Fréttablaðið - 13.08.2004, Blaðsíða 37
FÖSTUDAGUR 13. ágúst 2004
„Veiðin gekk ekki vel í Soginu, við
fengum bleikjur og einn lax. Það
hefur ekki veiðst mikið á því
svæði sem við vorum á,“ sagði
veiðimaður sem var á veiðum úr
Soginu fyrir fáum dögum. Á sama
tíma og lítil veiði hefur verið í
Soginu og ekkert allt of góð í
Ölfusá hefur verið mjög góð neta-
veiði í Ölfusánni, enda hafa búðir
auglýst mikið að þær hafi lax úr
ánni.
„Það er frábært að veiða fisk á
flugu í Soginu út af svæðinu en
honum hefur fækkað og veiðin
kemur ekki til fyrr en netin eru
komin upp í ágúst. Ég hef oft
fengið góða veiði í Soginu,“ sagði
veiðimaður sem þekkir svæðið
vel en sagðist ekki ætla þangað í
sumar.
Netaveiðin hefur gengið vel en
lítið hefur verið veitt á stöng á
svæðunum fyrir ofan netaveiði-
svæðin. Fleiri og fleiri laxar lenda
í netunum á hverju ári þrátt fyrir
að fiskurinn sé orðinn verðlítill.
Sýnt hefur verið fram á að stanga-
veiddur fiskur sé miklu verðmeiri
en sá netaveiddi og munar þar
miklu. Þrátt fyrir það er haldið í
gamla hefð og veitt áfram í netin.
Ekki er vitað með vissu hvort
áframhald verði á slíku hjá Veiði-
félagi Árnesinga.
Fleiri og fleiri veiðisögur heyr-
ast á degi hverjum. Veiðimaður
einn fór í silungsveiðiá fyrir
skömmu og veiddi vel af silungi en
lítill lax er talinn vera í þessari
veiðiá. Fór hann seinni partinn að
veiða og fékk strax lax og skömmu
seinna annan lax í silungsveiði-
ánni. Þótti veiðimanninum þetta
það merkilegt að hann fór á bæinn
þar sem hann hafði keypt veiði-
leyfið og kvartaði yfir öllum laxin-
um en fékk litla skýringu á hvers
vegna hann væri í ánni þar sem
bara átti að vera silungur.
Annar veiðimaður fór í lax
fyrir nokkrum dögum og veiddi
vel en galli var á gjöf Njarðar, hit-
inn úti var 25 stig og fiskurinn var
soðinn áður en veiðimaðurinn gat
sett hann í kælinn í veiðihúsinu.
Tveir aðrir fóru í silungsveiðiá og
lentu í bullandi hita og roðið fór
allt af fisknum í hitanum. Þeir
veiddu 25 silunga en aðeins tveir
þeirra voru ekki roðlausir. ■
RÖGNVALDUR HALLGRÍMSSON Með
veiði úr Hafralónsá. Síðasta holl náði 35
sjóbirtingum og sjóbleikjum og einum laxi
á silungasvæðinu. Annað eins misstu
veiðimennirnir.
VEIÐI
GUNNAR BENDER
■ skrifar um veiði.
VEITT Í HAFRALÓNSÁ Veiðimenn á öllum aldri hafa verið við veiðar í Hafralónsá, eins
og þau Sylvía og Ragnar Rögnvaldsbörn, og þar er silungasvæðið heldur betur komið í
gang. Mikið af fiski er að ganga og er silungurinn allt upp í fimm pund.
Netaveiðin
hefur mikil áhrif