Fréttablaðið - 30.08.2004, Side 69

MÁNUDAGUR 30. ágúst 2004
Tyggigúmmi sem poppstjarnan
Britney Spears á að hafa skyrpt út
úr sér er nú til sölu á eBay. Þetta er
í annað skiptið sem tyggjóið er sett
á sölu, en í fyrra skiptið var færslan
um tilboðið fjarlægð þar sem þar
stóð að þarna væri hægt að komast
í DNA-kóða söngkonunnar. Á eBay
eru strangar reglur um það að ekki
megi selja líkamsparta og lífsýni
teljast undir þá reglu. Nú er hvergi
minnst á DNA-kóða söngkonunnar í
auglýsingunni.
Tyggjóið var hirt upp af götunni
fyrir utan Sanderson-hótelið í
London eftir að poppsöngkonan
hrækti því út úr sér. Hæsta tilboðið
í tyggjóið er 790 pund, sem eru rétt
rúmar 100 þúsund íslenskar krónur.
Fullyrt er að tyggjóið sé í lofttæmd-
um umbúðum og að enginn hafi
snert á því eftir að Britney hrækti
því út úr sér.
Engar sannanir eru þó gefnar
fyrir því að hún hafi í raun og veru
tuggið tyggjóið. ■
Dómkórinn hefur ákveðið að efna
til verðlaunasamkeppni um tón-
list til flutnings við hjónavígslur.
Tilgangurinn er að auðga úrval
kirkjulegrar brúðkaupstónlistar
sem höfðað getur til breiðs hóps
fólks. „Við fáum oft óskir frá fólki
sem er að gifta sig um að flutt
verði popptónlist í athöfninni.
Okkur finnst hins vegar að tónlist-
in sem flutt er í giftingarathöfn-
um megi ekki vera einhverjar
dægurflugur því þá glatast lotn-
ingin sem hvílir yfir athöfninni og
það þarf að undirstrika að gifting
er alvarlegt mál og þarf það að
endurspeglast í þeirri tónlist sem
flutt er,“ segir Marteinn H. Frið-
riksson dómorganisti.
„ Við hvetjum tónskáld og ljóð-
skáld að hjálpa okkur við að finna
tónlist og texta sem hentar við
slíkar athafnir.“ segir Marteinn
og bætir við að að tónlistin megi
vera poppuð ef textarnir hæfi
jafn hátíðlegri athöfn og hjóna-
vígsla er.
Skilafrestur í samkeppninni er
til 15. október en þann 13. nóvem-
ber verða verðlaunaverkin flutt
og síðar gefin út á geisladiski og
væntanlega gleðja eyru í brúð-
kaupum um ókomna framtíð. ■
Það þarf ekki mikinn mannþekkj-
ara til að skynja að leikkonan Jul-
ia Stiles er kjarnakvendi. Hún
hefur látið til sín taka í ýmsum
mannréttindamálum og meðal
annars unnið á alþjóðavettvangi
fyrir Amnesty International. Julia
Stiles lætur sig pólitíkina varða
og stendur ekki á sama um for-
setakosningarnar sem fram und-
an eru í Bandaríkjunum. Á heima-
síðunni julia-stiles.com kemur
fram að hún, ásamt leikkonunum
Susan Sarandon, Isabellu Rossell-
ini og fleiri stórstjörnum, ætli sér
að taka daginn 13. september frá
til að hvetja konur í Bandaríkjun-
um til að ganga til kosninga. „Það
hefur komið í ljós að ansi hátt
hlutfall kvenna í Bandaríkjunum
notar ekki atkvæðin sín,“ segir
Julia í samtali við Fréttablaðið en
leikkonan, sem stödd er hér á
landi við tökur á nýjustu kvik-
mynd Baltasars Kormáks, segist
ekki hafa neina eina skýringu á lé-
legri kjörsókn kynsystra sinna.
„Það er eins og það ríki ákveðinn
doði í þessum efnum og að fólk
haldi að atkvæði þess hafi engin
áhrif. En fram undan eru að mínu
mati einar mikilvægustu forseta-
kosningar sem gengið hefur verið
til og vonandi náum við því með
þessu framtaki að hvetja fleiri til
að kjósa.“ Þó að Julia Stiles sé
búin að ákveða hverjum hún ætlar
að gefa atkvæði sitt í komandi
kosningum lætur hún ekki upp
innihald kjörseðilsins í fjölmiðl-
um. „Ég held því fyrir mig hvað
ég kýs því mér finnst það ekki
vera mitt hlutverk að segja öðrum
hvað þeir eigi að kjósa.“
tora@frettabladid.is
Tyggjó Britney til sölu
BRITNEY
Hægt er að kaupa tyggjó sem Britney
hrækti út úr sér og klóna eitt stykki til
einkanota.
Samkeppni um
brúðkaupstónlist
DÓMKIRKJAN
Leitað er eftir skemmtilegri tónlist og inni-
haldsríkum textum sem nota á í brúð-
kaupum.
Julia Stiles hvetur
konur til að kjósa
JULIA STILES
Gefur ekki upp við Fréttablaðið hvað hún
kýs í komandi kosningum.
PÓLITÍK
JULIA STILES
■ Segir forsetakosningarnar sem
fram undan eru í Bandaríkjunum vera
þær mikilvægustu sem þjóðin hefur
gengið til.