Fréttablaðið - 29.09.2004, Blaðsíða 33

Ýmis vandamál fylgdu í kjölfar
fyrstu bílanna og það væri athygl-
isvert að kanna hve margir væru í
dag sammála þessum manni sem
skrifaði reiður í Vísi þann 14. júlí
1917:
„Það er voðalegt að hugsa til
þess hvernig bifreiðarnar þeysa
fram og aftur um göturnar, jafnt
þar sem krökkt er af krökkum,
þvi engin gata, hversu mjó sem
hún er, er friðhelg fyrir þessum
ófögnuði. ... Og þessi ófögnuður er
svo að segja samur og jafn dag og
nótt. Aðeins sá munur er að þegar
líða fer að háttatíma fylgja honum
oft og einatt org og ill læti karla
og kvenna sem í bifreiðunum eru.
Kveður svo rammt að þessu í
sumum götum að íbúar húsanna
fá ekki fest svefn oft og einatt
fyrr en undir morgun, eða hrökk-
va upp við ólætin af værum blun-
di og verða andvaka eftir. Ef vel
væri ætti algerlega að banna bif-
reiðaakstur í bænum, nema þá um
fáar götur. Innanbæjarakstur er
að mestu leyti óþarfur; venjuleg-
ast eru það einhverjir apakettir í
buxum og pilsum sem eru að flot-
ta sig með því að aka bifreið fram
og aftur í hring á götunum og
helst þeim fjölförnustu. Mér er
óhætt að segja það að þegar ég að
endingu skora á lögregluvald
þessa bæjar að taka hér í taumana
þá tala ég fyrir munn alls þorra
bæjarbúa. Mér er því óhætt að
skrifa mig Vox Populi.“
Tekið úr bókinni Íslenska
bílaöldin.
[ BÍLLINN MINN ]
MIÐVIKUDAGUR 29. september 2004 13
„Ég er nýbúin að kaupa mér Ford Focus. Ég
get ekki sagt að ég noti hann mjög mikið
og þar af leiðandi eyði ég ekki miklu í
hann. Það besta í bílnum mínum er tví-
mælalaust loftræstingin.“
María
Guðnadóttir
„Ég á eiginlega tvo bíla; Nissan Carisma og
Ford Transit. Konan er helst á Carisma en
ég nota Transit sem vinnubíl og hann sinnir
því starfi mjög vel. Þessir bílar eru tiltölu-
lega nýtilkomnir og er kostnaður við þá al-
gjörlega í lágmarki. Ég er ekki áhugamaður
um bíla. Það eina sem skiptir mig máli er
að bíllinn gangi.“
Egill Róbertsson
„Ég á Cherokee-jeppa sem mér finnst að
sjálfsögðu alveg hrikalega gaman að keyra
á. Ætli ég eyði ekki um það bil hálfri milljón
á ári í hann með öllu; viðhaldi, aukahlutum
og bensíni.“
Kristján Pétur
Guðnason
„Ég á Subaru Impreza og ég nota hann
nokkuð mikið. Hann eyðir mjög litlu og
hefur verið frekar viðhaldslaus þessi fimm
ár sem ég hef átt hann þannig að ég eyði
ekki miklu í hann. Þetta er góður bíll og
mér finnst allt frábært við hann.“
Anna
Kjartansdóttir
„Bíllinn minn heitir KIA og ég fer allar mín-
ar leiðir á honum. Mér finnst best hvað
hann er rosalega rúmgóður og fínn. Ég
eyði ekki miklu í hann fyrir utan í bensín -
ég eyði miklu í það.“
Arnljótur
Davíðsson
Rúnturinn virðist hafa orðið til um leið og fyrstu bílarnir komu til landsins.
Apakettir í buxum og pilsum
„Ég á Subaru Legacy en ég nota hann
ekki mjög mikið. Maðurinn minn notar
hann meira þar sem ég bý í göngufæri við
vinnuna mína og fer sjaldan á bílnum. Ég
nota hann því aðeins þegar nauðsyn er.
Það besta við bílinn minn er að hann virkar
og kemur mér á milli staða. Þar af leiðandi
er ég mjög sátt.“
Nanna
Vilhelmsdóttir