Fréttablaðið - 29.09.2004, Blaðsíða 2

2 29. september 2004 MIÐVIKUDAGUR
Columbia Ventures semur við Industria:
Tengja þúsundir heimila á Írlandi
VIÐSKIPTI Kenneth Peterson hefur
fyrir hönd fyrirtækis síns, Col-
umbia Ventures, undirritað
samning við Industria, íslenskt
fyrirtæki, um uppbyggingu á
stafrænu fjarskiptakerfi á Ír-
landi.
Guðjón Már Guðjónsson er
framkvæmdastjóri Industria. Á
blaðamannafundi í gær sagði
hann að um væri að ræða stærs-
ta samning sem íslenskt fyrir-
tæki á sviði fjarskipta hefði gert
um útflutning á hugviti.
Um er að ræða uppbyggingu
á stafrænu sjónvarps-, síma- og
breiðbandskerfi í einum bæ á
Írlandi. Þar verða öll heimili
tengd við kerfið og stendur til
að nýta reynslu þess verkefnis
til frekari uppbyggingar á Ír-
landi og annars staðar.
„Industria býr yfir mikilli
sérþekkingu á þessu sviði og
hefur ekki aðeins þróað hug- og
vélbúnað heldur einnig hug-
myndafræðina á bak við hvern-
ig nýta megi þessa fjarskipta-
tækni,“ segir Kenneth Peterson.
Peterson segir að umfang
samningsins ráðist af því hver-
su vel takist til á Írlandi. „Á sex
næstu mánuðum komumst við
að því hvernig fólk tekur þessu.
Ég er mjög vongóður um að
þetta verði stórt verkefni,“ seg-
ir hann. „Ég get því ekki sagt til
um hve háar upphæðir um er að
ræða en þetta er verkefni upp á
margar milljónir Bandaríkja-
dala,“ bætir hann við.
Guðjón Már segir að fyrstu
heimilin verði tengd við fjar-
skiptanetið í byrjun desember. ■
Ákærður fyrir sex
aðrar líkamsárásir
Maður sem sló annan mann nokkrum sinnum í höfuðið með öxi á
veitingastaðnum A. Hansen í Hafnarfirði fyrir um mánuði síðan er
ákærður fyrir sex aðrar líkamsárásir.
DÓMSMÁL Hálfþrítugur þekktur of-
beldismaður í Hafnarfirði tók sér
frest til að tjá sig um sex líkams-
árásir og vopnalagabrot sem hann
er ákærður fyrir
þegar mál hans var
þingfest í Héraðs-
dómi Reykjaness í
gær. Ákæra á hend-
ur manninum, fyrir
að hafa slegið
mann nokkrum
sinnum í höfuðið með öxi á veit-
ingastaðnum A. Hansen í Hafnar-
firði síðasta dag ágústmánaðar, er
í undirbúningi. Búist er við að
geðrannsókn á manninum verði
lokið um miðjan næsta mánuð.
Maðurinn er ákærður fyrir sex
líkamsárásir og þar af eina sér-
staklega hættulega þegar hann sló
mann með bjórflösku í andlitið
þannig að flaskan brotnaði. Strax
á eftir lét hann þrjú hnefahögg
fylgja í andlit mannsins. Árásin
var framin í janúar fyrir framan
veitingastaðinn A. Hansen. Hann
er einnig sakaður um að hafa
sama kvöld barið þrjá menn með
hnefanum í andlitið. Þá er hann
ákærður fyrir að slá mann nokkur
högg í andlitið í október í fyrra og
hafa rifbrotið annan mann sem
hann barði í kviðinn í janúar.
Einnig er hann ákærður fyrir
vopnalagabrot en við húsleit
heima hjá manninum fannst
haglabyssa undir baðkerinu.
Hann hefur ekki skotvopnaleyfi.
Fyrir ári var maðurinn dæmd-
ur í Héraðsdómi Reykjaness fyrir
að kasta grjóti í andlit manns og
fyrir vörslu fíkniefna. Fyrir það
hlaut hann þriggja mánaða fang-
elsisdóm en fullnustu refsingar-
innar var frestað í þrjú ár héldi
hann skilorð. Ljóst er að maðurinn
er margbúinn að brjóta skilorð.
Hann var úrskurðaður í gæslu-
varðhald til 15. október vegna ax-
arárásarinnar en hann gekk rak-
leiðis að fórnarlambinu og sló það
nokkrum sinnum í höfuðið. Öxin
slóst auk þess í annan mann sem
stóð fyrir aftan árásarmanninn
þegar hann reiddi til höggs. Hann
flúði staðinn eftir árásina en var
handtekinn skömmu síðar heima
hjá sér.
hrs@frettabladid.is
Iceland Express:
Hópupp-
sögn til hag-
ræðingar
UPPSAGNIR Fjörutíu flugfreyjum og
flugþjónum hjá Iceland Express
var sagt upp störfum í gær. Starfs-
fólkið verður nær allt endurráðið
hjá breska fyrirtækinu Astraeus.
Ólafur Hauksson, talsmaður
Iceland Express, segir breytingar
ekki hafa áhrif á heildarkjör fólks-
ins en vinnutíminn breytist. Hann
segir ekki ljóst hvort fólkið greiði
skatta hér á landi eða Bretlandi.
Tvísköttunarsamningar séu í
gangi og hann telji fólkinu það val-
frjálst.
Ólafur segir breytingarnar
gerðar til að samræma vinnutíma
flugmanna og flugfreyja. Þeir
vinni eftir breskum reglum en þær
íslenskum. Breytingarnar séu
gerðar nú þar sem samningur
Flugfreyjufélagsins renni út 31.
október. Hann sé að mestu sniðinn
að flugfreyjum Icelandair og henti
ekki Iceland Express. ■
Þá yrðum við flottasti smáíbúða-
lánasjóður í heimi.
Mikil hreyfing er á fasteignamarkaði í kjölfar nýrra
íbúðalána bankanna. Hlutur Íbúalánasjóðs hefur
minnkað. Fólk grípur tækifærið og fjármagnar lán
sín hjá bönkunum.
SPURNING DAGSINS
Hallur, stendur til að breyta nafni
Íbúðalánasjóðs í Smáíbúðalánasjóð?
GRAMM AF HASSI Lögreglan í
Hafnarfirði lagði hald á eitt
gramm af hassi þegar hún stöðv-
aði mann á bifreið í Hafnarfirði í
gær. Var manninum sleppt að
loknum yfirheyrslum og telst
málið upplýst.
Reykingar:
Bannaðar á matsölustöðum
HEILBRIGÐISMÁL Reykingabann á
veitingahúsum kann að verða
samþykkt á Alþingi í vetur. Drög
að frumvarpi til tóbaksvarnalaga,
þar sem gert er ráð fyrir banninu,
er tilbúið í heilbrigðisráðuneytinu
og Jón Kristjánsson heilbrigðis-
ráðherra hyggst leggja frumvarp-
ið fram í haust.
Talið er að í frumvarpinu sé
eingöngu átt við matsölustaði en
ráðherrann hefur sjálfur lýst yfir
vilja til að ganga skrefinu lengra
og banna einnig reykingar á krám
og skemmtistöðum. Talið er að af-
staða þingmanna til frumvarpsins
falli ekki eftir flokkslínum og hart
verði tekist á um það í haust.
Kristbjörg Kristinsdóttir, eig-
andi Kaffibrennslunnar, sem er
veitingastaður í miðborg Reykja-
víkur, líst illa á það sem hún hefur
heyrt af frumvarpsdrögunum.
,,Það ætti að duga að skilja á milli
reyk- og reyklausra svæða, eins
og gert er í dag. Svo eru nokkur
veitingahús í miðbænum sem eru
reyklaus. Ég skil ekki af hverju
þarf alltaf að setja alla í sömu
körfu? Fólk getur sjálft valið
þarna á milli eins og staðan er í
dag.“ ■
Sauðfjárbændur:
Tekjusam-
dráttur
LANDBÚNAÐUR Meðaltekjur sauð-
fjárbúa rýrnuðu um sem nemur
397 þúsund krónum milli áranna
2002 og 2003.
Í tölum Hagþjónustu landbún-
aðarins kemur fram að tekjur
sauðfjárbúa, fyrir laun eiganda,
hafi lækkað úr 979 þúsund krón-
um árið 2002 í 837 þúsund krónur
árið 2003. Lækkunin nemur 14
prósentum.
Skoðuð var afkoma 86 sauð-
fjárbúa þar sem nær allar bú-
greinatekjur eru frá sauðfjáraf-
urðum. Framleiðsla búanna jókst
um 7,9 prósent milli áranna, en
verri afkoma er sögð til komin af
lægra afurðaverði til bænda. ■
Á KAFFIHÚSI
Samkvæmt frumvarpsdrögum er gert ráð fyrir reykingabanni á veitingastöðum. Kaffihús
og krár sleppa.
FR
ÉT
TA
B
LA
Ð
IÐ
/H
IL
M
AR
KENNETH PETERSON OG GUÐJÓN
MÁR GUÐJÓNSSON
Undirrituðu í gær samning um tengingu
þúsunda heimila á Írlandi við háhraðanet
og uppbyggingu á fjarskiptakerfi sem
tvinnur saman sjónvarp, síma og net.
■
Við húsleit
heima hjá
manninum
fannst hagla-
byssa undir
baðkerinu.
Í HÉRAÐSDÓMI REYKJANESS
Maðurinn vildi ekki láta lesa upp fyrir sig ákærurnar í dómi og tók sér frest til að tjá sig
um þær og reyndi þannig að koma í veg fyrir að blaðamenn heyrðu ákæruefnin.
FR
ÉT
TA
B
LA
Ð
IÐ
/E
.Ó
L.
■ LÖGREGLUFRÉTTIR
Ákæra:
Kýldi lög-
reglumann
DÓMSMÁL Maður á fimmtugsaldri
hefur verið ákærður fyrir brot
gegn valdstjórninni en hann er
sakaður um að hafa kýlt lögreglu-
mann með krepptum hnefa í and-
litið í maí í fyrra. Maðurinn mætti
ekki í Héraðsdóm Reykjaness
þegar átti að þingfesta málið í
gær.
Árásin var gerð á heimili
mannsins á Suðurnesjum en lög-
reglumaðurinn var við skyldu-
störf. Afleiðingar höggsins voru
mar í andliti og laus tönn sem
þurfti að fjarlægja. ■
Nordisk Panorama:
Íslensk
verðlaun
VERÐLAUN Mynd Rúnars Rúnars-
sonar, Síðasti bærinn í dalnum,
var í gærkvöld verðlaunuð sem
besta stuttmynd-
in á kvikmynda-
hátíðinni Nordisk
Panorama sem
hefur staðið yfir
hér í Reykjavík
frá á fimmtudag.
Í flokki heimild-
armynda voru
tvær myndir
v e r ð l a u n a ð a r,
danska myndin
Rocket Brothers og finnska
myndin Father to son.
Sjá síðu 30
ÚR MYNDINNI
Jón Sigurbjörnsson
leikari.