Fréttablaðið - 15.06.2004, Blaðsíða 30

22 15. júní 2004 ÞRIÐJUDAGUR
Þóra Björg Helgadóttir með samning:
Komin til Kolbotn
FÓTBOLTI Aðalmarkvörður íslenska
kvennalandsliðsins í knattspyrnu,
Þóra Björg Helgadóttir, gerði rétt
fyrir helgi samning við norska úr-
valsdeildarliðið Kolbotn. Til stóð að
ganga frá samningnum mun fyrr en
ýmis vandkvæði gerðu það að verk-
um að ekki var skrifað undir fyrr en
nú. Þóra hefur varið mark KR-inga
undanfarin tvö ár en lék áður með
Breiðabliki þar sem hún er uppalin
en með þessum tveimur liðum
hampaði hún ófáum titlunum.
Þóra kemur til með að verða lög-
leg með Kolbotn 1. júlí en þá opnast
leikmannamarkaðurinn að nýju.
Hún á fyrir höndum harða sam-
keppni því með Kolbotn leikur ein-
nig norski landsliðsmarkvörðurinn,
Bente Nordby, en sá orðrómur er í
gangi að hún ætli sér að yfirgefa fé-
lagið að aflokinni yfirstandandi
leiktíð.
Þóra er ekki fyrsta íslenska
knattspyrnukonan sem leikur með
Kolbotn því Katrín Jónsdóttir lék
með því í ein sex ár og varð meðal
annars norskur meistari með liðinu
fyrir tveimur árum síðan, og er það
fyrsti og eini meistaratitill liðsins.
Katrín lagði síðan skóna á hilluna
eftir síðasta tímabil.
Þegar sex umferðum er lokið í
deildakeppninni er Kolbotn í öðru
sæti, tveimur stigum á eftir Örnun-
um frá Þrándheimi. ■
HANDBOLTI Ólafur Stefánsson var
kjörinn besti leikmaður spænska
meistaraliðsins Ciudad Real á síð-
ustu leiktíð, af lesend-
um heimasíðu félags-
ins.
Ólafur var með
nokkra yfirburði í
kjörinu en hann
hlaut tæplega tólf
hundruð atkvæði.
Egypski landsliðs-
maðurinn Hussein
Ali Zaky var annar í
röðinni með 813 at-
kvæði og þriðji varð
spænski landsliðs-
maðurinn Entrerrios
með rétt rúm sjö hundruð.
Óhætt er að segja að koma
Ólafs til félagsins hafi gefið því
aukinn kraft því liðið
hampaði spænska
meistaratitlinum í
fyrsta sinn og gerði
það gott í öðrum
keppnum, virðist t.d.
hafa velt Barcelona úr
sessi sem toppliði
Spánar í handknatt-
leik.
Ólafur var besti
maður liðsins á tíma-
bilinu og sömuleiðis
sá markahæsti með
236 mörk. ■
ÞAKKA FRÁBÆRAR MÓTTÖKUR!
1.upplag Uppselt frá útgefanda
2.upplag Uppselt frá útgefanda
3.upplag Væntanlegt 18.júní
"Jón brýst hér fram sem sterkur
lagahöfundur og flytjandi"
Freyr Bjarnason, Fréttablaðið
"Kemur skemmtilega á óvart
- en samt ekki"
Andrea Jónsdóttir, Rás 2
"Af góðum popplögum er sannarlega
nóg hér - eiginlega hvert einasta lag"
Skarphéðinn Guðmundsson, Mbl.
"Jón er í góðum málum"
Ásgeir Tómasson, Vikan
"Ég skil ekki orð af því sem maðurinn er að syngja
- samt hágrét ég þegar ég heyrði diskinn"
Xing Pao Ling, ferðamaður frá Kína
"Besti íslenski diskurinn sem ég hef ekki heyrt"
Jan Erik Fjörtoft, fiskverkandi í Bergen
Dreifing
EM Í FÓTBOLTA
Dregið í VISA-bikar-
keppni KSÍ:
Fram mætir
Keflavík
FÓTBOLTI Dregið var í VISA-bikar-
keppni KSÍ í hádeginu í gær. Hjá
körlunum var dregið í 16 liða úrslit
en hjá konunum í 8 liða úrslit.
Bikarleikir eru alltaf spennandi
en mesta athygli hjá körlunum
vöktu þó að venju leikir á milli úr-
valsdeildarliðanna.
Víkingar eiga harma að hefna
gegn KA-mönnum en þeir síðar-
nefndu hreinlega stálu sigrinum
þegar liðin mættust í Landsbanka-
deildinni. Framarar taka á móti
Keflvíkingum og Fylkismenn halda
til Grindavíkur.
Óhætt er að segja að FH-ingar
hafi ekki getað verið heppnari -
fengu heimaleik gegn 2. deildar liði
Aftureldingar. Heimir Guðjónsson,
fyrirliði FH, var líka býsna sáttur:
„Ef hausinn á okkur verður í lagi
eigum við að leggja Aftureldingu að
velli. Við verðum þó að passa okkur
því gengi okkar hefur verið nokkuð
brösótt en þó er stutt í toppinn,“
sagði Heimir.
Hjá konunum vekur leikur bik-
armeistara Vals og Breiðabliks
mesta athygli og þetta hafði þjálfari
Valsstelpna, Elísabet Gunnarsdótt-
ir, að segja: „Í bikarnum skiptir
engu máli hvern maður fær - bikar-
leikir eru alltaf erfiðir. Það var þó
mjög ánægjulegt að fá heimaleik og
að sjálfsögðu stefnum við ótrauðar
á að verja bikarinn. Fólk hefur talað
um það að Valur hafi alltaf farið
auðveldu leiðina í úrslit og ef af því
verður í ár getur fólk hætt að tala
um það,“ sagði Elísabet Gunnars-
dóttir, glettin á svip.
Leikirnir hjá körlunum fara
fram 2.-5. júlí en hjá konunum 9.-10.
júlí. ■
16 LIÐA ÚRSLIT VISA-BIKARS
KARLA:
Víkingur - KA
Njarðvík - KR
HK - Reynir Sandgerði
Þróttur - Valur
Fram - Keflavík
ÍBV - Stjarnan
Fylkir - Grindavík
FH- Afturelding
8 LIÐA ÚRSLIT VISA-BIKARS
KVENNA:
ÞÓR/KA/KS - KR
ÍBV - Þróttur
Stjarnan - Fjölnir eða FH
Valur - Breiðablik
ÓLAFUR STEFÁNSSON
Sést hér í leik gegn Slóvenum.
Kosinn besti leikmaður Ciu-
dad Real á nýliðinni leiktíð.
Stuðningsmenn Ciudad Real:
Völdu Ólaf Stefánsson
HEIMIR GUÐJÓNSSON
Fyrirliði FH-inga segir sína menn eiga sig-
urinn vísan gegn Aftureldingu ef hausinn
verður í lagi.