Fréttablaðið - 08.09.2004, Blaðsíða 6

6 8. september 2004 MIÐVIKUDAGUR
ÍRAK, AP Í það minnsta fjörutíu
manns létu lífið í bardögum og
árásum víðs vegar í Írak í gær.
Flestir féllu í bardögum í
Sadrborg, fátækrahverfi í
Bagdad. Þar létust 34 í hörðum
bardögum og nær 200 manns til
viðbótar voru fluttir særðir á
sjúkrahús.
Bardagarnir brutust út í
fyrrinótt en stóðu fram undir
morgun í gær. Áður en bardag-
arnir blossuðu upp hafði verið
rólegt um nokkurra daga skeið í
hverfinu þar sem bandarískir
hermenn og stuðningsmenn
sjíaklerksins Muqtada al-Sadr
hafa oft borist á banaspjót und-
anfarið. Flestir þeirra sem létust
í bardögunum í Sadr-borg voru
Írakar, raunar allir nema einn
bandarískur hermaður. Ekki var
gefið upp hvernig skiptingin
væri milli vígamanna og
óbreyttra borgara.
Vegfarandi lést þegar
sprengjuárás var gerð á bílalest
borgarstjórans í Bagdad og þrír
lífverðir hans særðust.
Fimm bandarískir hermenn
féllu í bardögum og sprengju-
árásum víðs vegar í Írak í gær.
Þrír féllu þegar sprengjur
sprungu á vegum sem þeir áttu
leið um og tveir féllu þegar
skotið var að sveitum þeirra. ■
HRYÐJUVERK Þorri Vesturlandabúa
virðist ekki skilja þá vá sem Rúss-
land stendur frammi fyrir að sögn
Alexanders A. Rannikh, sendi-
herra Rússlands á Íslandi.
Sendiherrann, sem hélt blaða-
mannafund í gær vegna
fjöldamorðanna í Beslan, segir að
Rússar líti á hryðjuverkin undan-
farið nákvæmlega sömu augum
og Bandaríkjamenn hafi litið
hryðjuverkin 11. september 2001.
„Mér finnst hræðilegt að Vest-
urlandabúar skilji ekki að þetta
eru líka þeirra óvinir,“ segir
Rannikh og vísar til hryðjuverka-
mannanna sem stóðu fyrir gísla-
tökunni í Beslan. Hann gagnrýnir
fréttaflutning vestrænna fjöl-
miðla, og þar með talið íslenskra,
af atburðinum í Beslan. Hann
segir fréttaflutninginn endurspegla
að blaðamenn skorti skilning á að-
stæðum í Norður-Kákasus.
„Það hefur líka gleymst að Rúss-
land er orðið að skotmarki hryðju-
verkamanna.“
Rannikh segir alþjóðasamfélag-
ið ekki hafa brugðist rétt við
hryðjuverkaárásunum í Rússlandi
og spyr hvers vegna Rússum hafi
ekki verið boðin aðstoð í baráttu
sinni. Hann segir alveg ljóst að
rússneska ríkisstjórnin muni
herða á aðgerðum sínum gagnvart
hryðjuverkamönnum. Ráðist
verði gegn þeim, ekki bara í Rúss-
landi, heldur einnig utan Rúss-
lands. Aðspurður vildi Rannikh
ekki svara því hvar Rússar
hygðust láta til skarar skríða.
Sendiherrann gagnrýnir
Bandaríkjastjórn. Hann segir
mörg ár síðan rússnesk yfirvöld
hófu að ræða við Bandaríkjamenn
um hryðjuverkaógnina. Banda-
ríkjamenn hafi hins vegar ekki
skilið vandamálið fyrr en eftir 11.
september. Hann segir að jafnvel
þó skilningur þeirra gagnvart
hryðjuverkaógninni hafi nú
aukist skilji þeir á milli hryðju-
verkamanna sem ráðist gegn
Bandaríkjunum og hryðjuverka-
manna sem ráðist gegn öðrum
ríkjum. Það sé afar bagalegt.
Rannikh segir að íslensk
stjórnvöld geti veitt Rússum að-
stoð í þeim vanda sem þeir séu í
núna. Það geti þau gert með því að
sýna Rússum skilning og hjálpa
við að leita úrlausna á þeim vanda
sem Rússar standi frammi fyrir.
trausti@frettabladid.is
Fyrsti ríkisstjórnarfundur
Davíðs eftir veikindi:
Fundi frestað
RÍKISSTJÓRNIN Ekki varð úr því að
Davíð Oddsson forsætisráðherra
stýrði sínum fyrsta ríkisstjórnar-
fundi í gær eftir að hann snéri til
starfa á ný eftir veikindaleyfi.
Fundinum var frestað vegna anna
ráðherra að sögn forsætisráðu-
neytisins. Svo virðist sem fundin-
um hafi verið frestað á elleftu
stundu því a.m.k. tveir ráðherrar
mættu til fundar á hefðbundinn
fundarstað ríkisstjórnarinnar í
stjórnarráðshúsinu við Lækjar-
torg. Davíð Oddsson forsætisráð-
herra og Halldór Ásgrímsson
utanríkisráðherra hafa stólaskipti
15. september, á miðvikudag í
næstu viku. ■
FRÁ KÁRAHNJÚKUM
Tyrkneskt fyrirtæki er með lægsta tilboð í
gerð burðarvirkis háspennulína.
Burðarvirki háspennulína:
Tyrkir með
lægsta boð
IÐNAÐUR Átta tilboð hafa borist í
gerð burðarvirkis háspennulínanna
Fljótsdalslínu 3 og 4 og Sultar-
tangalínu 3. Annars vegar er um að
ræða háspennulínur sem flytja eiga
rafmagn úr Kárahnjúkavirkjun í
Reyðarfjörð og hins vegar úr Sult-
artanga niður í Hvalfjörð.
Lægsta tilboðið átti tyrkneska
fyrirtækið SA-RA, tæplega 5,4
milljón evrur, eða rúmar 472 millj-
ónir króna. Kostnaðaráætlun Lands-
virkjunar hljóðar hins vegar upp á
tæplega 623 milljónir. Hæst bauð
spænska fyrirtækið Eucomsa, 9,8 og
til vara 8,6 milljónir evra. ■
VEISTU SVARIÐ?
1Forsætisráðherra hvaða lands hefurboðið börnunum sem lifðu af gíslatök-
una í Besnan í heimsókn?
2Hvaða þingmaður mótmælti því aðöryrki væri borinn út úr leiguhúsnæði
í Reykjavík?
3Í smiðju hvaða fyrrverandi forsetahefur forsetaframbjóðandinn John
Kerry leitað í baráttu sinni?
Svörin eru á bls. 30
Flugstöð Leifs Eiríkssonar:
Farþegar
yfir milljón
FLUGSAMGÖNGUR
Alls hefur far-
þegum um Flug-
stöð Leifs Ei-
ríkssonar fjölg-
að um rúmlega
21 prósent það
sem af er árinu
miðað við sama
tíma árið 2003,
eða úr tæplega
963 þúsund farþegum í rúmlega
1.167 þúsund farþega.
Farþegum um flugstöðina fjölg-
aði um tæplega 17 prósent í ágúst-
mánuði miðað við sama tíma í fyrra,
úr rúmlega 189 þúsund farþegum
árið 2003 í rúmlega 221 þúsund far-
þega nú. Fjölgun farþega til og frá
Íslandi í ágúst nemur tæplega 15
prósentum milli ára. Farþegum sem
millilenda hér á landi á leið yfir
Norður-Atlantshafið fjölgar þó hlut-
fallslega enn meira eða um rúm 31
prósent. ■
REF OG MINK FJÖLGAR Talsvert er
af ref og mink í Fjarðabyggð, þrátt
fyrir að vel hafi verið staðið að
veiðum undanfarin ár. Talið er að
mildir vetur síðustu ára eigi mikinn
þátt í að dýrin komist frekar á legg
og að sögn veiðimanna er mikið um
að þeir finni greni á nýjum stöðum.
Um miðjan ágúst höfðu veiðst 63
minkar, 32 refir og 48 yrðlingar.
■ FJARÐABYGGÐ
Í FLUGSTÖÐINNI
Ríflega milljón farþeg-
ar hafa farið um stöð-
ina það sem af er ári.
SLASAÐRI KONU HJÁLPAÐ
Nær 200 manns særðust í bardögum í
Bagdad í fyrrinótt og í gær.
Harðir bardagar í Bagdad kosta tugi lífið:
Fjörutíu lágu í valnum
LÖGREGLUSTJÓRI REKINN Yfir-
maður finnsku öryggislögregl-
unnar hefur verið rekinn úr
embætti fyrir að halda hlífiskildi
yfir lögreglumanni sem hleraði
síma ólöglega. Talið er að lög-
reglumaður hafi hlerað símtöl
ólöglega meðan fjarskiptafyrir-
tækið Sonera var í rannsókn en
það hefur ekki fengist staðfest.
MINNAST ÖNNU LINDH Svíar
ætla að minnast Önnu Lindh,
fyrrum utanríkisráðherra, á laug-
ardag en þá er ár síðan hún lést
af sárum sem árásarmaður veitti
henni. Minnismerki verður af-
hjúpað og ráðstefnur og fyrir-
lestrar haldnir um Lindh og
hryðjuverk almennt.
■ NORÐURLÖND
ST. PÉTURSBORG
Fjöldi fólks í St. Pétursborg mótmælti fjöldamorðunum í Beslan. Ung stúlka heldur á
spjaldi þar sem stendur „Aðeins bleyður berjast gegn börnum.“
ALEXANDER A. RANNIKH
Rússneski sendiherrann segir alþjóðasam-
félagið ekki hafa brugðist rétt við hryðju-
verkaárásunum í Rússlandi.
Vesturlönd hafa
brugðist Rússum
Sendiherra Rússlands á Íslandi segir viðbrögð Vesturlanda við hryðju-
verkaárásum á Rússland einkennast af skilningsleysi.