Fréttablaðið - 06.05.2004, Blaðsíða 18

18 6. maí 2004 FIMMTUDAGUR
KOSIÐ TIL ÞINGS
Indversku þingkosningarnar héldu áfram í
gær en þær dreifast yfir hálfs mánaðar
langt tímabil. Til að koma í veg fyrir að
kjósendur greiði atkvæði oftar en einu
sinni eru fingur þeirra merktir þannig að
starfsmenn kosninganna sjái hvort við-
komandi hafi kosið áður eða ekki.
Formaður allsherjarnefndar um fjölmiðlafrumvarpið:
Á ekki von á
þverpólitískri sátt
ALÞINGIS „Ég er ekkert sérstaklega
vongóður um að þverpólitísk sátt
náist um efnisatriði þessa frum-
varps, miðað við þá umræðu sem
fram hefur farið um málið hingað
til. Hins vegar vonast ég til þess
að það verði sátt um þá meðferð
sem málið fær í nefndinni, en á
það á eftir að reyna innan hennar,“
segir Bjarni Benediktsson, for-
maður allsherjarnefndar Alþingis,
um það hvort hann telji að sátt ná-
ist um frumvarp forsætisráðherra
um eignarhald á fjölmiðlum.
Frumvarpinu hefur verið vísað
til allsherjarnefndar og að sögn
Bjarna verður leitað umsagnar
hjá öllum helstu hagsmunaaðil-
um, þar á meðal Blaðamanna-
félagi Íslands. Nefndin hafnaði
beiðni Samfylkingarinnar um að
umsagnar yrði leitað um málið hjá
Evrópuráðinu, en Bjarni segir
ekki fordæmi fyrir því að mál fari
til umsagnar hjá ráðinu. Hann
segir enga ástæðu til að ætla að
frumvarpið geti ekki tekið breyt-
ingum innan nefndar.
„Á þessu stigi liggur þó ekkert
fyrir sem gefur til kynna að málið
taki einhverjum ákveðnum breyt-
ingum,“ segir hann. ■
Ríkisútvarpið er með
Austur-Evrópusniði
Ríkisútvarpið er með svipuðu sniði og tíðkast í löndum Austur-Evrópu segir lögfræðingur hjá
Evrópuráðinu. Stjórnmálaöfl ættu ekki að geta náð meirihluta í yfirstjórn ríkisútvarps.
Gjalda verði varhuga á að yfirfæra módel fjölmiðlalaga milljónaþjóða á lítið þjóðfélag.
FJÖLMIÐLALÖG Staða Ríkisútvarps-
ins á Íslandi er sú sama og í mörg-
um löndum Austur-Evrópu sem
Evrópuráðið hefur verið að reyna
að færa til betri vegar. Þetta segir
Páll Þórhallsson, lögfræðingur í
fjölmiðladeild Evrópuráðsins.
Hann segir að tryggja þurfi
sjálfstæði Ríkisútvarpsins hér á
landi og koma ætti á fót sjálfstæðri
stofnun sem sjái um að úthluta út-
varpsleyfum og hafa eftirlit með
starfsemi útvarpsstöðva.
„Í þeim löndum Austur-Evrópu
þar sem þetta er ekki í lagi hefur
Evrópuráðið reynt að hvetja til
þess að komið verði á fót fyrir-
komulagi á útvarpsráði þar sem
ríkisstjórnarmeirihlutinn er ekki
með meirihluta. Fremur ættu
frjáls félagasamtök að skipa þriðj-
ung meðlima til að tryggja að eitt
stjórnmálaafl eða ríkisstjórnar-
meirihluti geti ekki ráðið ferðinni í
slíku ráði,“ segir Páll.
Varðandi lög um eignarhald á
fjölmiðlum segir Páll að það verði
að gjalda varhuga við því að yfir-
færa módel milljónaþjóða á eign-
arhaldi á fjölmiðlum á lítið þjóðfé-
lag.
„Einnig mætti spyrja að því
hvað fyrirtæki þurfi að vera stór
til að geta haldið velli og hvaðan
fjármagnið eigi þá að koma. Auð-
vitað þarf að skoða aðstæður á
markaðnum og tilmæli Evrópu-
ráðsins viðurkenna það,“ segir
Páll.
Hann segir að almennt sé talið
að einkasjónvarpsstöðvar eigi
erfitt uppdráttar, jafnvel á Norður-
löndum þar sem ekki hefur gengið
vel að halda úti einkastöðvum með
alhliða dagskrárgerð.
„Ein leið sem fara hefði mátt í
frumvarpinu er sú að fela útvarps-
réttarnefnd eða sambærilegri
stofnun að meta stöðuna á mark-
aðnum við veitingu leyfa. Það ætti
að vera í höndum þess sem fer með
stjórnsýsluna að meta stöðuna
hverju sinni í stað þess að setja um
það lög,“ segir hann.
Hann bendir á að upp gæti
komið sú staða að enginn sæki
um útvarpsleyfi vegna þess hve
skilyrðin séu ströng.
„Er það ekki dálítið slæm staða?
Væri ekki betra að hafa úr fáein-
um umsóknum að spila og geta þá
eftir atvikum valið á grundvelli
ýmissa sjónarmiða, til dæmis um
fjölbreytni?“ spyr Páll.
sda@frettabladid.is
Morðrannsókn:
Ákærðu
prest fyrir
morð
BANDARÍKIN, AP Kaþólskur prestur
hefur verið ákærður fyrir morð
sem framið var í páskavikunni árið
1980. Þá fannst lík nunnu í kapellu.
Hún hafði verið kyrkt og stungin
mörgum sinnum. Lögreglumenn
sem rannsökuðu málið segja morðið
helst minna á hefðir djöfladýrkenda
og hefur málið orðið til þess að
ásakanir um kynferðisbrot presta
voru teknar til rannsóknar.
Lögmaður prestsins segir að
hann muni lýsa sig saklausan af
ákærum. Rannsókn málsins hófst
eftir að kona sagði lögreglu að
presturinn væri í hópi klerka sem
hefðu misþyrmt sér og beitt kyn-
ferðisofbeldi sem barn. ■
Storsjön:
Skrímsli í
útrýmingar-
hættu
STOKKHÓLMUR, AP Umboðsmaður
sænska þingsins hefur krafið yfir-
völd í Jämtland um útskýringar á
því að skrímslið í Storsjön er komið
á lista yfir dýr í útrýmingarhættu.
Starfsmenn umboðsmanns
komust að því að athafnamanni
hefði verið bannað að safna eggjum
skrímslisins með það í huga að
koma upp skrímslum sem gætu orð-
ið aðdráttarafl fyrir ferðamenn. Í
fyrstu töldu starfsmenn að beiðn-
inni hefði verið hafnað þar sem
dómurinn hefði álitið hann grín en
svo kom í ljós að 1986 var skrímsl-
inu bætt á lista yfir dýr í útrýming-
arhættu.
Skrímslinu svipar til Loch Ness-
skrímslisins að því leyti að tilvist
þess hefur aldrei fengist staðfest þó
um 500 manns segist hafa séð það. ■
GOLF „Við erum alvanir hráslaga-
legum hretum eins og því sem
gengið hefur yfir Norðurland að
undanförnu,“ segir Þórhallur
Pálsson, framkvæmdastjóri Golf-
klúbbs Akureyrar.
Hann hefur ekki sérstakar
áhyggjur af gangi mála enda sé
staðreyndin sú að Jaðarsvöllur sé
opnaður mun síðar en golfvellir
fyrir sunnan land þar sem
kylfingar hafa þegar hafið leik
víðast hvar.
„Það stendur til að opna völl-
inn um miðjan maí eins og yfir-
leitt og snjómugga á flötum
breytir því ekki nema þetta verði
viðvarandi í einhvern tíma. Það
er þá helst frostið sem við höfum
áhyggjur af en ég hef enga trú á
að þetta hret standi lengi yfir.“ ■
Meðal annars: sófasett, hornsófar,
svefnsófar, stakir sófar, stakir stólar,
borðst.borð og stólar, skápar, skenkir
og margt fleira.
Opið virka daga 10-18 og laugardaga 11-16
gæða húsgögn
Bæjarhrauni 12, Hf., sími 565-1234
Ú T S A L A - Ú T S A L A - Ú T S A L A
Rýmum fyrir nýjum vörum...
...mikill afsláttur í örfáa daga.
BJARNI BENEDIKTSSON
Formaður Allsherjarnefndar Alþingis vonast til þess að sátt verði um þá meðferð sem fjöl-
miðlafrumvarpið fær innan allsherjarnefndar, en á það eigi eftir að reyna innan hennar.
FR
ÉT
TA
B
LA
Ð
IÐ
/G
VA
RÍKISÚTVARPIÐ
„Í þeim löndum Austur-Evrópu þar sem þetta er ekki í lagi hefur Evrópuráðið reynt að hvetja til þess að komið verði á fót fyrirkomulagi á
útvarpsráði þar sem ríkisstjórnarmeirihlutinn er ekki með meirihluta. Fremur ættu frjáls félagasamtök að skipa þriðjung meðlima til að
tryggja að eitt stjórnmálaafl eða ríkisstjórnarmeirihluti geti ekki ráðið ferðinni í slíku ráði,“ segir Páll Þórhallsson.
Jaðarsvöllur á Akureyri opnaður á tilsettum tíma:
Alvanir hráslaga-
legum hretum
BIÐIN BRÁTT Á ENDA
Kylfingar á Akureyri eru fullir
eftirvæntingar en rúm vika er þar
til Jaðarsvöllur verður opnaður.