar þú í útlöndum og af
hverju?
Á engum sérstökum stöðum en
ég leita uppi second hand föt.
Hve mörg prósent af mánaðar-
laununum fara í fatakaup?
Á meðan ég vinn í fatabúð eru
það um 25% en þegar ég er ekki
að vinna þar er það miklu minna.
Tískan fer í hringi og það sem var eitt sinn í tísku kemur alltaf aftur. En hverjir móta
tískuna og hafa áhrif á hvaða föt við hin veljum? Fréttablaðið leitaði ráða.
Það er misjafnt hvert fólk sæk-ir innblástur þegar tískan er
annars vegar; sumir fylgja
straumnum á meðan aðrir reyna
að vera frumlegir í fatavali.
Tískufrömuðir, sem stundum
eru kallaðir trendsetters upp á
ensku, koma og fara eins og tískan
sjálf. Þeir vekja athygli í sam-
félaginu, eru áberandi vegna
klæðnaðar og hárgreiðslu, enda
þora þeir að taka af skarið og
bregða út af viðteknum venjum.
Hinir fylgja svo í kjölfarið, klæða
sig og greiða eins og þeir sem
leggja línurnar. Einkenni góðra
tískufrömuða er að nýta sér það
sem áður hefur verið gert og
blanda saman ólíkum stílum frá
mismunandi tímabilum – það
kostar nefnilega tíma og orku að
reyna að finna upp hjólið á ný.
Inni í gær, úti á morgun
Íslenskir tískufrömuðir koma
og fara, rétt eins og tískan sjálf.
Með aldrinum byrja sumir að
klæðast á hefðbundnari hátt en
svo fer fyrir þessari stétt eins og
öðrum; þeir sem voru inni í gær
geta orðið úti á morgun.
Það er ekki endilega ætlun
allra tískufrömuðanna að skapa
trend eða láta fjöldann fylgja sér.
Stundum gerist það ósjálfrátt.
Birgitta Haukdal hafði t.d. ekki í
hyggju að vel flestar ungmeyjar
landsins fylgdu í hennar fótspor
hvað klæðnað og aukahluti varðar
en það gerðist nú samt.
Öfugt við hana eru svo
Rottweilerhundarnir sem skynj-
uðu vinsældir sínar vel og létu í
framhaldinu hanna sérstaka fata-
línu sem nefnd var eftir sveitinni.
Hljómsveitin Mínus hefur
skapað sér sterka og mikla rokk-
araímynd og má fullyrða að hún
sé í sérstæðri stöðu þegar kemur
að straumum og stefnum. Um leið
og liðsmenn Mínuss horfa til sér
eldri, reyndari og frægari rokk-
ara á borð við Keith Richards og
Axl Rose lítur margur táningur-
inn til þeirra þegar kemur að fata-
vali, flúri og hársídd.
Þá er vert að rifja upp að marg-
ir litu upp til Bjögga Halldórs í
den og brutu í sér framtennurnar
til að líkjast honum sem mest. Svo
segir sagan í það minnsta.
Snjóbretti og dauðinn
Fréttablaðið fýsti að vita hverj-
ir leiða tískuna í samfélaginu
þessi dægrin og ræddi í því
augnamiði við fjölmarga einstak-
linga sem lifa og hrærast í heimi
unga og fallega fólksins.
Nokkrir voru nefndir oftar en
aðrir og í þeim hópi var Aðalheið-
ur Birgisdóttir, eða Heiða í Nikita
eins og hún er oftast kölluð. Heiða
hefur slegið í gegn með fatalínu
sinni sem tengist snjóbretta-
lífsstílnum. Nikita-vörurnar eru
seldar úti um allan heim og hon-
um klæðast margar af frægustu
snjóbrettakonum veraldar auk
þess að koma fram í auglýsingum
fyrir fyrirtækið. Fatalínan nýtur
mikilla vinsælda hér á landi og
einskorðast ekki bara við stúlkur
á snjóbrettum heldur höfða þau til
allra aldurshópa úr öllum geirum
samfélagsins.
Jón Sæmundur Auðarson,
Nonni í Nonnabúð, hefur síðustu
mánuði vakið mikla athygli fyrir
vörumerkið sitt Dead en í verslun
hans eru t.d. seldir bolir, peysur,
húfur og póstkort sem tengjast
dauðanum á einn eða annan hátt.
Einn ráðgjafa Fréttablaðsins
sagði Nonna nálgast dauðann á
talsvert óvenjulegan hátt og að
hauskúpan hafi öðlast nýtt gildi í
meðförum hans. Dauðavörurnar
hjá Nonna hafa runnið út eins og
heitar lummur og virðast þær
jafn vinsælar hjá Íslendingum og
erlendum ferðamönnum.
Gel og spútnik
Jón Atli Helgason, í hár-
greiðslustofunni Gel, var einnig
nefndur sem einn af tískufröm-
uðum Íslands. Jón Atli, sem bæði
er klippari og bassaleikari í rokk-
hljómsveitum (Fidel, Quarashi),
hefur notið mikilla vinsælda hjá
stórum hópi fólks sem vill leita
nýrra leiða í hárgreiðslu.
Skiptir þar ekki máli hvort um
sé að ræða miðaldra konur eða
stráka í rokkhug. Ráðgjafar
Fréttablaðsins segja Jón Atla
vera ófeiminn og fljótan að
kynna sér það sem er að gerast
úti í heimi og að hann hafi húmor
fyrir sjálfum sér, sem er mikil-
vægur kostur. Jón Atli veitir al-
hliða klippingu en þegar honum
er gefinn laus taumurinn vill
hann gera eitthvað óhefðbundið
og búa til nýjar línur.
Eins og áður kom fram er tón-
listarfólk áberandi í tískuheim-
um og fólk lítur gjarnan til þess
þegar fara á nýjar leiðir. Urður,
söngkona í Gus Gus, þykir leið-
andi í fatavali, hún vill bæði og
þorir að vera öðruvísi en aðrir og
þegar hún hefur klæðst flík þykir
öðrum óhætt og flott að gera það
sama.
Bára og Hrafnhildur Hólm-
geirsdætur voru þeir tískufröm-
uðir sem ráðgjafarnir nefndu oft-
ast. Systurnar hafa stýrt hinni
svokölluðu spútniktísku síðasta
áratug en þær hafa starfað sem
verslunar- og innkaupastjórar í
búðinni. Sú tíska sem kennd er
við Spútnik er kannski sú tíska
sem sker sig hvað mest frá meg-
instraumnum þar sem fólk er
óhrætt við að reyna eitthvað nýtt.
Ráðgjafar Fréttablaðsins
nefndu einnig Andreu og Birtu
sem reka hönnunarstofuna Uni-
form. Stúlkurnar hafa verið að
hanna sína eigin fatalínu upp á
síðkastið og gera margt framúr-
skarandi.
Ungur temur – gamall
nemur
Ráðgjafar Fréttablaðsins nefn-
du mun fleiri nöfn sem hugsan-
lega tískufrömuði, t.d. menn á
Tískufrömuðir Ísla