Fréttablaðið - 06.05.2004, Blaðsíða 12
12 6. maí 2004 FIMMTUDAGUR
DAGUR BARNA
Fjöldi japanskra barna hélt í sædýrasafnið
í Fujisawa í gær en þá var dagur barnanna,
sem er frídagur barna í Japan og reyndar
víðar í Asíu. Meðal þeirra sem fóru í sæ-
dýrasafnið var þessi ungi drengur sem dró
upp símann til að mynda það sem vakti
áhuga hans.
AUSTURBYGGÐ Bæjarráð Fjarða-
byggðar og Austur-Héraðs,
ásamt bæjarstjórum sveitarfé-
laganna, hafa samþykkt að stilla
saman strengi sína vegna þeirr-
ar miklu uppbyggingar sem nú
er hafin á Austurlandi og snert-
ir þessi tvö fjölmennustu sveit-
arfélög á miðsvæði landshlutans
sérstaklega.
Þau verkefni sem við blasa á
miðsvæði Austurlands eru svo
mörg og svo viðamikil að nauð-
synlegt er að efla samvinnu og
samstöðu fjölmennustu sveitar-
félaganna sem að þeim koma. Á
fundi sveitarfélaganna var með-
al annars farið yfir reynslu
sveitarfélaganna af uppbygg-
ingarverkefnum hingað til og
fjallað um þau verkefni sem
framundan eru. Má í því sam-
bandi nefna mörg mál sem snúa
að ríkisvaldinu og stofnunum
þess í landshlutanum. Þeirra á
meðal eru samgöngumál, heil-
brigðismál, menntamál, lög-
gæslumál og starfsemi eftirlits-
stofnana.
Þá var einnig fjallað um hugs-
anleg samstarfsverkefni sveitar-
félaganna eins og til dæmis bygg-
ingu og rekstur fjölnota íþrótta-
húss. Þá var fjallað um stöðu
nokkurra viðkvæmra mála í sam-
skiptum sveitarfélaganna eins og
til dæmis framtíð Skólaskrifstofu
Austurlands og skipulag skóla-
þjónustu, en nokkur ágreiningur
hefur verið um skólaskrifstofuna
svo og um Heilbrigðiseftirlit
Austurlands. ■
Tvískinnungs gætir
í ráðningum RÚV
Fulltrúi Samfylkingarinnar í útvarpsráði gagnrýnir ráðningastefnu RÚV. Konu hafnað
um starf á fréttadeild vegna þátttöku í kosningabaráttu Vinstri grænna.
Fyrrum kosningastjóri Sjálfstæðisflokksins stýrir svæðisútvarpinu á Suðurlandi.
RÍKISÚTVARPIÐ Fyrrum kosninga-
stjóri Sjálfstæðisflokksins í Ár-
borg stýrir nú svæðisútvarpi Rík-
isútvarpsins á Suðurlandi. Svan-
fríður Jónasdóttir, fulltrúi Sam-
fylkingarinnar í útvarpsráði, seg-
ir alveg ljóst að það gæti tví-
skinnungs í ráðningarstefnu
stofnunarinnar og bendir á nýlegt
mál Helgu Völu Helgadóttur því
til sönnunar.
Fyrir skömmu
var umsókn
Helgu Völu um
sumarstarf á
fréttastofu hafn-
að á þeim for-
sendum að hún
hefði verið virk í
pólitík. Bent var
á að hún hefði
tekið þátt í kosn-
i n g a b a r á t t u
Vinstri-grænna á
síðasta ári. Bogi
Ágústsson, for-
s t ö ð u m a ð u r
fréttsviðs Ríkis-
útvarpsins, sagði Fréttablaðinu á
mánudaginn að ákveðnar reglur
giltu um ráðningar inn á frétta-
stofur Ríkisútvarpsins. Ein af
þeim væri að fólk sé ekki í virkri
pólitískri þátttöku eða hefði verið
að undanförnu.
Á síðasta ári var Sigmundur
Sigurgeirsson, fyrrum kosninga-
stjóri sjálfstæðismanna í Árborg
og stjórnarmaður í Hersi, félags
ungra sjálfstæðismanna á svæð-
inu, ráðinn forstöðumaður Ríkis-
útvarpsins á Suðurlandi. Svan-
fríður segir algjört lágmark að
sömu reglur gildi fyrir alla á Rík-
isútvarpinu.
„Ef Bogi hafnaði Helgu Völu á
grundvelli þessara reglna þá velti
ég því fyrir mér af hverju hann
benti ekki á það sama þegar Sig-
mundur var ráðinn. Í útvarpsráði
komu engar athugasemdir frá yf-
irmönnum Ríkisútvarpsins að það
væri eitthvað í pólitískri fortíð
hans sem skipti máli. Sigmundur
er eini starfsmaður svæðisút-
varpsins á Suðurlandi þannig að
hann er fréttamaður líka. Ég hlýt
að velta því fyrir mér hvort það
gildi aðrar reglur ef Sjálfstæðis-
flokkurinn á í hlut.“
Þegar Fréttablaðið ræddi við
Boga í gær og spurði hvort það
giltu ekki sömu reglur um ráðn-
ingar fréttamanna sagði hann:
„Hann [Sigmundur] er ekki
starfsmaður minn og ég tjái mig
ekki um ráðningu hans. Hann
heyrir undir Jóhann Hauksson
[yfirmann svæðisútvarpsins]. Ég
er með mínar reglur og fylgi mín-
um reglum en svara ekki fyrir
einhverja aðra.“
trausti@frettabladid.is
– hefur þú séð DV í dag?
14 ára dóttir
mín strauk að
heiman og
vill ekki koma heim
Lífeyrissjóðir leita út:
Met í erlend-
um kaupum
VIÐSKIPTI Hrein erlend verðbréfa-
kaup námu tæpum 11 milljörðum
króna í mars síðastliðnum, sem er
nýtt met í slíkum viðskiptum en í
febrúarmánuði námu erlend verð-
bréfakaup tæpum átta milljörðum.
Þetta kemur fram í hálffimmfrétt-
um greiningardeildar KB banka. Að
sögn bankans verður að leita aftur
ársins 2000 til þess að finna viðlíka
viðskipti. Lífeyrissjóðirnir eru
stærstu kaupendur erlendra bréfa.
Greiningardeildin telur líkindi
til þess að erlend verðbréfakaup
séu ein helsta ástæðan fyrir lækkun
krónunnar á síðustu vikum, en alls
hafa þá 19 milljarðar runnið út úr
landinu til hreinna erlendra verð-
bréfakaupa á síðustu tveimur mán-
uðum. ■
Norsk stjórnvöld:
Vísa Krekar
úr landi
NOREGUR Norsk stjórnvöld munu
reyna að vísa íslamska klerknum
Krekar úr landi um leið og Írakar
taka við hluta
s j á l f s t j ó r n a r
sinnar 30. júní.
Krekar hefur
verið sakaður um
að ýta undir ís-
lamska bókstafs-
trú í Noregi og
meint tengsl hans
við hryðjuverka-
starfsemi eru til
rannsóknar hjá
lögreglu. Niður-
stöðu er að vænta í mánuðinum um
hvort hann verður ákærður.
„Við munum vísa honum úr landi
eins fljótt og við getum og dagsetn-
ingin 30. júní er mjög mikilvæg í
þessu samhengi,“ sagði Roger Iver-
sen, stjórnmálaráðgjafi norska inn-
anríkisráðherrans í samtali við
norska blaðið Dagsavisen. ■
Stjórnvöld hafa ekki svarað tilboði Grænfriðunga:
Herða baráttuna gegn hvalveiðum
MÓTMÆLI „Íslensk stjórnvöld hafa
ekki svarað tilboði okkar og ekki
átt fundi með okkur upp á
síðkastið,“ segir Frode Pleym, tals-
maður Grænfriðunga hér á landi.
Þrátt fyrir lítil viðbrögð stjórn-
valda hafa samtökin ekki gefist
upp á baráttu sinni gegn vísinda-
veiðum Íslendinga og hyggjast
herða róðurinn enn frekar innan
tíðar. Auglýsingaherferð gegn
hvalveiðum hér við land er farin af
stað í Svíþjóð og stendur til að önn-
ur hefjist í Þýskalandi fljótlega.
„Í sumar kemur hingað annað
skip samtakanna og munum við
endurtaka þann leik að fara milli
staða og kynna málstaðinn enda
fóru móttökurnar fram úr vonum
síðasta sumar. Einnig stendur
fyrir dyrum að koma á skoðana-
skiptum milli íslenskra og þýskra
heimila en innan tíðar munu nokk-
ur þúsund heimili fá bréf frá fólki
sem styður okkur og hefur áhuga
að vita meira.“
Rúmlega 36 þúsund manns
hafa skrifað nöfn sín á undir-
skriftalista samtakanna á netinu
þar sem fólk lýsir áhuga sínum á
landi og þjóð og mögulegri heim-
sókn hingað til lands ef stjórn-
völd hætta vísindaveiðum sínum
á hvölum. ■
SMÁRI GEIRSSON BÆJARFULL-
TRÚI Í FJARÐABYGGÐ
Á fundi sveitarfélaganna var meðal
annars farið yfir reynslu sveitarfélag-
anna af uppbyggingarverkefnum
hingað til og fjallað um þau verk-
efni sem framundan eru.
KLERKURINN
UMDEILDI
Búist er við langri
baráttu um hvort
honum verði vísað
úr landi eða fái að
vera áfram í Noregi.
GRÆNFRIÐUNGAR
Auglýsingaherferð gegn hvalveiðum hafin í Svíþjóð og hefst fljótlega í Þýskalandi.
FR
ÉT
TA
B
LA
Ð
IÐ
/H
AR
I
RÍKISÚTVARPIÐ Sigmundur Sigur-
geirsson var einfaldlega hæfastur í
starfið og þess vegna var hann ráð-
inn, að sögn Jóhanns Haukssonar,
dagskrárstjóra Rásar 2 og yfir-
manns svæðisútvarpsins.
„Sigmundur var valinn úr hópi
nokkurra umsækjenda og eftir að
hafa metið hæfni hans þótti hann
álitlegastur,“ segir Jóhann. „Ég tek
alveg ábyrgðina á ráðningu hans
því ég mælti með honum. Mig
varðaði ekkert um pólitískar skoð-
anir hans.“
Jóhann segist hafa sömu skoð-
un varðandi Helgu Völu Helga-
dóttur, sem var hafnað um sum-
arstarf hjá fréttadeild, enda hafi
hann ráðið hana til vinnu á Rás 2
í sumar. ■
Dagskrárstjóri Rásar 2:
Sigmundur var hæfastur
JÓHANN HAUKSSON
Jóhann segir sig ekkert varða um pólitísk-
ar skoðanir Sigmundar Sigurgeirssonar.
BOGI ÁGÚSTS-
SON
„Ég er með mínar
reglur og fylgi mín-
um reglum en
svara ekki fyrir ein-
hverja aðra.“
RÍKISTÚVARPIÐ Í EFSTALEITI
Fulltrúi Samfylkingarinnar segir lágmark að það gildi sömu reglur um alla þegar komið
að ráðningum hjá Ríkisútvarpinu.
Mikil uppbygging hafin á Austurlandi:
Sveitarfélög ræða um samvinnu