Fréttablaðið - 21.04.2004, Side 2
2 21. apríl 2004 MIÐVIKUDAGUR
„Nei, raunveruleikinn er alltaf súr-
realískari.“
RÚV dró, sem kunnugt er, til baka tilboð í
sýningarrétt á öllum kvikmyndum
Íslensku kvikmyndasamsteypunnar.
Spurningdagsins
Friðrik, voru samningaviðræðurnar
við RÚV algjört bíó?
■ Evrópa
Kúvending á stefnu
bresku ríkisstjórnarinnar
Tony Blair, forsætisráðherra Bretlands, hefur látið undan þrýstingi
stjórnarandstæðinga og ákveðið að boða til þjóðaratkvæðagreiðslu
um nýja stjórnarskrá Evrópusambandsins.
BRETLAND Tony Blair, forsætisráð-
herra Bretlands, hefur breytt al-
gerlega um stefnu og ákveðið að
boða til þjóðaratkvæðagreiðslu um
nýja stjórnarskrá Evrópusam-
bandsins. Blair segir að fjallað
verði ítarlega um stjórnarskrána á
breska þinginu áður en hún verði
lögð undir þjóðaratkvæði, að líkind-
um eftir þingkosningarnar á næsta
ári. Leiðtogar Evrópusambandsins
hafa enn ekki komist að samkomu-
lagi um öll atriði stjórnarskrárinn-
ar en stefnt er að því að afgreiða
málið fyrir lok júní.
„Leyfum þjóðinni að eiga loka-
orðið,“ sagði Blair þegar hann
ávarpaði þingið í gær. Fram til
þessa hefur breska ríkisstjórnin
haldið því fram að ekki væri þörf á
því að leita álits þjóðarinnar á mál-
inu þar sem stjórnarskráin fæli
ekki í sér grundvallarbreytingar á
stöðu Bretlands í Evrópusamband-
inu. Forsætisráðherrann sagði
þingmönnum að það væri kominn
tími til þess að taka ákvörðun um
það í eitt skipti fyrir öll hvort þetta
Bretland ætlaði að gegna leiðandi
hlutverki í Evrópusamstarfinu eða
halda sig á jaðrinum.
Michael Howard, leiðtogi
Íhaldsflokksins, hefur lýst efa-
semdum um ágæti nýju stjórnar-
skrárinnar fyrir bresku þjóðina.
Hann hæddist þó að stefnubreyt-
ingu forsætisráðherrans og sagði
hann vera tækifærissinna. „Hver
mun geta treyst þér aftur,“ spurði
Howard Blair.
Tvísýnt er um úrslit þjóðar-
atkvæðagreiðslunnar þar sem
breska þjóðin skiptist í tvær fylk-
ingar í afstöðu sinni til stjórnar-
skrárinnar. Stjórnmálaskýrendur
segja að ef breskir kjósendur hafni
stjórnarskránni muni Blair að lík-
indum verða knúinn til að segja af
sér embætti forsætisráðherra.
Þjóðaratkvæðagreiðsla fór
síðast fram í Bretlandi árið 1975. Þá
voru breskir kjósendur spurðir
álits á því hvort þeir vildu vera
áfram í Efnahagsbandalagi Evrópu,
sem þá var og hét, og var mikill
meirihluti þjóðarinnar þeirrar
skoðunar. ■
Sjúklingum brugðið:
Allt að 800 prósenta
hækkun á lyfi
LYFJAMÁL Verð blóðfitulækkandi
lyfsins Zarator, sem margir hjarta-
sjúklingar nota, mun hækka gífur-
lega eftir að ákvörðun heilbrigðis-
ráðuneytsins um viðmiðunarverð
samanburðarlyfja gengur í gildi um
næstu mánaðamót. Lífeyrisþegar
sem vilja halda áfram að nota lyfið
verða að greiða allt að 799 prósent-
um hærra verð fyrir það eftir
breytingu og almennir sjúklingar
allt að 222 prósentum meira, sam-
kvæmt útreikningum lyfjahóps
Félags íslenskra stórkaupmanna.
Þeir sem með læknisfræðilegum
rökum verða að nota lyfið áfram
geta þó fengið uppáskrift frá lækni
sínum og þá hærri greiðsluþátttöku
hjá Tryggingastofnun ríkisins
„Við sættum okkur ekki við það
hlutskipti að verða fórnarlömb í
verðstríði milli ríkis og heildsala,
því þetta er ekkert annað,“ sagði
Eggert Skúlason hjá Landssamtök-
um hjartasjúklinga.
Eggert sagði enn fremur að
Landssamtök hjartasjúklinga hefði
ekki sagt sitt síðasta orð í þessu
máli. Efnt yrði til málþings næst-
komandi laugardag kl. 10 í súlnasal
Hótel Sögu. Þar yrðu fulltrúar
lækna, ýmissa sjúklingasamtaka og
ráðuneytisins, sem myndu rök-
styðja sitt mál.
Þá yrði athugað hvort Landssam-
tökin mættu kaupa lyf beint af
heildsölunum eða jafnvel flytja þau
inn erlendis frá. ■
Orkuverð á Norðurlöndum:
Ódýrast í
Reykjavík
ORKUMÁL Orkuverð í Reykjavík er
hagstætt miðað við verð í höfuðborg-
um nágrannalandanna samkvæmt
skýrslu orkustefnunefndar Reykja-
víkur. Orkuveita Reykjavíkur kann-
aði í ágúst í fyrra orkukostnað fyrir
íbúð með fjórum íbúum hérlendis og í
fjórum höfuðborgum á Norðurlönd-
unum. Orkukostnaðurinn í Reykjavík
var lægstur, að meðaltali 83 þúsund
krónur á ári, samanborið við 143 þús-
und í Helsinki þar sem hann var
næstlægstur. Orkukostnaðurinn í
Stokkhólmi var 176 þúsund á ári og
215 þúsund í Ósló. Orkuverð var hæst
í Kaupmannahöfn nálægt 223 þúsund
krónum eða 170% hærri. ■
FÓRNARLAMB BARNANÍÐINGS
Sabine Dardenne neitaði að fyrirgefa
misgjörðir Marc Dutroux.
Barnaníðingur biðst
afsökunar:
Fórnarlömb-
in fyrirgefa ei
BELGÍA, AP Belgíski barnaníðingur-
inn Marc Dutroux bað fórnarlömb
sín afsökunar eftir að hafa hlýtt á
vitnisburð þeirra fyrir rétti.
Stúlkurnar tvær, Sabine Dar-
denne og Laetitia Delhez, neituðu
að taka við afsökunarbeiðninni og
sögðu honum að fara til helvítis.
Dardenne og Delhez voru tólf
og fjórtán ára þegar Dutroux
rændi þeim árið 1996. Þær hafa
lýst því fyrir rétti hvernig hann
slævði þær með lyfjum og nauðg-
aði þeim ítrekað í sérútbúnum
klefa í kjallara heimilis síns. „Er
ekki hægt að þagga niður í þess-
um manni,“ spurði Dardenne
þegar Dutroux lýsti því yfir að
hann hefði rænt Delhez til að hún
fengi til sín vinkonu. ■
Fréttablaðið:
Útgáfa á
sumardag-
inn fyrsta
ÚTGÁFA Fréttablaðið kemur út á
morgun, sumardaginn fyrsta,
líkt og aðra daga. Afgreiðslan
verður opin á morgun klukkan
9–17. ■
FANGAR
Yfir 4.400 fangar eru í Abu Ghraib,
stærsta fangelsi Íraks.
Sprengjum varpað á
fangelsi:
Yfir tuttugu
fangar fórust
BAGDAD Að minnsta kosti 22 íraskir
fangar létu lífið og 92 særðust þeg-
ar tólf sprengjum var varpað á Abu
Ghraib fangelsið skammt frá
Bagdad. Fangelsinu er stjórnað af
bandaríska hernámsliðinu.
Að sögn talsmanns bandaríska
hersins voru öll fórnarlömbin Írak-
ar sem grunaðir eru um aðild að
árásum á Bandaríkjamenn í Írak
eða fyrrum bandamenn Saddams
Hussein. Yfir 4.400 einstaklingar
eru í haldi í fangelsinu sem er yfir
einn ferkílómetri að stærð. ■
Glitnir kemur flér í samband
vi› rétta bílinn
– traustur samstarfsa›ili í fjármögnun
RITARI STAL HUNDRUÐUM MILLJ-
ÓNA Kona sem starfaði sem ritari
hjá breska fjárfestingarfyrirtækinu
Goldman Sachs hefur verið fundin
sek um að hafa stolið sem svarar
yfir 560 milljónum íslenskra króna
frá yfirmönnum sínum til að kaupa
fasteignir, bíla, föt og skartgripi.
Konan neitaði sök og hélt því fram
að yfirmennirnir hefðu gefið henni
peningana fyrir vel unnin störf.
KRÓATÍA Í EVRÓPUSAMBANDIÐ
Framkvæmdastjórn Evrópusam-
bandsins hefur fallist á að hefja að-
ildarviðræður við stjórnvöld í Króa-
tíu. Í yfirlýsingu frá ESB kemur
fram að Króatar séu með virkt lýð-
ræði og traust dómkerfi og þeir hafi
sýnt samvinnu í leitinni að meintum
stríðsglæpamönnum.
Orkustefnunefnd leggur til að Orkuveitu Reykjavíkur
verði breytt í hlutafélag:
R-listinn vill engar
breytingar
ORKUMÁL Reykjavíkurlistinn vill
ekki að Orkuveitu Reykjavíkur
verði breytt í hlutafélag eins og
meirihluti orkustefnunefndar
leggur til í skýrslu sem kynnt
var í gær.
„Það var sameiginleg
ákvörðun þegar fyrirtækið var
stofnað að gera það að sam-
eignafyrirtæki og í sjálfu sér
hefur ekkert mjög mikið breyst
síðan,“ segir Alfreð Þorsteins-
son, borgarfulltrúi og stjórnar-
formaður Orkuveitu Reykja-
víkur. „Það er ákveðinn ótti hjá
ýmsum að ef fyrirtækinu verði
breytt í hlutfélag þá verði það
fyrsta skrefið í átt að einka-
væðingu. Það er mjög breið
samstaða um það innan borgar-
stjórnar, ég held bæði hjá
meirihluta og minnihluta, að
fyrirtækið verði í almanna-
eigu.“
Aðspurður segist Alfreð ekki
telja að einkarekstrarformið
henti Orkuveitunni.
„Ef við færum út í það að
einkavæða Orkuveituna þá
myndu þeir sem hana eignast
væntanlega gera kröfu um
meiri arðsemi af því fjármagni
sem þeir lögðu í fyrirtækið. Við
gerum ekki þessa kröfu heldur
viljum við að þjónustan verði
sem ódýrust fyrir borgarbúa.“ ■
EGGERT SKÚLASON
Landssamtök hjartasjúklinga
blása til sóknar.
ALFREÐ ÞORSTEINSSON
Aðspurður segist Alfreð ekki telja að
einkarekstrarformið henti Orkuveitunni.
TONY BLAIR
Forsætisráðherra Breta vill að ný stjórnarskrá Evrópusambandsins verði lögð undir þjóð-
aratkvæði eftir að fjallað hefur verið ítarlega um innihaldið í breska þinginu.
Þjóðaratkvæðagreiðsla um
stjórnarskrá Evrópusambandsins
Níu lönd, Spánn, Portúgal, Bretland, Ír-
land, Danmörk, Lúxemburg, Holland,
Tékkland og Pólland, hafa lýst því yfir
að þau hyggist boða til þjóðaratkvæða-
greiðslu um nýja stjórnarskrá Evrópu-
sambandsins.
Í Frakklandi, Finnlandi, Eistlandi, Ung-
verjalandi, Slóvakíu, Slóveníu, Litháen
og á Ítalíu hefur ekki verið tekin end-
anleg ákvörðun um það hvort ný
stjórnarskrá Evrópusambandsins verður
lögð undir þjóðaratkvæði.
Ólíklegt er talið að boðað verði til
þjóðaratkvæðagreiðslu um nýja stjórn-
arskrá Evrópusambandsins í Svíþjóð,
Þýskalandi, Belgíu, Austurríki, Grikk-
landi og Lettlandi.