Fréttablaðið - 28.07.2004, Page 10

28. júlí 2004 MIÐVIKUDAGUR
Göngu fyrstu mannanna á næsthæsta fjall heims minnst:
Fimmtíu ár frá fyrsta klifi
ISLAMABAD, AP Fimmtíu ár eru lið-
in síðan næsthæsta fjall heims,
K-2 í Pakistan, var klifið í fyrsta
skipti. Þrátt fyrir að fjallið sé
ekki alveg jafnhátt og hæsta
fjallið Mount Everest er talið um
þrisvar sinnum erfiðara að klífa
K-2.
Barnabarn fyrsta fjallgöngu-
mannsins náði toppi K-2 á mánu-
dag ásamt hópi fólks. Þau voru
fyrstu fjallgöngumennirnir í
þrjú ár til að komast á topp fjall-
sins.
Tæplega tvö hundruð manns
hafa gert tilraun til þess að klífa
fjallið og létu tæp þrjátíu pró-
sent þeirra lífið. ■
Færeyingar fækka
sóknardögunum
Færeyingar ætla að fækka sóknardögum á Færeyjabanka um tíu prósent.
Skerðingin er ekki jafn mikil og alþjóðastofnanir lögðu til. Íslenskur
ráðgjafi leggst gegn skerðingunni og segir hana frekar til skaða en bóta.
FÆREYJAR Fiskistofnar á Færeyja-
banka eru svo illa farnir að fær-
eysk stjórnvöld hyggjast draga
mjög úr sókn skipa þar. Lagt er til
að sóknardögum verði fækkað um
tíu prósent og að svæðið verði
friðað fyrir veiðum í fjórar til sex
vikur yfir hrygningartímann.
Þrátt fyrir að þessar hugmynd-
ir hafi valdið mikilli reiði útgerð-
armanna og sjómanna eru aðgerð-
irnar mun minni en erlend samtök
og stofnanir hafa lagt til við Fær-
eyinga. Færeysk stjórnvöld hafa
heimilað veiði umfram það sem
alþjóðastofnanir hafa lagt til en
nú er svo komið að stjórnmála-
menn telja nauðsynlegt að grípa
til aðgerða og það hastarlegra.
Henrik Old, formaður atvinnu-
málanefndar færeyska lögþings-
ins, sagði í viðtali við dagblaðið
Sosialin að Fær-
eyjabanki væri
svo illa farinn að
réttast hefði verið
að friða hann
alveg í eitt eða tvö
ár. Varaformaður
nefndarinnar, Al-
fred Olsen, sagði í
sama blaði að
sóknin í stofna á
F æ r e y j a b a n k a
væri of mikil og
að nauðsynlegt
væri að draga úr
fjölda sóknar-
daga. Aðeins línu-
bátar mega veiða
á bankanum.
Jón Kristjánsson fiskifræðing-
ur var ráðgjafi sjómanna og út-
gerðarmanna í Færeyjum, en þeir
sendu sjávarútvegsráðherra bréf
með tillögum sem byggðu á hans
áliti. Jón telur ekki ekki hyggilegt
að draga úr sókn á Færeyjabanka.
„Það hefur komið í ljós við rann-
sóknir að fiskurinn við Færeyja-
banka hefur horast niður og það
er ekki merki um ofveiði. Þetta
bendir frekar til fæðuskorts og
það er því röng ráðgjöf að leggja
til að draga úr veiðum.“ Jón telur
að ástæðan fyrir því að lagt sé til
að fækka sóknardögum við Fær-
eyjabanka, sé sú að svæðið rúmar
ekki marga báta því það er lítið að
stærð.
Guðlaugur Þór Þórðarson,
þingmaður Sjálfstæðisflokksins,
situr í sjávarútvegsnefndar. Hon-
um þykir leitt að Færeyingar hafi
ekki náð að byggja upp stofna sína
og þurfi að grípa til þessara ráð-
stafana. Um álit Jóns segir Guð-
laugur það sé í mörg horn að líta.
„Ég get vel skilið að menn vilji
hafa varann á, en það er óumdeilt
að Færeyingum hefur ekki tekist
að byggja upp stofna sína.“
brynjolfur@frettabladid.is
bergsteinn@frettabladid.is
,,Það hef-
ur komið í
ljós við
rannsóknir
að fiskur-
inn við
Færeyja-
banka hef-
ur horast
niður og
það er ekki
merki um
ofveiði.
K-2
Tæp þrjátíu prósent þeirra sem reynt hafa að klífa fjallið hafa látið lífið í ferðinni.
LÖGREGLUMÁL Fjöldi fólks hefur til-
kynnt veiðar á öndum, gæsaung-
um og jafnvel spörfuglum í
Hljómskálagarði, Laugardal og
Fossvogsdal í kjölfar frétta af
andaveiðum í borginni. Ljóst er að
fuglaveiðar í borginni eru mun
umfangsmeiri en talið var.
Katrín Jakobsdóttir, formaður
umhverfis- og heilbrigðisnefndar
Reykjavíkurborgar, segist líta
málið alvarlegum augum og aukin
vöktun hafi verið skipulögð með
þeim svæðum sem hægt er, auk
þess sem málið er unnið í sam-
starfi við lögregluna. Umhverfis-
og heilbrigðisnefnd er sem
stendur í sumarfríi en málið verð-
ur rætt á fundi hennar næst þegar
hún kemur saman.
Katrín segir að samkvæmt
ábendingum virðist um einn hóp
fólks vera að ræða, sem hún tel-
ur að hafi einfaldlega ekki vitað
betur, því veiðum virðist hafa
fækkað eftir að málið komst í
fjölmiðla. Katrín hvetur alla sem
vita af fuglaveiðum að hafa sam-
band við lögregluna, þar sem
klárlega er um lögbrot er að
ræða. ■
Fuglaveiðar í Reykjavík:
Umfangsmeiri en talið var
STOKKÖND MEÐ UNGA SÍNA
Tilkynnt hefur verið um veiðar á öndum, gæsum og spörfuglum.
Á SJÓ
Erlend samtök lögðu til að sóknardagar yrðu skertir enn meira en gert er.