Fréttablaðið - 30.08.2004, Qupperneq 2
2 30. ágúst 2004 MÁNUDAGUR
Þriðjungur tekna
í greiðslu sektar
Kona greiðir þriðjung af ráðstöfunartekjum sínum í þrjú ár fyrir umferðar-
lagabrot. Þingflokksformaður Vinstri grænna segir koma til greina að skoða
tekjutengingu fjársekta. Þær séu þyngri dómar fyrir efnalítið fólk en aðra.
DÓMSMÁL Lilja G. Jóhannsdóttir
hefur verið dæmd til að greiða
300 þúsund króna sekt fyrir að
keyra undir áhrifum svefnlyfja
sem eru henni nauðsynleg vegna
lugnasjúkdóms og svefntrufl-
ana. Hún samdi um skuldina og
greiðir þriðjung af ráðstöfunar-
tekjum sínum til ríkissins í þrjú
ár. Ögmundur Jónasson, þing-
flokksformaður Vinstrihreyfing-
arinnar – græns framboðs, segir
efnaminni einstaklinga hljóta
þyngri dóm en sterkefnaðri þeg-
ar komi til fjársekta.
„Fólk er látið sæta fjársekt-
um í refsingarskyni þannig að
það finni fyrir því í pyngjunni.
Það segir sig sjálft að einstak-
lingur sem hefur mjög lágar
tekjur, svo ekki sé minnst á þá
sem hafa allra lægstu tekjurn-
ar, finna miklu meira fyrir
sektum en sá sem býr við mjög
góð kjör. Þannig að það má
segja að refsingin sé misþung
hvað þetta varðar,“ segir Ög-
mundur og bætir við: „Mér
finnst koma til greina að skoða
tekjutengingu fjársekta og leita
þá fordæma í útlöndum þar
sem slíkt tíðkast.“
Lögregla stöðvaði för Lilju
við Bláfjallaafleggjara síðdegis
föstudags í júlí í fyrrasumar og
kvartaði undan of hægum akstri
hennar. „Ég var á svona 70 kíló-
metra hraða. Þeir létu mig blása
í blöðru sem sýndi engin merki
ölvunar en ég nota svefnlyf og
þau komu fram,“ segir Lilja. Í
kjölfarið hafi hún verið send í
blóðprufu í Kópavogi. Hún hafi
ekki heyrt um niðurstöðu henn-
ar fyrr en í maí þegar hún var
boðuð í réttarsal. Þar var hún
dæmd til að greiða 300 hundruð
þúsund króna sekt. Þá missir
hún einnig bílprófið í fjóra mán-
uði.
Lilja leitaði ráða hjá lögfræð-
ingi sínum sem benti henni á að
semja um greiðslufyrirkomulag
skuldarinnar: „Ég gerði það en
ég hef svo lítið milli handanna
þannig að ég vildi greiða fimm
þúsund krónur á mánuði. Það
fannst lögreglunni of lítið svo ég
teygði mig í tíu þúsund. Nú á ég
ekki fyrir mat. Ég hef 70 þúsund
krónur á mánuði. Af því greiði
ég helming í lífeyrissjóðslán og
því lítið sem stendur eftir til að
lifa fyrir.“ gag@frettabladid.is
18 ára maður lést á
Hovedbanegården:
Fékk raflost
á lestarstöð
KAUPMANNAHÖFN 18 ára maður frá
Malmö lést samstundis þegar hann
hrasaði um 25.000 volta rafmagnsleið-
ara á lestarstöðinni Hovedbanegården
í Kaupmannahöfn í gærmorgun, sam-
kvæmt sænska dagblaðinu Sydsvensk-
an. Maðurinn eyddi laugardagsnótt-
inni hjá kunningjum í Kaupmannahöfn
og var trúlega á leið heim til Malmö
með lest þegar slysið átti sér stað um
sexleytið. Vinir mannsins urðu vitni að
slysinu og var ekið á Rigshospitalet í
Kaupmannahöfn og veitt áfallahjálp.
Danska lögreglan segir manninn hafa
klifrað upp í mastur en dottið og lent á
leiðslunni. ■
Harkalegur árekstur við
Kattegat:
Siglt niður af
flutningaskipi
DANMÖRK Tveggja danskra sjó-
manna er saknað eftir að báturinn
FN 221 Inge Birthe sökk skammt
frá Kattegat austan við Læsö, sam-
kvæmt danska dagblaðinu Berl-
ingske tidende. Málið er í rannsókn
hjá dönsku landhelgisgæslunni.
Hlutar bátsins fundust á 60 metra
dýpi á föstudag en sjómennirnir
tveir eru ófundnir. Leitinni hefur
verið hætt í bili eftir að í ljós kom
að kútterinn sökk vegna harkalegs
áreksturs. Landhelgisgæslan telur
stórt vöruflutningaskip hafa siglt
hann niður en hafa haldið ferðinni
áfram í stað þess að tilkynna um
slysið. Áverkar FN 221 Inge Birthe
benda til kröftugs áreksturs en
rannsóknarstjóri málsins, Lars
Nielsen, telur ólíklegt að vöruflutn-
ingaskip geti siglt niður kútter án
þess að þess verði vart. „Kolólög-
legt og siðlaust,“ segir hann í viðtali
við BT í gær. ■
■ LÖGREGLUFRÉTTIR
„Nei, almennt ekki nema verulegra
endurbóta sé þörf.“
Margrét Hallgrímsdóttir þjóðminjavörður sagði í
Fréttablaðinu í gær að sex ára lokun Þjóðminja-
safnsins hefði verið til góðs, fólk hefði verið búið
að gleyma safninu áður en það lokaði en að nú
fyndi hún fyrir mikilli eftirvæntingu hjá ungum
sem öldnum.
SPURNING DAGSINS
Margrét, hefðu ekki fleiri stofnanir
gott af því að vera lokað um skeið?
RÁÐIST Á MARAÞONHLAUPARA
Horan var dæmdur í tveggja mánaða fang-
elsi eftir að hann truflaði kappakstur í
fyrra.
Maraþonið truflað:
Réðst á
hlaupara
AÞENA, AP Brasilíski maraþon-
hlauparinn Vanderlei Lima vissi
ekki hvaðan á sig stóð veðrið
þegar Írinn Cornelius Horan
hljóp upp að honum og ruddi
honum út í áhorfendaskarann á
stétt einnar götunnar sem þátt-
takendur í maraþonhlaupi
Ólympíuleikanna hlupu eftir.
Lima var fyrstur þegar Hor-
an réðst á hann en endaði keppn-
ina í þriðja sæti. Forskot hans á
manninn í öðru sæti hafði
minnkað smám saman áður en
Horan réðist á hann en við árás-
ina tafðist Lima um margar sek-
úndur og var augljóslega brugð-
ið.
„Ég var hræddur vegna þess
að ég vissi ekki hvað yrði um
mig. Ég vissi ekki hvort hann
væri vopnaður eða ekki,“ sagði
Lima, sem segir árásina hafa
kostað sig gullverðlaunin. ■
Mannskæðar sprengjuárásir í Afganistan:
Sextán létust í tveimur árásum
AFGANISTAN, AP Sextán manns létust
og fjöldi manns særðist í tveimur
sprengjuárásum í Afganistan.
Níu börn og einn fullorðinn
létu lífið þegar sprengja sprakk í
skóla í Paktia-héraði í suðaustur-
hluta landsins. Börnin sem létust
voru á aldrinum sjö til fimmtán
ára. Fimmtán til viðbótar særð-
ust og voru þrír þeirra í lífs-
hættu.
Asadullah Wafa, ríkisstjóri í
Paktia, sagði að sprengjunni hefði
verið komið fyrir af „leppum sem
hlýða yfirmönnum sínum í útlönd-
um,“ en vildi ekki útlista nánar hvað
hann ætti við. Þó var litið svo á að
hann ætti við Pakistan en margir
Afganar kvarta undan því að stjórn-
völd í Pakistan geri lítið til að
stöðva árásir talibana sem hafast
við í Pakistan.
Sex létu lífið þegar sprengja
sprakk á skrifstofu fyrirtækis sem
gætir öryggis Hamid Karzai forseta
og vinnur verkefni fyrir Banda-
ríkjastjórn. ■
BARIST VIÐ ELDINN
Slökkviliðsmenn í Kabúl reyna að ráða niðurlögum elds sem logaði eftir að sprengja
sprakk á skrifstofu öryggisgæslufyrirtækis.
BÍLVELTA Á FJARÐARHEIÐI Öku-
maður á áttræðisaldri virðist
hafa misst stjórn á bíl sínum í
lausamöl á Fjarðarheiði með
þeim afleiðingum að bíllinn fór út
af veginum og nokkrar veltur.
Ökumaðurinn klemmdist inni í
bílnum og var slökkvilið kallað á
staðinn til að leysa manninn úr
honum.
VITNA LEITAÐ Maður var sleginn
með flösku í andlitið utan við
skemmtistaðinn Hvíta húsið á
Selfossi um klukkan eitt aðfara-
nótt sunnudags. Sá sem áverkan-
um olli braut rúðu í leiðinni og
var handtekinn og færður í
fangageymslu og yfirheyrður.
Þeir sem kunna að hafa orðið
vitni að atburðinum eru beðnir að
hafa samband við lögregluna á
Selfossi.
ÓHAPP VIÐ LAUGARÁS Það óhapp
varð við Laugarás í Biskupstung-
um á sextánda tímanum í gær að
hestur sparkaði í anditið á manni.
Maðurinn var umsvifalaust flutt-
ur til Reykjavíkur á slysadeild.
Áverkar hans virtust við fyrstu
sýn ekki vera mjög alvarlegir.
Á VETTVANGI
Gera þurfti að meiðslum fjölda fólks og
hjálpa mörgum sem voru fastir í flökum
bílanna.
Umferðarslys:
Átta létust
FRAKKLAND, AP Átta létust og 54 slös-
uðust, þar af tólf alvarlega, þegar
rúta lenti í árekstri við smárútu og
þrjá fólksbíla á hraðbraut suður af
Bordeaux í Frakklandi. Um fimmtíu
Portúgalar, Spánverjar og Norður-
Afríkubúar voru í rútunni, sem var
á leið frá Portúgal til Parísar þegar
slysið átti sér stað.
Ökumaður smárútunnar, sex
konur og ungur karlmaður létust í
árekstrinum.
Fjölmennt björgunarlið þusti á
vettvang til að hlúa að slösuðum og
leysa þá sem voru fastir í flökum
bílanna. ■
Framsóknarflokkurinn mjög hikandi:
Sölu Símans verður að vanda
EINKAVÆÐINGURINN „Sölu Símans
þarf að undirbúa vel svo ekki
verði hlaupið til og fyrirtækið selt
einhverjum. Það þarf að passa
upp á að allir standi og sitji við
sama borð þegar að því kemur að
selja fyrirtækið,“ segir Jón
Sveinsson, nefndarmaður fram-
kvæmdanefndar um einkavæð-
ingu.
Jón, sem Framsóknarflokkur-
inn tilnefndi í nefndina, segir eng-
an ágreining vera innan stjórnar-
flokkanna um sölu Símans.
Sumarleyfi hafi valdið því að
vinna við einkavæðingu Símans
hafi dregist.
Guðmundur Árni Stefánsson,
þingmaður Samfylkingar, segir að
þrátt fyrir orð Jóns og annarra
skorti á samkomulag stjórnar-
flokkanna um söluna: „Framsókn
er mjög hikandi. Málið er eins og
með önnur atriði á síðustu mánuð-
um og misserum. Ríkisstjórnin er
ekki í takt í neinum stórum mál-
um.“
Jóni finnst sjálfum vel koma til
greina að leitað verði eftir kjöl-
festufjárfesti við söluna. Ekki sé
skynsamlegt að selja fyrirtækið í
einu lagi: „Ég held að það sé miklu
hagstæðara að almenningur fái
með einhverjum hætti að kaupa
hlut í fyrirtækinu þó að það gerist
kannski ekki núna í fyrsta áfang-
anum.“
Í samtali við Fréttablaðið í gær
sagði Hjálmar Árnason, þing-
flokksformaður Framsóknar-
flokksins, stefnt að sölu allra
bréfanna til eins kaupanda. Hann
átti þar við að stefnt yrði að því að
fá kjölfestufjárfesti. ■
LILJA G. JÓHANNSDÓTTIR
Segir að eftir að hún hafi greitt lögreglunni 10 þúsund krónur á mánuði næstu þrjú árin
fyrir umferðarlagabrot hafi hún 25 þúsund krónur til umráða fyrir rekstri heimilisins. „Það
segir sig sjálft að öryrki getur ekki borgað svo háa fjárhæð,“ segir Lilja.
FR
ÉT
TA
B
LA
Ð
IÐ
/S
TE
FÁ
N
JÓN SVEINSSON
„Undirbúninginn fyrir sölu Símans verður
að vanda. Hann verður að vera í lagi þar
sem um stærstu einkavæðingu Íslandssög-
unnar ræðir,“ segir Jón.