Fréttablaðið - 08.09.2004, Blaðsíða 33
MIÐVIKUDAGUR 8. september 2004
!
"
# $
%
&' (
)
! !
!
# !
$
*
!
%#
)'
! +
! %
,
%# ! -
Með haustinu eykst rigningin og
víða hefur mikið rignt, líkt og á
Snæfellsnesi í fyrradag þar sem
gerði góðar dembur hvað eftir
annað og árnar uxu verulega. Ár
eins og Laxá á Skógarströnd,
Hörðudalsá og Miðá tóku við sér í
vatnsmagni og veiðin hefur von-
andi farið af stað líka.
Veiðin hefur lagast stórlega í
Laxá í Dölum og er áin að komast
í 800 laxa á þessari stundu. Mikið
hefur sést af laxi í ósi Laxár og
Haukadalsá er komin í 344 laxa.
„Við vorum að komast í 1.800
laxa en við eigum fjórtán daga eft-
ir og veiðin gæti farið hæglega í
2.000 laxa,“ sagði Ingvi Hrafn
Jónsson er við spurðum um Langá
á Mýrum. „Í morgun komu 20
laxar á land og vatnið hefur aukist
verulega síðustu daga og fiskur
víða um ána. Fram á fjall eru
gengnir um 1.500 laxar,“ sagði
Ingvi Hrafn enn fremur.
Haffjarðará er komin í 1.100
laxa og veiðin hefur verið góð þar
um slóðir. Veiðimaður sem var þar
fyrir skömmu sagði að mikið væri
af fiski í ánni.
„Miðfjarðará er komin í 1.500
laxa og það er aukning um rúm-
lega 900 fiska frá því í fyrra,“
sagði Jóhann Sigurðarson hjá
Veiðifélaginu Laxá er við spurð-
um um stöðuna. „Vaktirnar hafa
verið að skila þetta 10-15 löxum en
lítið hefur rignt á svæðinu og lítið
bólað á þeirri rigningu sem oft
hefur verið spáð. Veiðin hefur
tekið kipp í Langadalsá í Ísafjarð-
ardjúpi og núna eru komnir 240
laxar á land en í fyrra skilaði áin
86 löxum,“ sagði Jóhann í lokin.
Veiðimaður sem var að koma
úr Langadalsá sagði að mikið væri
af fiski í ánni enda margfalt betri
veiði í henni en fyrir ári síðan.
Síðasta holl veiddi 26 laxa og hef-
ur laxinn veiðst á ýmsar flugur. ■
Góðar dembur
hafa góð áhrif
FINNUR LARSEN
Kastar flugunni fyrir fiska í Vatnsá í Skaftafellssýslu, en fiskurinn var tregur.
VEIÐI
GUNNAR BENDER
■ skrifar um veiði.