Fréttablaðið - 06.05.2004, Blaðsíða 45
FIMMTUDAGUR 6. maí 2004
FÓTBOLTI „Þetta er algjörlega
óásættanlegt,“ sagði Karl-Heinz
Rummenigge, stjórnarformaður
Bayern München. „Þetta á ekkert
skylt við háttvísi.“ „Það væri áfall
ef þetta fær að viðgangast,“ sagði
Uli Höness, framkvæmdastjóri
Bayern.
Leikmenn og forráðamenn
Bayern eru afar ósáttir við fram-
göngu Hamburger SV í 6-0 tapi
fyrir Werder Bremen á laugar-
dag. Werder Bremen stendur vel
að vígi í baráttunni við Bayern um
meistaratitilinn eftir leiki helgar-
innar.
Klaus Toppmöller, þjálfari
Hamborgar, var auðmjúkur. „Ég
get aðeins beðið Bayern og fót-
boltaáhugamenn afsökunar á því
sem gerðist í Bremen.“ sagði
Toppmöller en Karl-Heinz
Rummenigge tók ekki afsökunar-
beiðnina til greina. „Þetta er
hneyksli og algjörlega óafsakan-
legt.“
Ekki voru allir Hamborgarar
til í að beygja sig í duftið fyrir
Bæjurum. „Þeir ættu að huga að
eigin vandamálum. Við vitum að
við lékum illa,“ sagði Dietmar
Beiersdorfer, íþróttastjóri Ham-
borgara. „Það er ekki okkur að
kenna að Bayern er sex stigum á
eftir Bremen eftir 31 umferð,“
bætti Bernd Hoffmann, forseti fé-
lagsins, við. ■
HANDBOLTI Eftir naumt tap gegn
ÍBV í fyrsta leik lokaúrslita
RE/MAX-deildar kvenna í fyrra-
kvöld í Vestmannaeyjum er stóra
spurningin sú hvort Valsstelpur
hafi náð að jafna sig og haldi
þessu einvígi lifandi.
Guðríður Guðjónsdóttir, þjálf-
ari þeirra, er á því: „Auðvitað
verður erfitt að leggja þær að
velli en við vorum nú ansi nálægt
því á þriðjudagskvöldið og ég hef
fulla trú á að við getum gert það á
heimavelli.“
Aðspurð segist Guðríður ekki
trúa öðru en að liðið mæti tilbúið
til leiks og með fulla trú á verk-
efninu: „Ég bara neita að trúa
öðru, stelpurnar hljóta að mæta
alveg dýrvitlausar til leiks því
viljinn hjá þeim er alveg gríðar-
legur enda er Valur í fyrsta sinn í
þessum sporum. Þó maður eigi
aldrei að segja aldrei er líklega úti
um þetta einvígi ef við töpum
þessum leik – það er einfaldlega
að duga eða drepast. Við förum í
hvern leik til að vinna og það er
engin breyting á því núna og ljóst
er að til að vinna þetta einvígi
verður við að landa einum sigri í
Eyjum. Það átti að vera leikurinn
í fyrradag,“ segir Guðríður og
brosir.
„Við áttum að vinna þann leik í
venjulegum leiktíma en spiluðum
ekki nægilega vel sem liðsheild
síðustu fimmtán mínúturnar en
þá var einstaklingsframtakið of
ráðandi. Dómgæslan var okkur
síðan ekki í hag í blálokin en við
vorum með boltann þegar ein
mínúta var eftir og einu marki
yfir. Það var alveg greinilega
brotið á Gerði en ekkert dæmt og
þær jafna í kjölfarið. En hafa ber
í huga að við erum að spila á móti
atvinnumannaliði því sex leik-
menn ÍBV gera ekkert annað en
að spila handbolta, þó reyndar sé
ein þeirra meidd núna, og ég tel
að við séum að standa okkur mjög
vel miðað við það.
Það vantar góða leikmenn í
okkar lið og við höfum verið væg-
ast sagt óheppnar í vetur en sem
betur fer erum við með breiðan
hóp og höfum getað dreift álaginu
þrátt fyrir þessi áföll,“ sagði Guð-
ríður og var hvergi bangin. ■
FÓTBOLTI Ríkissjónvarpið hefur
tryggt sér sýningarrétt á ís-
lenskri knattspyrnu næstu tvö
árin.
Nýr samningur Ríkissjón-
varpsins og rétthafans þýska,
Sportfive, kveður á um einka-
rétt Ríkissjónvarpsins á lands-
leikjum Íslendinga í knatt-
spyrnu karla á Íslandi sem og
einkarétt á Bikarkeppni Knatt-
spyrnusambands Íslands og
VISA. Þá var samið um rétt
Ríkissjónvarpsins til að gera
samantektarþætti um allar um-
ferðir mótsins og er það ekki
lítill áfangi fyrir knattspyrnu-
áhugamenn.
Fyrir höfðu Ríkissjónvarpið
og Knattspyrnusamband Ís-
lands samið um sýningarrétt á
íslenskri kvennaknattspyrnu og
vonandi verður henni gert hátt
undir höfði enda hafa stelpurn-
ar tekið miklum framförum síð-
astliðin ár. Góðar fréttir þetta
og væntanlegt er knattspyrnu-
sumar af dýrari gerðinni.
Það verður því allt troðfullt
af íslenskum fótbolta og bein-
um útsendingum frá Evrópu-
keppninni í knattspyrnu sem
fram fer í Portúgal í júní. Ís-
lenskir knattspyrnuáhugamenn
geta því farið að hlakka til
veislu í sumar. ■
Bæjarar bálillir:
Óásættanlegt!
BÆJARAR ÓSÁTTIR
Leikmenn og forráða-
menn Bayern München
eru afar ósáttir við leik
Hamburger SV gegn
Werder Bremen á
laugardag.
Gott og sýnilegt fótboltasumar í vændum:
Íslenski boltinn í Sjónvarpinu
Nú er að duga
eða drepast
Verða Valsstelpur tilbúnar í slaginn í kvöld þegar þær mæta liði ÍBV í
öðrum leik liðanna í úrslitaeinvíginu um Íslandsmeistaratitilinn?
ANNAR LEIKUR VALS OG ÍBV FER FRAM Á HLÍÐARENDA Í KVÖLD
Guðríður Guðjónsdóttir, þjálfari Vals, er hvergi bangin og segist ekki trúa öðru en lið hennar mæti tilbúið til leiks í kvöld gegn
Eyjastúlkum enda er að duga eða drepast fyrir Val..