Fréttablaðið - 03.04.2004, Qupperneq 31
Laugardagur 3. apríl 2004
Hátíðarfugl er kjúklingur sem er séralinn upp í 3,5-4 kg að þyngd. Hátíðarfugl
fæst bæði reyktur og óreyktur. Eldunartími á hátíðarfugli er um 40 mínútur á
hvert kg. Nákvæmari eldunarleiðbeiningar eru á umbúðunum.
Hátíðarfugl
Hollur og góður hátíðarmatur
Reykjagarður hf
Hátíðarfuglinn fæst í öllum helstu verslunum.Verðlaunavörur frá Reykjagarði
Egg:
Tákn fyrir páskana,
vorið og frjósemina
Egg eru tákn fyrir páskana, vorið og frjósemina. Í þeim kviknar líf
við hin réttu skilyrði. Nægir þar að minn á egg fuglanna sem þeir
verpa í hreiður sín og liggja þar á þeim uns unginn er fullskapaður
og brýst út.
Sérstakir siðir tengjast eggjum og páskum, víða um heim. Víða er
lagt mikið upp úr skreytingum á eggjum og sérstakir eggjaleikir eru
til, svo sem eggjaleit. Hér á landi eru páskaeggjasiðir einkum fólgnir
í súkkulaðieggjaáti. Sumir leggja vinnu í að steypa eggin sjálfir, enda
fást til þess þar til gerð form. Langflestir fara samt í búðirnar og leg-
gja út fé fyrir tilbúnum eggjum af þeim stærðum sem skynsemin
býður og pyngjan ræður við.
Harðsoðin, steikt, hrærð og fljótandi
Egg eru notuð linsoðin, harðsoðin, steikt, fljótandi, hrærð og einnig í
ýmsa rétti, svo sem súpur og sósur. Eggjakökur (omelettur) eru fyr-
irtaksmáltíð og út í þær er upplagt að nota afganga af köldu kjöti og
grænmeti. Harðsoðin egg eru úrvalsálegg, næringargildið er mikið
og svo eru þau líka lystug og falleg. Þau eru undirstaða í ýmsa rétti
til dæmis frómas.
Þegar egg eru soðin þarf að gæta þess að skurnin brotni ekki. Því
er ekki ráðlegt að taka eggin beint úr ísskápnum og skella þeim beint
í pottinn, heldur leyfa þeim að standa á borði fyrir suðu. Best er að
setja eggin í kalt vatnið og byrja þó ekki að taka tímann fyrr en suð-
an kemur upp. Vatnið á að hylja eggin og meðalegg þurfa 3–4 mín-
útna suðu til að vera linsoðin en harðsoðin egg þurfa upp að 8–10
mínútna suðu eftir stærð.
Ómissandi í kökurnar
Þegar kemur að kökubakstri eru egg nær ómissandi. Þau tryggja
góða lyftingu og fallegt útlit því eiginlega halda þau kökunni saman.
Það er því erfitt að baka góðar kökur eggjalausar. En sé það nauðsyn-
legt vegna ofnæmis einhvers sem á að borða kökurnar verður að
gæta þess að nota lítið af smjöri í kökuna. Betra er að taka eggin úr
kælinum nokkru áður en byrjað er að baka, svo þau séu við sama
hitastig og annað bökurnarefni.
Fullt hús matar:
Næringargildi
Egg eru auðug af próteinum og steinefnum. Því teljast þau hentug og
holl fæða fyrir flesta. Þau eru „fullt hús matar“. Eitt egg og glas af
appelsínusafa inniheldur nær allan vítamínforðann sem maðurinn
þarf yfir daginn. Mest er notað af hænueggjum til matar og allar
uppskriftir miðast við þau. Anda-, gæsa- og svartfuglsegg þykja þó
hlunnindi þar sem í þau næst á vorin. Þá eru kríuegg líka hnossgæti.
Hænuegg næringargildi miðað við 100 g:
Hitaeiningar 143
Prótein 11 g
Fita 10 g
Járn 2.6 mg
A vítamín 1000 ae
D vítamín 80
B1 vítamín 40