Fréttablaðið - 17.08.2004, Blaðsíða 37

ÞRIÐJUDAGUR 17. ágúst 2004
ÚR ÍÞRÓTTAHEIMINUM
Íh a n d k n a t t -l e i k s k e p p n i
Ólympíuleikanna í
Aþenu gerðu Suður-
Kóreumenn sér lítið
fyrir og lögðu Rússa
að velli, 35-32. Þá
báru heimsmeistar-
ar Króata sigurorð af
Slóvenum í spennandi leik, 27-26.
Öll þessi lið eru í riðli með okkur Ís-
lendingum á Ólympíuleikunum í
Aþenu og ljóst að framundan eru
erfiðir leikir hjá okkar mönnum svo
ekki sé meira sagt.
Nú er ljóst aðJose Mourinho,
framkvæmdastjóri
Chelsea, mun mæta
á Laugardalsvöllinn
á miðvikudags-
kvöldið til að horfa
á vináttulandsleik
Íslands og Ítalíu. Hann mun væntan-
lega fylgjast grannt með sínum
manni, Eiði Smára Guðjohnsen, en
þó verður að teljast líklegt að aðaltil-
gangurinn með komu hans til lands-
ins sé sá að fylgjast með einhverjum
leikmanna ítalska landsliðsins. Hvað
sem því líður verður gaman að berja
þennan afar sjálfsörugga mann aug-
um.
Tiger Woods héltefsta sæti heims-
listans þrátt fyrir að
hafa ekki náð nema
24. sæti PGA-meist-
aramótsins sem
lauk í gær. Þar með
bætti hann met
Gregs Norman og hefur nú verið í
332 vikur í efsta sæti listans. Ernie
Els átti möguleika á að komast í
efsta sætið með því að vera í einu af
tveimur efstu sætunum á meistara-
mótinu en tókst ekki. Langt er um
liðið síðan Tiger Woods hefur náð
sigri á stórmóti og bilið milli hans og
annarra toppkylfinga minnkar nú
stöðugt.
Jurgen Klins-mann, hinn
nýráðni þjálfari
þýska knattspyrnu-
landsliðsins, hefur
ákveðið að taka fyr-
irliðabandið af
markverðinum Oli-
ver Kahn og færa það yfir á hand-
legginn á Michael Ballack, en þeir
spila báðir með Bayern München.
Klinsmann segir þessa ákvörðun
tekna í samráði við Kahn og Ballack
og í hinu mesta bróðerni en aðal-
ástæðuna fyrir þessari breytingu seg-
ir Klinsmann vera þá að hann vilji að
fyrirliðinn sé úti á vellinum svo hann
nái betur til annarra liðsmanna.
Þeir viðhafa nokk-uð sérstakan
háttinn á, leikmenn
enska úrvalsdeildar-
félagsins WBA, þeg-
ar kemur að því að
velja fyrirliða. Þar á
bæ er nefnilega ekki
neinn fastur fyrirliði heldur kjósa
leikmenn fyrirliða að morgni hvers
leikdags. Þetta er nýmæli og segir
Andy Johnson, miðvallarleikmaður
WBA, þetta mælast vel fyrir hjá leik-
mönnum. „Við tökum einfaldlega
hvern leik fyrir sig og metum hann
og kjósum í framhaldinu af því. Hóp-
urinn hjá okkur er mjög samheldinn
og hver og einn leikmaður lítur á það
sem mikinn heiður að vera kosinn
fyrirliði.“ Neil Clement var kosinn fyr-
irliði fyrir fyrsta leik tímabilsins gegn
Blackburn, sem endaði með jafntefli,
1-1.
Spænska stór-liðið Barcelona
hefur ákveðið að
lána Javier
Saviola, hinn
unga argentínskia
framherja, en ekki
er enn ákveðið
hvar hann mun
hafa vetursetu.
Spænsku liðin At-
letico Madrid og
Villareal vilja ólm fá leikmanninn í
sínar raðir sem og ítalska stórliðið
Juventus og franska liðið Mónakó.
Um leið var tilkynnt að tyrkneski
markvörðurinn Rustu Recber yrði
einnig lánaður en hins vegar væri
ekkert lið enn sem komið er búið
að sýna honum neinn sérstakan
áhuga. Barcelona hefur keypt til sín
hvern leikmanninn á fætur öðrum
og menn eins og Henrik Larsson,
Deco, Samuel Eto, Ludovic Giuly eru
á undan Argentínumanninum unga
í goggunarröðinni.
FENGU GÓÐAR MÓTTÖKUR Strákarnir í 16 ára landsliðinu, sem tryggðu sér sigur í B-
deild Evrópukeppninnar, fengu góðar móttökur þegar þeir komu til landsins í gær. Hér
sjást þeir Hörður Axel Vilhjálmsson og Hörður Hreiðarsson skrifa á bolta sem á að
varðveita minningu um afrek strákanna.