Fréttablaðið - 30.08.2004, Qupperneq 6
6 30. ágúst 2004 MÁNUDAGUR
LÖGREGLUMÁL Æsilegum eltingar-
leik lögreglu við ökuníðing norð-
an heiða lauk með því að lögregl-
an keyrði utan í bíl mannsins. Á
flótta sínum undan lögreglu
keyrði maðurinn á allt að 200
km/klst. milli Akureyrar og
Húsavíkur.
Lögreglunni á Húsavík barst
aðstoðarbeiðni frá lögreglunni á
Akureyri um klukkan hálf sex á
sunnudagsmorgun vegna öku-
manns sem ók á ofsahraða eftir
norðausturvegi frá Akureyri til
Húsavíkur. Lögreglan á Akur-
eyri hafði reynt að stöðva öku-
manninn við reglubundið eftirlit
í bænum en hann sinnti því
hvergi og leikurinn barst um
alla Akureyri þar sem talið er að
bíllinn hafi náð allt að 140 km
hraða.
Ökumaðurinn ók út fyrir
Akureyri í austurátt eftir hring-
vegi í átt til Húsavíkur. Í Aðal-
dalshrauni mældist hraðinn 190-
200 km á klst. Lögreglan á Húsa-
vík setti upp vegartálma á Lax-
árbrú, 12 km sunnan við Húsa-
vík, og þá beygði ökumaðurinn
inn á afleggjara sem liggur að
flugvellinum.
Þar dró hann töluvert úr hrað-
anum og náði lögreglan að keyra
utan í bílinn og stöðva hann. Þá
vantaði klukkuna þrjár mínútur
í sex og því er sýnt að ökumaður-
inn hafi ekið meira en 85 km á 30
mínútum. Skemmdir á bílnum
voru óverulegar og engin meiðsl
urðu á fólki. Akstursskilyrði
voru ekki góð, rigning og tölu-
verð umferð, svo talið er að öku-
maðurinn, karlmaður á þrítugs-
aldri, hafi með aksturslagi sínu
valdið mikilli hættu. Hann var
færður í fangageymslur og
hefur verið sviptur ökuréttind-
um til bráðabirgða en er nú laus
úr haldi. Maðurinn er grunaður
um ölvunarakstur. ■
Sótti um í blálokin
Ragnhildur Arnljótsdóttir, nýskipaður ráðuneytisstjóri í félagsmálaráðuneytinu, sótti um starfið eftir að
umsóknarfrestur hafði tvisvar sinnum verið framlengdur. Umsókn hennar var forystumönnum Fram-
sóknar sem himnasending, því þeir áttu erfitt með að komast hjá því að ráða konu í starfið.
STÖÐUVEITING „Ég hafði lengi hugleitt
að sækja um þetta starf. Það var þó
ekki fyrr en það hafði verið auglýst
þrisvar að ég lét til skarar skríða,“
segir Ragnhildur Arnljótsdóttir, ný-
skipaður ráðuneytisstjóri í félags-
málaráðuneytinu. Hún kveðst hafa
fengið auglýsingarnar þrjár, sem
birst höfðu, sendar út til Brussel,
þar sem hún starfar, og sent síðan
inn umsókn. Hún hafi beðið Lögbirt-
ingablaðið um að senda sér þær, en
einungis þar var ráðuneytisstjóra-
staðan auglýst.
„Ég kem því algjörlega að borð-
inu hreinu, eins og hver annar ein-
staklingur sem hefur hugleitt lengi
að sækja um,“ segir hún og svarar
aðspurð að enginn af nánustu sam-
starfsmönnum félagsmálaráðherra
né aðrir honum tengdir hafi hvatt
sig til að sækja um.
Ljóst er að Árna Magnússyni fé-
lagsmálaráðherra hefur verið vandi
á höndum þegar hann réð í starfið.
Margþætt reynsla
Hermann Sæmundsson, sem
starfað hafði sem settur ráðuneytis-
stjóri um skeið, er gagnkunnugur
starfi ráðuneytisins, því hann var
skrifstofustjóri þess áður en hann
settist tímabundið í stól ráðuneytis-
stjóra. Telja ýmsir að í raun og veru
hefði hann átt að fá starfið.
Helga Jónsdóttir hafði hins veg-
ar langa og margþætta reynslu að
baki í stjórnsýslustörfum á vett-
vangi sveitarstjórnarmála. Í feril-
skrá sem hún sendi með umsókn
sinni kemur meðal annars fram að
hún hefur starfað sem aðstoðarmað-
ur ráðherra tveggja ráðuneyta,
skrifstofustjóri í forsætisráðuneyt-
inu, átt sæti í framkvæmdastjórn
Alþjóðabankastofnananna í Wash-
ington og svo mætti áfram telja. Nú
gegnir hún starfi borgarritara, sem
kunnugt er, og er þar með staðgeng-
ill borgarstjóra. Hún þykir hafa
verið „klæðskerasniðin“ í starf
ráðuneytisstjóra.
En svo var sprengjunni varpað.
Hún og Hermann, sem höfðu verið
talin langlíklegustu kandídatarnir,
voru sett til hliðar en Ragnhildur
Arnljótsdóttir lögfræðingur ráðin.
Þessi ákvörðun félagsmálaráðherra
olli fjaðrafoki. Menn spurðu hvers
vegna. Eflaust eru nokkrar ástæður
sem liggja að baki ákvörðun Árna
Magnússonar.
Helga starfaði í stjórnarráðinu
við hlið Steingríms Hermannssonar.
Hann og Halldór Ásgrímsson, for-
maður Framsóknarflokksins, eru
ekki jábræður í dag. Að minnsta
kosti hefur Steingrímur verið
ósmeykur að segja Halldóri opinber-
lega til syndanna, hafi honum fund-
ist formaðurinn vera á villigötum.
Fyrir Samfylkinguna
Þá var það Ingibjörg Sólrún
Gísladóttir sem réð Helgu í starf
borgarritara. Raunar vakti það at-
hygli, að Ingibjörg Sólrún gekk fram
fyir skjöldu og gagnrýndi þá ákvörð-
un félagsmálaráðherra harðlega í
fjölmiðlum, að ráða ekki Helgu. Inn-
legg Ingibjargar Sólrúnar í umræð-
una þótti á skjön við málið því það er
fyrst og fremst framsóknarsápa,
segja þeir sem gerst til þekkja.
Raunin er sú að framsóknarmenn
hafa átt í óttalegu basli með yfir-
lýsta jafnréttisstefnu sína. Það lá í
loftinu að Siv Friðleifsdóttur yrði
skákað út af ráðherraborðinu. Það lá
einnig ljóst fyrir, að sá gjörningur
myndi gera allt vitlaust í flokknum,
eins og raunin varð. Það hefði því
verið að bera í bakkafullan lækinn
að ráða Hermann. Sú ráðstöfun
hefði farið beinustu leið fyrir kæru-
nefnd jafnréttismála, auk þess sem
valkyrjurnar í Framsókn, með Sig-
rúnu Magnúsdóttur í fararbroddi,
hefðu tvíeflst í baráttunni við karla-
veldið, sem var hreint ekki fýsilegt
fyrir formanninn og „strákhvolp-
ana“ í flokknum. Þrautalendingin
var því sú að framlengja umsóknar-
frestinn þangað til fundin yrði kona
forystunni þóknanleg sem uppfyllti
fullkomlega öll skilyrði til starfsins,
en væri jafnframt laus við alla „for-
tíðardrauga.“ Það átti að öllu leyti
við um Ragnhildi.
Mannleg samskipti
Helga hefur alla tíð þótt afar
ákveðin kona og fylgin sér og sínum
sjónarmiðum. Sumir segja „frek“.
Kannski að það hafi einnig átt sinn
þátt í því að hún var ekki skipuð. Að
minnsta kosti stöldruðu margir við
ummæli félagsmálaráðherra í
Fréttablaðinu, þegar hann skil-
greindi hvað fælist í hugtakinu að
vera „hæfastur“ til starfsins. Þá
sagði hann:
„Þegar ég var búinn að fara yfir
það sem fólk hefur skrifað, gert og
sagt í viðtölum, auk hliðsjónar af
þeim verkefnum sem framundan
eru í ráðuneytinu, svo og mannleg-
um samskiptum og öðru sem hafa
þarf í huga og taka með inn í svona
ákvörðun, þá er það mín niðurstaða
að Ragnhildur standi fremst.“
Nú bíða menn eftir rökstuðningi
ráðherra fyrir því að hafa gengið
fram hjá Helgu, svo og öðrum gögn-
um varðandi ráðninguna sem hún
hefur kallað eftir. Hún á rétt á ofan-
greindu samkvæmt lögum og ráð-
herra hefur rúma viku til að svara. ■
■ LÖGREGLUFRÉTTIR
■ BANDARÍKIN
■ LEIÐRÉTTING
VEISTU SVARIÐ?
1Hver er Þjóðminjavörður?
2Hvaða ríki er grunað um að standaað njósnum í bandaríska varnarmála-
ráðuneytinu?
3Hverjir eru nýbakaðir Íslandsmeistar-ar kvenna í knattspyrnu?
Svörin eru á bls. 22
Baldur Guðlaugsson, ráðuneytisstjóri
fjármálaráðuneytis, hefur tvívegis
verið titlaður starfsmaður fram-
kvæmdanefndar um einkavæðingu í
Fréttablaðinu. Hið rétta er að hann er
nefndarmaður í sömu nefnd. Biðst
Fréttablaðið afsökunar á mistökunum.
Flug með ólympíukeppendur:
Nauðlent í
Aþenu
GRIKKLAND SAS-flugvélin SK 3052,
sem í gærmorgun hélt frá Aþenu til
Kaupmannahafnar með 180 farþega
um borð, varð að nauðlenda í Aþenu
skömmu seinna vegna bilunar í
hjóli, upplýsir norska dagblaðið
Verdens Gang.
Vélin var nýfarin í loftið þegar
vandamálið kom í ljós en flogið var
í tvær klukkustundir yfir borginni
til að tæma eldsneytistankinn áður
en hægt var að nauðlenda. Farþegar
og áhörfn óttuðust um líf sitt og
þegar vélin tók að lækka flugið bað
flugfreyjan grátandi um að fólk
beygði sig fram með höfuð milli
fóta á meðan lendingunni stæði. Á
flugbrautinni biðu lögregla,
slökkvilið og sjúkrabílar en lending-
in tókst vel. ■
BARN ILLA BRENNT Eins árs
gamalt barn sat í baðvaski þegar
þriggja ára barn lét heitt vatn
renna á það. Gerðist þetta á
heimili í Keflavík og var lögregla
kölluð til. Barnið brenndist mjög
illa og var það samstundis flutt á
slysadeild í Reykjavík.
RADARMÆLING
Lögreglan beitir radarmælingum við að
mæla ökuhraða bifreiða.
Á ofsahraða á flótta undan lögreglu:
Æsileg eftirför norðan heiða
JÓHANNA S. SIGÞÓRSDÓTTIR
BLAÐAMAÐUR
BAKSVIÐS
SKIPUN RÁÐUNEYTIS-
STJÓRA
RAGNHILDUR ARNLJÓTSDÓTTIR
Umsókn hennar kom eins og himna-
sending.
ÁRNI MAGNÚSSON
Var vandi á höndum við ráðningu ráðu-
neytisstjóra.
SVIPTUR RÍKISBORGARARÉTTI
Hálfníræður Rúmeni sem hefur
búið í Bandaríkjunum frá 1950
hefur verið sviptur ríkisborgara-
rétti sem hann fékk í ágúst 1959.
Ástæðan er sú að hann er sakaður
um að hafa verið fangavörður í út-
rýmingarbúðum nasista í síðari
heimsstyrjöld.