Fréttablaðið - 13.08.2004, Blaðsíða 34

FÓTBOLTI FH-ingar gerðu jafntefli,
2-2, við skoska úrvalsdeildarliðið
Dunfermline á Laugardalsvelli í
fyrri leik liðanna í 2. umferð for-
keppni Evrópukeppni félagsliða í
gærkvöld. FH-ingar hljóta að
naga sig í handarbökin því eftir
fínan fyrri hálfleik og tveggja
marka forystu varð tankurinn
tómur í síðari hálfleik og Skotarn-
ir náðu að jafna leikinn.
Eftir taugaveiklun í byrjun
tóku FH-ingar völdin á vellinum
og voru stórhættulegir í sóknar-
aðgerðum sínum. Atli Viðar
Björnsson gaf tóninn þegar stund-
arfjórðungur var liðinn en skot
hans fór yfir. Mínútu síðar
sundurspiluðu FH-ingar síðan
vörn Dunfermline og endaði sókn-
in með því að Emil Hallfreðsson
gaf fallega sendingu á Jónas
Grana Garðarsson, sem skoraði af
öryggi úr miðjum teignum. Þrem-
ur mínútum síðar bætti síðan
danski framherjinn Allan Borg-
vardt við öðru marki. Heimir
Guðjónsson, fyrirliði FH-inga, átti
frábæra sendingu á Guðmund
Sævarsson, sem var kominn einn í
gegn um vörn Skotanna. Skot hans
var varið en Borgvardt fylgdi vel
á eftir og skoraði úr þröngu færi.
Það sem eftir lifði hálfleiksins
sýndu FH-ingar oft snilldartilþrif,
héldu boltanum vel innan liðsins
og hefðu að ósekju getað bætt við
marki fyrir hlé.
Jón Þorgrímur Stefánsson kom
inn á sem varamaður fyrir Allan
Borgvardt í hálfleik og hann var
tvívegis nálægt því að bæta við
þriðja marki Hafnarfjarðarliðsins
á fyrsta stundarfjórðungi hálf-
leiksins. Hann átti tvær fallegar
rispur inn völlinn en fyrra skot
hans hafnaði í stönginni og það
síðara varði Stillie, markvörður
Dunfermline.
FH-ingar gáfu aðeins eftir um
miðjan síðari hálfleikinn og í kjöl-
farið náði Dunfermline að minnka
muninn. Það gerði Craig Brewster
með skalla á 72. mínútu. Jón Þor-
gímur fékk síðan gullið tækifæri
þremur mínútum síðar að auka
forystuna á nýjan leik en skalli
hans fór í þverslá marks Dun-
fermline. Skotarnir pressuðu síð-
an hressilega síðustu mínúturnar
og náðu að jafna leikinn þegar
nokkrar mínútur voru eftir. Það
var litháíski varnarmaðurinn
Andrius Skerla sem gerði það eft-
ir darraðardans í vítateignum.
FH-ingar geta sjálfum sér um
kennt, þeir sprungu á limminu líkt
og KR-ingar gegn Shelbourne
fyrir skömmu. Þeir spiluðu mjög
vel í fyrri hálfleik en eftir ágæta
byrjun í síðari hálfleik datt botn-
inn úr leik liðsins og leikmenn
Dunfermline komust á bragðið og
tryggðu sér gott veganesti fyrir
seinni leikinn. ■
26 13. ágúst 2004 FÖSTUDAGUR
EVRÓPUKEPPNI FÉLAGSLIÐA
1–0 Jónas Grani Garðarsson 19.
2–0 Allan Borgvardt 22.
2–1 Craig Brewster 72.
2–2 Andrius Skerla 88.
DÓMARINN
Jouni Hyytiä, Finnlandi frábær
BESTUR Á VELLINUM
Tommy Nielsen FH
TÖLFRÆÐIN
Skot (á mark) 15–12 (7–9)
Horn 2–3
Aukaspyrnur fengnar 20–12
Rangstöður 1–1
GÓÐIR
Daði Lárusson FH
Guðmundur Sævarsson FH
Sverrir Garðarsson FH
Tommy Nielsen FH
Baldur Bett FH
Jónas Grani Garðarsson FH
Emil Hallfreðsson FH
Jón Þorgrímur Stefánsson FH
Andrius Skerla Dunfermline
Nicky Hunt Dunfermline
2-2
FH DUNFERMLINE
BORGVARDT OG EMIL FAGNA Allan
Borgvardt og Emil Hallfreðsson fagna hér
marki þess fyrrnefnda í leiknum gegn
Dunfermline á Laugardalsvellinum í
gærkvöld.
FH-tankurinn tæmdist
FH-ingar spiluðu frábærlega í fyrri hálfleik gegn Dunfermline og náðu tveggja marka forystu
en gáfu eftir í síðari hálfleik og misstu unninn leik niður í jafntefli.
Frábær sigur Íslands
Íslenska 16 ára landsliðið í körfubolta
vann frábæran sigur á Makedóníu,
88–93, eftir framlengdan leik í b-deild
Evrópukeppninnar í gær. Makedónía
tryggði sér framlenginguna en hana
unnu íslensku strákarnir 13–8. Úrslitin
vöktu mikla athygli enda var make-
dónska liðið talið vera næstum því
öruggt með sæti í a-deild.
Íslenska liðið er eftir leikinn í efsta sæti
síns riðils en það sæti gefur sæti í A-
deild. Íslensku strákarnir urðu einnig
Norðurlandameistarar í vor og hafa
þegar unnið fimm af sex leikjum sínum
í Evrópukeppninni til þessa.
Fjórir í íslenska liðinu skoruðu mikið í
leiknum. Hörður Axel Vilhjálmsson
(Fjölni) var með 21 stig, 8 fráköst og 6
stoðsendingar,
HJörtur Hrafn Einarsson (Njarðvík) skor-
aði 20 stig og tók 11 fráköst, Emil Þór
Jóhannsson (Fjölni) bætti við 17 stigum
og Brynjar Þór Björnsson (KR) skoraði
16 stig og tók 12 fráköst.
Íslenska liðið á eftir þrjá erfiða leiki, þar
á meðal á móti Englendingum, sem
hafa líkt og Ísland og Makedónía aðeins
tapað einum leik á mótinu til þessa.
Þjálfari íslenska liðsins er Benedikt
Guðmundsson og hann er að gera
tímamótahluti með þetta lið.
Stórtap gegn Svíum
Íslenska kvennalandsliðið í körfuknatt-
leik tapaði stórt fyrir Svíum, 99–66, í
öðrum leik liðsins á Norðurlandamótinu
sem fram fer í Finnlandi. Sænska liðið
gerði út um leikinn í fyrri hálfleik en
það leiddi með 26 stigum, 51-25, í
hálfleik. Það var ekki fyrr en í
lokafjórðungnum sem íslenska liðið
sýndi sitt rétta andlit og vann liðið þann
fjórðung með tveimur stigum, 25–23.
Signý Hermannsdóttir var stigahæst hjá
íslenska liðinu með 18 stig, Helena
Sverrisdóttir skoraði 15 stig og hitti úr
öllum þrettán vítaskotum sínum í
leiknum, Alda Leif Jónsdóttir og Erla
Reynisdóttir skoruðu sjö stig hvor, Birna
Valgarðsdóttir og Erla Þorsteinsdóttir
skoruðu fimm stig hvor, Sólveig
Gunnlaugsdóttir skoraði þrjú stig og
María Ben Erlingsdóttir skoraði tvö stig.
Íslenska liðið leikur gegn Dönum í dag
og hefst leikurinn kl. 17.30.
Veigar Páll skoraði
Veigar Páll Gunnarsson skoraði eitt
marka norska liðsins Stabæk sem bar
sigurorð, 3-1, af finnska liðinu Haka í
Noregi. Veigar Páll jafnaði metin, 1–1,
á 51. mínútu og virðist vera að finna sig
í Noregi eftir erfiða byrjun.
FR
ÉT
TA
B
LA
Ð
IÐ
/V
IL
H
EL
M